Mae ein prifddinas, Caerdydd, yn croesawu tua 22 miliwn o dwristiaid bob blwyddyn. Mae Caerdydd yn gartref i Ganolfan Mileniwm Cymru hawdd ei hadnabod ym Mae Caerdydd a Stadiwm Principality eiconig yng nghanol y ddinas, lle mae’r tîm rygbi cenedlaethol yn chwarae ac yn ymarfer. Mae yna rywbeth at ddant pawb gyda digonedd o siopau, bwytai, bariau a pharciau.

Yng nghornel de-ddwyrain Cymru, mae nifer o drefi hynod ddiddorol i’w harchwilio, gan gynnwys Casnewydd, Brynbuga, a’r Fenni, ond o fewn Caerdydd ei hun, mae nifer o bethau i’w gwneud p’un a ydych chi’n chwilio am opsiynau sy’n addas i deuluoedd, ychydig o ddiwylliant, neu ychydig o amser i chi'ch hun.

 

1. Mwynhau Ychydig o Therapi Siopa ym Marchnad Caerdydd

Yn Ardal y Castell yng nghanol y ddinas, fe welwch Farchnad Ganolog Caerdydd.

O dan y to gwydr Fictoraidd gwych, mae’r farchnad yn fwrlwm o weithgarwch wrth i stondinau di-ri wneud busnes. Ochr yn ochr â’r masnachwyr mwy traddodiadol, fel gwerthwyr llysiau, cigyddion a gwerthwyr llyfrau, fe welwch lawer o werthwyr annibynnol yn arddangos celf a chrefft lleol, cynhyrchion crefftus a mwy - mae yna hyd yn oed gyfryngwraig seicic. Mae’r awyrgylch cyfeillgar yn eich gwahodd i mewn, a hyd yn oed os nad ydych yn bwriadu prynu, gallwch dreulio llawer o oriau hapus yn archwilio a blasu’r amrywiaeth hyfryd o gynnyrch lleol a bwyd wedi’i goginio’n ffres sydd ar gael.

Cardiff Market

 

2. Archwiliwch orffennol Caerdydd yn yr Amgueddfa

Yng nghanol Caerdydd, saif yr Amgueddfa Genedlaethol.

Wedi'i sefydlu ym 1905, mae'r amgueddfa'n gartref i rai o'r casgliadau gorau a welir yn Ewrop, tra bod yr oriel gelf yn gartref i ddarnau sy'n dyddio o'r cyfnod cyn yr 16eg ganrif hyd at heddiw. 
Gweithiau Ffrengig, Ôl-Argraffiadaeth, Porslen Tsieineaidd o'r 18fed ganrif, a cherfiadau traddodiadol Cymreig - dros 500 mlynedd o'r gweithiau celf gorau wedi’u casglu mewn un lle, gan gynnwys arian, cerfluniau, tecstilau a serameg.

Mae arddangosfa Esblygiad Cymru yn mynd ag ymwelwyr ar daith trwy 4,600 miliwn o flynyddoedd o hanes, o'r Glec Fawr, deinosoriaid, a sut y cafodd y tir ei lunio gan ffrwydradau folcanig i ddechrau'r cyfnod modern. Casgliad hollol syfrdanol o ffosilau, ffilm, arddangosfeydd rhyngweithiol, a sioeau golau - mae hwn yn rhywbeth y mae'n rhaid i oedolion a phlant ei weld.

Gyda chasgliadau’n canolbwyntio ar fyd natur, creiriau ac arteffactau a ddarganfuwyd yn dogfennu datblygiad dyn, a nifer o arddangosion dros dro cyffrous, mae Amgueddfa Genedlaethol Caerdydd yn rhad ac am ddim, yn hwyl ac yn hynod ddiddorol.

 

3. Archwiliwch Stadiwm Principality

P’un ai ydych chi’n frwd dros chwaraeon ai peidio, mae’n werth archwilio Stadiwm eiconig y Principality.

Yr enw blaenorol arno oedd Stadiwm y Mileniwm, ac mae wedi bod yn gartref i rygbi Cymru ers ei gêm gyntaf ym 1999. Gall y stadiwm ddal 75,000 o bobl a dyma'r ail stadiwm yn Ewrop yn unig i gynnwys to y gellir ei agor.

Gan gynnal amrywiaeth eang o ddigwyddiadau o gerddoriaeth fyw i Monster Jam, mae Stadiwm Principality hefyd wedi ymddangos mewn sawl sioe deledu, gan gynnwys Dr Who, y gyfres gysylltiedig Torchwood, a hyd yn oed wedi cynrychioli Wembley Arena yn y ffilm gwlt 28 Weeks Later.

Mae amrywiaeth o opsiynau taith yn galluogi ymwelwyr i ddilyn yn ôl traed y cewri, trwy'r ystafelloedd gwisgo, yr ystafell gynadledda i'r wasg ac allan i'r tyweirch cysegredig. Mae edrych i fyny a dychmygu'r miloedd o gefnogwyr yn bloeddio, gan weld y strwythur to 800 tunnell a'r maes eang gwyrdd yn ymestyn o'ch blaen, yn gyfle unwaith-mewn-oes.  

 
 
 
 
 
 
 
 
 
 
 
 
 
 
 

A post shared by CardiffLifemag (@cardifflifemag)

 

 

4. Ewch yn ôl mewn amser yng Nghastell Caerdydd

Mae Castell Caerdydd yn un o brif atyniadau treftadaeth Cymru ac yn safle o bwys rhyngwladol. Wedi'i leoli yng nghanol y ddinas, gallwch gerdded trwy giatiau'r Castell a darganfod hanes 2000 o flynyddoedd. Gyda theithiau tywys, theatr awyr agored a siop anrhegion, mae taith i Gastell Caerdydd yn hanfodol i bawb sy’n ymweld â Chaerdydd.

  • Oeddech chi’n gwybod?
    Teithiwch yn Saffach
    Gallwch gynllunio ymlaen llaw a phenderfynu pryd i deithio gan ddefnyddio ein Gwiriwr Capasiti.
    Gwirio capasiti