Ymweld â Birmingham

Mae eich antur nesaf yn dechrau yma!

Darganfyddwch Birmingham - dinas sy'n llawn egni, creadigrwydd a difyrrwch. Crwydrwch strydoedd prysur i weld siopau annibynnol a bwytai chwaethus, ymlaciwch mewn bar bywiog ger y gamlas, neu archwiliwch atyniadau o'r radd flaenaf.

Mae Birmingham yn llawn profiadau i deuluoedd ac i garedigion bwyd a diwylliant; dyma gartref straeon J.R.R. Tolkien, danteithion Cadbury, a synau cerddoriaeth roc ‘metal’.  Boed yn ymweliad cyntaf neu beidio, mae rhywbeth newydd i'w ddarganfod yn Brum bob amser!

Beth sydd i weld yn Birmingham.

Teithiau wedi'u llunio’n arbennig i chi.

Pethau i'w gweld a'u gwneud yn Birmingham

Mae gan Birmingham rywbeth at ddant pawb. Mae ei sîn bwyd ymhlith y rhai mwyaf amrywiol yn y Deyrnas Gyfunol - o fwyd stryd bywiog Digbeth Dining Club a’r triongl Balti i fwytai sy’n serennu yn ôl Michelin. Ceisiwch coctêls bariau uchaf y ddinas, archwiliwch un o gyrchfannau fwyaf atyniadol Prydain yn Digbeth, neu ymlaciwch ger golygfeydd camlesi’r ddinas, sy’n fwy niferus na Fenis!

Rydych ar drothwy hanes a diwylliant ym Mrum; darganfyddwch yr ardal gemwaith, cartref bron i hanner cynnyrch gemwaith y deyrnas, cipolwg ar fywyd diwydiannol Back to Back, neu edmygwch gelf o'r radd flaenaf yn amgueddfa ac oriel gelf Birmingham. Beth am gyngerdd yn Symphony Hall neu sioe yn yr Hippodrome, y theatr brysuraf y tu hwnt i Lundain.

Am ymlacio? Ceisiwch Barc Cannon Hill neu Gerddi Botaneg Birmingham, neu archwiliwch leoliadau golygfeydd mwyaf eiconig ‘Peaky Blinders’.

Gallwch fanteisio i'r eithaf gyda’r Birmingham & West Midlands Visitor Pass, sy'n cynnig mynediad i brif atyniadau'r rhanbarth, gan gynnwys Cadbury World, Castell Warwick, a’r Black Country Living Museum ynghyd â gostyngiadau ar westai, bwyta a phrofiadau ledled y rhanbarth.

Atyniadau a phrofiadau gorau Birmingham

1.    Mwynhau golygfeydd ger y gamlas yn Brindleyplace
2.    Golygfa wych o frig Llyfrgell Birmingham
3.    Gemwaith gwych Jewellery Quarter
4.    Celf gyfoes Ikon Gallery
5.    Siopa eiconig yn Bullring & Grand Central
6.    Trysorau lleol yn Birmingham Museum & Art Gallery
7.    Perfformiad yn Neuadd y Symffoni
8.    Mwynhewch noson yn The Custard Factory
9.    Straeon, a siocled Cadbury World
10.    Dychymyg annibynnol yn y Midlands Arts Centre

Ble i aros yn Birmingham

Ceir llety i weddu bob poced; mae Birmingham yn berffaith ar gyfer penwythnos neu fel canolbwynt i archwilio gorllewin canolbarth Lloegr yn ehangach, gan gynnwys Stratford-upon-Avon, Coventry, a Solihull.

Mannau i aros.

Archwilio'r rhanbarth ehangach.

Hygyrchedd

Mae Birmingham yn falch i gynnig dewis cynyddol o westai, atyniadau a siopau hygyrch. Mae Visit Birmingham ac AccessAble yn darparu gwybodaeth fanwl am fynediad heb risiau, mannau tawel a chymorth symudedd, gan eich helpu i archwilio'r ddinas yn rhwydd ac yn rhydd.