Os ydych chi'n mynd o Gaerdydd Canolog i Abertawe, beth am fynd ar y trên? Byddwch chi'n arbed amser ac ymdrech - ac mae'n debyg ei fod yn rhatach nag y byddech chi'n ei ddisgwyl. Osgowch eistedd mewn traffig wrth deithio ar draws De Cymru.

 

Manylion allweddol

  • Hyd y daith: 53 munud ar gyfartaledd
  • Trenau uniongyrchol: Oes
  • Amlder: Hyd at 50+ o drenau'r dydd
  • Trên cyntaf: Tua 05:42 o Gaerdydd Canolog (gall amrywio ar ddyddiau Sul)
  • Trên olaf: Tua 01:00 o Gaerdydd Canolog (gall amrywio ar y penwythnos)
  • Gorsafoedd galw allweddol: Pen-y-bont ar Ogwr, Parcffordd Port Talbot, Castell-nedd
  • Gorsaf darddiad: Caerdydd Canolog
  • Gorsaf gyrchfan: Abertawe
  • Cyfleusterau: Seddi eang, mannau gwefru a Wi-Fi am ddim ar y trên.
  • Arbedion ar docynnau: Prynwch yn gynnar, defnyddiwch gerdyn rheilffordd neu teithiwch y tu allan i oriau brig er mwyn cael y gwerth gorau am eich arian.

 

  • Wi-Fi am ddim
    Wi-Fi am ddim
  • Pwyntiau gwefru
    Pwyntiau gwefru
  • Uniongyrchol
    Uniongyrchol
Gwybodaeth fyw am drenau sy’n gadael ac yn cyrraedd

 

Trenau o Gaerdydd i Abertawe

Un o'r llwybrau mwyaf poblogaidd yng Nghymru yw'r trên o Gaerdydd i Abertawe. Gyda threnau'n rhedeg sawl gwaith yr awr a phrisiau tocynnau fforddiadwy, mae teithio ar y trên yn hawdd iawn - boed ar gyfer gwaith neu hamdden.

Peidiwch ag eistedd mewn traffig. Ewch ati i ddarllen llyfr newydd, gwrandewch ar eich hoff bodlediad neu mwynhewch amser gyda ffrindiau a theulu. Mae'r daith fel arfer yn cymryd llai nag awr, felly byddwch chi yno cyn i chi sylweddoli. Mae'r rhan fwyaf o drenau'n uniongyrchol hefyd, felly rydych yn osgoi'r drafferth o newid trenau.

Darganfyddwch sut y gallai'r trên fod y ffordd orau i chi deithio o Gaerdydd Canolog i Abertawe heddiw.

 

Pam teithio ar y trên o Gaerdydd i Abertawe?

Mae Abertawe yn un o ddinasoedd poblogaidd Cymru, wedi'i lleoli ar arfordir hardd De Cymru ym Mae Abertawe.

  • Darganfyddwch y traethau - Mae Abertawe wedi'i hamgylchynu gan draethau trawiadol, o Benrhyn Gŵyr i Fae'r Tri Chlogwyn.
  • Ewch i Farchnad Abertawe - ewch i'r farchnad dan do anhygoel i brynu cynhyrchion lleol.
  • Mwynhewch brom Abertawe - ewch am dro ar droed neu ar gefn beic, i lawr prom Abertawe i fwynhau awyrgylch glan môr y ddinas.
  • Gweiddwch am y Gweilch - Mae Abertawe yn gartref i'r Gweilch - un o dimau rygbi mwyaf poblogaidd y DU.

Dysgwch ragor yn ein canllaw i ymweld ag Abertawe am awgrymiadau a chyngor teithio.

 

Awgrymiadau gwych ar gyfer prynu eich tocyn trên o Gaerdydd i Abertawe

Arbedwch arian ar eich taith gyda'r opsiynau canlynol:

  • Tocynnau Advance*: Prynwch docynnau’n gynnar i fachu’r prisiau gorau.
  • Cardiau rheilffordd: Arbedwch hyd at draean ar eich taith nesaf.
  • Tocynnau Unrhyw Bryd: Teithio hyblyg, unrhyw bryd yn ystod y dydd.
  • Tocynnau tymor - Gwerth gwych am arian i deithwyr rheolaidd.

Beth am ddefnyddio ein ap? Mae'n caniatáu ichi weld ein holl fargeinion teithio fforddiadwy mewn un lle hawdd ei gyrchu.

*Tocynnau Advance sy’n cynnig ein prisiau gorau a gellir defnyddio disgowntiau cardiau rheilffordd wrth eu prynu. Ni allwn warantu argaeledd tocynnau Advance oherwydd dim ond nifer cyfyngedig ohonynt sydd ar gael a dim ond hyd at 18:00 y diwrnod cyn i chi deithio y maent ar werth. Byddem yn argymell eich bod yn prynu tocynnau’n gynnar i osgoi cael eich siomi.

 

Cwestiynau cyffredin

Pa mor hir yw'r daith ar y trên o Gaerdydd i Abertawe?

Mae trenau fel arfer o dan awr o Gaerdydd i Abertawe.

Pa mor aml mae trenau o Gaerdydd i Abertawe?

Mae sawl trên yr awr, felly ni fyddwch byth yn aros yn rhy hir.

Pa mor gynnar alla i brynu tocynnau trên o Gaerdydd i Abertawe?

Fel arfer, mae trenau ar gael o tua 12 wythnos cyn dyddiad y daith.

Pryd mae'r trên cyntaf o Gaerdydd i Abertawe?

Mae trenau'n cychwyn tua 05:00 y bore, yn dibynnu ar y diwrnod.

Pryd mae'r trên olaf o Gaerdydd i Abertawe?

Yn dibynnu ar y diwrnod, mae trenau fel arfer yn rhedeg tan tua 01:00 y bore.