Polisi cyfryngau cymdeithasol

Mae ein cyfrifon cyfryngau cymdeithasol yn cael eu monitro o 07:00 - 20:00 o Ddydd Llun i Ddydd Gwener a 08:00 - 20:00 ar Ddydd Sadwrn a Dydd Sul.

Os gwelwch yn dda gofynnwch gwestiynau, rhowch adborth ar ein gwasanaethau, gwnewch awgrymiadau, a darganfyddwch sut rydym yn gwella trafnidiaeth yng Nghymru a'r gororau.

O bryd i’w gilydd, byddwn yn adolygu'r polisi hwn felly cadwch lygad ar y dudalen hon i sicrhau eich bod yn ymwybodol o unrhyw newidiadau.

Rydym yn falch i hyrwyddo’r Gymraeg ac i ddathlu diwylliant Cymru ar ein cyfryngau cymdeithasol.

Mae ein diweddariadau'n cael eu rhannu’n ddwyieithog gyda’r Gymraeg yn gyntaf, neu fel negeseuon ar wahân lle rhoddir y fersiwn Gymraeg cyn y Saesneg. Cofiwch na fydd teclynnau cyfieithu awtomatig a ddefnyddir gan rai llwyfannau yn adlewyrchu cynnwys ein post gwreiddiol yn gywir.

Am gwyno?

Er ein bod yn croesawu adborth, nid ein sianeli cyfryngau cymdeithasol yw’r lle i gwyno yn ffurfiol. Ceir gwybodaeth am sut i gwyno yma.

Rydym yn parchu preifatrwydd ein cydweithwyr, felly ni fyddwn yn trafod cwynion amdanynt ar gyfryngau cymdeithasol. Os ydych chi eisiau rhoi adborth ar unrhyw un o'n cydweithwyr, cysylltwch â Chysylltiadau Cwsmeriaid. Bydd pob cwyn yn cael ei ymchwilio'n briodol, a bydd ymateb yn cael ei anfon atoch.

Rheolau

Er mwyn annog amgylchedd ar-lein diogel, croesawgar a pharchus, mae'r rheolau hyn yn berthnasol ar gyfer ein holl sianeli cyfryngau cymdeithasol:

• Peidiwch ag ysgrifennu unrhyw beth gwahaniaethol, hiliol, rhywiaethol, camdriniol, anweddus, ymfflamychol neu anghyfreithlon. Mae hyn yn cynnwys sylwadau wedi'u cyfeirio at ein cydweithwyr neu unrhyw un arall.
• Peidiwch ag ysgrifennu unrhyw beth difenwol neu ddifrïol am unigolyn na sefydliad arall.
• Dylech osgoi siarad am achosion llys agored ac ymchwiliadau’r heddlu.
• Peidiwch â defnyddio gwaith a warchodir dan gyfraith hawlfraint heb ganiatâd y perchennog.
• Peidiwch â defnyddio’r fforwm hwn i hunan-hyrwyddo nac i gael budd masnachol.

Efallai y bydd defnyddwyr sy'n torri ein rheolau yn cael rhybudd. Mewn rhai achosion, byddwn yn dileu diweddariadau ar unwaith, yn blocio defnyddwyr ac yn adrodd y neges  i'r cyfrwng cymdeithasol penodol. Pe bawn ni’n ystyried bod y diweddariad, neges uniongyrchol neu gyfrif yn dreisgar neu'n fygythiol, efallai y byddwn yn ei adrodd i'r heddlu.

Rhowch wybod i ni os gwelwch chi sylwadau sy'n torri ein rheolau.

Ni fydd gan gyfrifon sydd wedi'u blocio oherwydd eu bod wedi torri ein polisi cyfryngau cymdeithasol yr hawl i apelio yn erbyn y penderfyniad. Byddwch yn ymwybodol y gallai hyn eich atal rhag cael mynediad at wybodaeth fyw am ein gwasanaethau neu gael diweddariadau taith ar gyfryngau cymdeithasol.

Cefnogwch cyfryngau cymdeithasol caredig

• Ceisiwch fod yn deg, yn onest ac yn gywir.
• Parchwch farn ac enw da pobl eraill.
• Peidiwch â rhannu ffotograffau o gydweithwyr heb eu caniatâd.
• Byddwch yn garedig wrth dynnu sylw at gamgymeriad neu gamddehongliad rhywun arall.
• Peidiwch ag anfon sbam i bobl eraill - mae’n ei gwneud hi’n anodd cael sgwrs go iawn.
• Cofiwch fod ein negeseuon ni wedi’u hysgrifennu gan ein cydweithwyr, sydd yn bobl go iawn.

Dilynwch ni ar X

Mae'r polisi hwn yn berthnasol i'n tudalen X swyddogol: @tfwrail

Rydym ond yn defnyddio X fel sianel ddarlledu ar gyfer rhannu gwybodaeth cwsmeriaid. Pe baech yn chwilio am help gyda'ch taith, cysylltwch â ni ar WhatsApp (07790 952 507) neu Messenger.

Yr hyn a welwch chi:

• Gwybodaeth teithio, gan gynnwys diweddariadau am ddigwyddiadau a allai effeithio ar eich taith.
• Gwybodaeth am waith peirianneg arfaethedig a newidiadau gwasanaeth.
• Manylion digwyddiadau (megis gemau rygbi) gan gynnwys ciwiau a chau meysydd parcio.

Dilynwch ni ar Facebook

Mae'r polisi hwn yn berthnasol i'n tudalen Facebook swyddogol: https://www.facebook.com/TfWTrafnidiaethCymru

Nid yw ein tudalen Facebook yn cael ei defnyddio ar gyfer gwasanaeth cwsmeriaid ‘byw’. Os ydych chi'n chwilio am help gyda'ch taith, cysylltwch â ni ar Messenger.

Yr hyn a welwch chi:

Rydym yn croesawu sylwadau gan ein dilynwyr. Byddwn yn ymuno â'r sgwrs pan fod gennym bethau pendant i’w cyfrannu. Ni allwn ymateb i bob sylw a dderbyniwn ar Facebook. Mae ein tîm yn darllen pob neges ac yn rhannu themâu neu awgrymiadau defnyddiol.

Rydym yn cadw'r hawl i ddileu sylwadau neu negeseuon sy'n ffug, difenwol neu’n sarhaus.

Dilynwch ni ar Instagram

Mae'r rheolau a'r polisi hwn yn berthnasol i dudalen Instagram Trafnidiaeth Cymru @transport_wales

Nid ydym yn defnyddio Instagram ar gyfer gwasanaeth cwsmeriaid ‘byw’. Os ydych chi'n chwilio am help gyda'ch taith, cysylltwch â ni ar WhatsApp (07790 952 507) neu Messenger.

Yr hyn a welwch chi:

• Lluniau
• Rholion ffilm neu ‘riliau’
• Fideos
• Storiâu
• Cynnwys dylanwadwyr
• Cynnwys a gynhyrchir gan ddefnyddwyr

Rydyn ni’n defnyddio’r sianel hon i ymgysylltu a’n dilynwyr a hefyd wrth ein bodd yn rhannu eich cynnwys, os hoffech chi gael eich cynnwys yna tagiwch ni, neu defnyddiwch ein hashnod #TrafnidiaethCymru

Dilynwch ni ar LinkedIn

Mae'r rheolau a'r polisi hwn yn berthnasol i dudalen LinkedIn Trafnidiaeth Cymru: https://linkedin.com/company/transport-for-wales

Nid ydym yn defnyddio LinkedIn ar gyfer gwasanaeth cwsmeriaid byw. Os ydych chi'n chwilio am help gyda'ch taith, cysylltwch â ni ar WhatsApp (07790 952 507) neu Messenger.

Yr hyn a welwch chi:

• Cyfleoedd gwaith TrC.
• Ein newyddion, gan gynnwys prosiectau allweddol i wella trafnidiaeth yng Nghymru a'r gororau.
• Dathliad o'n diwylliant, ein cyflawniadau a chyflawniadau ein partneriaid.

Dilynwch ni ar YouTube

Mae'r rheolau a'r polisi hwn yn berthnasol i dudalen YouTube Trafnidiaeth Cymru: https://www.youtube.com/channel/UClz-0qCZXUzN40XUuw6545Q

Nid ydym yn defnyddio YouTube ar gyfer gwasanaethau cwsmeriaid. Pe baech chi'n chwilio am help gyda'ch taith, cysylltwch â ni ar WhatsApp (07790 952 507) neu Messenger.

Mae ein sianel YouTube yn cynnwys fideo ffurf hir, podlediadau a fideos sy’n berthnasol i’n datganiadau i'r wasg.