Tocyn Crwydro Gorllewin Cymru
Mae Tocyn Crwydro Gorllewin Cymru yn eich galluogi i gael teithiau anghyfyngedig am y diwrnod ar y rhan fwyaf o wasanaethau bws yng ngorllewin Cymru. Gallwch hefyd brynu tocyn wythnosol os yw hynny’n cyd-fynd â’ch anghenion teithio.
Ewch ar fws ac oddi arno gymaint ag y dymunwch, gydag un tocyn. Ceir hyblygrwydd, p’un a ydych yn mynd i’r traeth am ddiwrnod allan gyda’r teulu, yn ymweld â chestyll hynafol neu’n mwynhau taith gerdded arfordirol.
Ymhle allaf ei ddefnyddio?
Mae’n ddilys ar y rhan fwyaf o wasanaethau bws lleol yng Nghaerfyrddin, Ceredigion a Sir Benfro.
Nid yw’n ddilys ar:
- Gwasanaethau TrawsCymru T1 rhwng Caerfyrddin a Chaerdydd
- Gwasanaethau 167, X14 ac X26
- Gwasanaethau National Express 507, 508 a 528
- Gwasanaethau bws ar gyfer plant ysgol yn unig
Faint ydyw’n costio?
| Tocyn diwrnod oedolyn | £9.00 |
| Tocyn diwrnod plentyn (dan 16 oed neu rhwng 16 a 21 oed gyda fyngherdynteithio) | £4.75 |
| Tocyn wythnos oedolyn | £36.00 |
| Tocyn wythnos plentyn (dan 16 oed neu rhwng 16 a 21 oed gyda fyngherdynteithio) | £17.00 |
Ymhle allaf ei brynu?
Gallwch ei brynu gyda’r gyrrwr pan fyddwch ar y bws. Mae’n ddilys tan y daith olaf a hysbyswyd ar y diwrnod wnaethoch ei brynu, neu am saith diwrnod (gan gynnwys y diwrnod wnaethoch brynu’r tocyn) os taw tocyn wythnos sydd gennych.
