Pont Penarlâg

Trosolwg

Mae gorsaf Pont Penarlâg yn gwasanaethu tref Shotton yn Sir y Fflint, ac mae wedi'i lleoli ar lwybr y Gororau. Cafodd ei hagor ym mis Medi 1924 wrth ymyl y gwaith dur lleol, a oedd yn cadw’r trenau’n brysur nes i’r gwaith gau, gan wneud 6,000 o staff yn ddi-waith yn 1980.

Mae Pont Penarlâg, a roddodd ei henw i’r orsaf, yn croesi Afon Dyfrdwy, ac fe’i hagorwyd gan Reilffordd Manceinion, Sheffield a Swydd Lincoln yn 1889. Y strwythur rhestredig Gradd II hwn oedd pont siglen fwyaf y DU pan gafodd ei hadeiladu, gan ganiatáu i gychod gludo nwyddau i lawr yr afon heb fynd yn sownd. Cafodd Pont Penarlâg ei hadfer yn sylweddol yn 2010, gan sicrhau ei bod yn parhau yn rhan bwysig o’r llwybrau trafnidiaeth lleol.

Tyfodd tref hyfryd Shotton, ychydig i’r gorllewin o Gaer, o gwmpas y diwydiannau glo a dur ac mae’n un o’r ychydig lefydd yn y wlad sydd heb enw Cymraeg.

• Faint o amser mae’n ei gymryd i gerdded o orsaf Pont Penarlâg i ganol tref Shotton?

  • Drwy ddilyn Millennium Greenway Caer, mae’r llwybr yn mynd â chi ar draws Afon Dyfrdwy ac yn cymryd tua 10 munud.

• Pa gyfleusterau parcio ceir sydd ar gael yng ngorsaf Pont Penarlâg?

  • Nid oes cyfleusterau parcio ceir yng ngorsaf Penarlâg.

• Pa gyfleusterau sydd ar gael i storio beiciau yng ngorsaf Pont Penarlâg?

  • Nid oes gan orsaf Penarlâg unrhyw gyfleusterau i storio beiciau.

• Pa gyfleusterau eraill sydd ar gael yng ngorsaf Pont Penarlâg?

  • Mynediad i bobl anabl – does dim grisiau yn yr orsaf, mae rampiau a dolenni sain ar gael