Ymweld â Chaerdydd

Mae Caerdydd yn ddinas gosmopolitan iawn gyda mannau gwych i siopa, erwau o barciau a glannau gwerth i'w gweld.

Daliwch y trên i Gaerdydd, prifddinas fywiog Cymru. Mwynhewch olygfeydd hyfryd o'ch sedd wrth i chi deithio trwy gefn gwlad godidog. Yng Nghaerdydd, gallwch ddarganfod cestyll hynafol, diwylliant bywiog a chanol dinas brysur. Gadewch i'r trên fynd â chi ar daith gofiadwy i archwilio popeth sydd gan brifddinas Cymru i'w gynnig.

Ymwelwch â marchnad Nadolig Caerdydd a Gŵyl y Gaeaf

Mae marchnad Nadolig Caerdydd a Gŵyl y Gaeaf llai na 15 munud ar droed o orsaf reilffordd Caerdydd Canolog.

Mae marchnad Nadolig Caerdydd ar agor tan 23 Rhagfyr ar Heol Sant Ioan, Stryd Working, Heol Y Drindod a’r Stryd Hills. Yma fe welwch bopeth o anrhegion crefftus unigryw i'r bwyd tymhorol gorau a diodydd Nadoligaidd poeth i'ch cynhesu. Mae Gŵyl y Gaeaf ar agor tan 5 Ionawr, wedi'i wasgaru ar draws Lawnt Neuadd y Ddinas a Chastell Caerdydd. Mae llawer iawn i’w fwynhau yno, gan gynnwys tro ar yr Olwyn Fawr enwog a sglefrio iâ.

Trenau i Gaerdydd

Mae gan brifddinas Cymru gysylltiad da ar draws Cymru a'i gororau fel hwb teithio prysur a byrlymus y genedl. Mae tair gorsaf drenau yn y ddinas gan gynnwys Bae Caerdydd, Caerdydd Canolog a Heol y Frenhines, gyda digon o lwybrau i mewn ac allan o'r brifddinas.

Os ydych am ymweld â Chaerdydd, y lle gorau i brynu tocynnau yw ar ein gwefan neu ein ap. Gallwch ddefnyddio cardiau rheilffordd disgownt ac arbed hyd at hanner y pris pan fyddwch yn prynu Tocynnau ymlaen llaw. Cyn teithio, defnyddiwch ein gwiriwr capasiti defnyddiol i weld pa mor brysur y rhagwelir y bydd eich trên.

Dyma ein llwybrau poblogaidd o Loegr i Gaerdydd:

Dyma ragor o lwybrau i Gaerdydd o gyrchfannau ledled Cymru:

Pam ymweld â Chaerdydd?

Caerdydd yw prifddinas fywiog Cymru. Mae gan Gaerdydd hanes cyfoethog a diwylliant cosmopolitan modern, bwytai prysur a chaffis anarferol, parciau tawel a chanol dinas brysur - popeth yn yr un lle.

O archwilio cestyll hynafol ac ymdoddi mewn profiadau diwylliannol deinamig i fwynhau anturiaethau sy'n addas i deuluoedd a darganfod gemau am ddim o amgylch y ddinas, mae gan Gaerdydd rywbeth at ddant pawb.

Cynlluniwch eich ymweliad â Chaerdydd ac archwiliwch bopeth sydd gan y gyrchfan gyfareddol hon i'w gynnig. Edrychwch ar ein canllaw o bethau i'w gwneud yng Nghaerdydd, gan gynnwys gweithgareddau sy'n addas i deuluoedd ac atyniadau am ddim i gael profiad bythgofiadwy.

• *Telerau ac amodau

  • Y ganran gyfartalog a arbedwyd gan gwsmeriaid rhwng 01/01/2022 a 31/12/2022 wrth brynu tocynnau Advance TrC heb ddisgownt o’i gymharu â thocyn sengl rhataf TrC am bris unrhyw bryd ar gyfer yr un siwrnai, sydd ar gael ar y diwrnod teithio, oedd 51%. Mae prisiau tocynnau Advance yn amodol ar argaeledd. Mae amodau teithio National Rail yn berthnasol.