Ewch rhwng y trên a’r bws, heb ffws, gydag un tocyn hawdd
Arbedwch arian* ar deithiau penodol gyda'n tocyn trên a bws TrawsCymru cyfunedig.
Yn hytrach na gorfod defnyddio gwahanol apiau, gwefannau a chwmnïau i brynu eich tocynnau trên a bws ar wahân, gallwch nawr brynu un tocyn ar gyfer eich taith gyfan ar wasanaethau trên a llwybrau bws TrawsCymru penodol.
*o'i gymharu â theithiau trên yn unig
Teithiau rhwng De Cymru ac Aberystwyth
Os ydych yn teithio ar ein trenau o gyrchfannau yn Ne Cymru, bydd angen i chi ddod oddi ar y trên yng Nghaerfyrddin a newid i fws T1 TrawsCymru er mwyn parhau â'ch taith. Mae safle bws y gwasanaeth T1 wedi’i leoli gyferbyn ag allanfa'r orsaf drenau. Os ydych yn teithio o Aberystwyth, Llanbedr Pont Steffan neu Aberaeron, byddwch yn dechrau eich taith ar wasanaeth TrawsCymru ac yna’n newid i drên yng Nghaerfyrddin er mwyn parhau â'ch taith i'ch cyrchfan.
Drwy ddefnyddio’r ddwy ffordd o deithio, gallwch arbed amser ac arian.
Er enghraifft
Abertawe - Aberystwyth
Taith o Abertawe i Aberystwyth gyda thocyn cyfunedig
- O 16.10 am docyn Unffordd Unrhyw Bryd
- 1 awr 54 munud yn gyflymach
Er enghraifft
Pen-y-bont ar Ogwr - Aberystwyth
Taith o Ben-y-bont ar Ogwr i Aberystwyth gyda thocyn cyfunedig
- O £24.30 am docyn Unffordd Unrhyw Bryd
- 22 munud yn gyflymach
Mae prisiau tocynnau’n gywir Mawrth 2025. Mae’r arbedion cost ac amser yn seiliedig ar deithiau penodol ar y llwybr cyfunol yn erbyn teithiau trên yn unig, o'i gymharu â phris tocyn unffordd safonol ar drên yn unig drwy Amwythig, Mawrth 2025.
Teithiau rhwng Gogledd Cymru ac Aberystwyth
Gallwch nawr brynu tocyn cyfunedig ar gyfer teithiau ar y trên ac ar wasanaeth bws T2 TrawsCymru gyda chysylltiadau ym Mangor. Mae tocynnau ar gael ar gyfer teithio rhwng arfordir Gogledd Cymru ar y trên, a Chaernarfon, Penygroes, Dolgellau, Machynlleth neu Aberystwyth ar wasanaeth T2 TrawsCymru. Mae hyn yn rhoi’r cyfle i chi archwilio cyrchfannau nad ydynt yn hygyrch ar y trên yn unig gydag un tocyn syml.
Er enghraifft
Caergybi - Machynlleth
Taith o Caergybi i Machynlleth gyda thocyn cyfunedig
- O £15.30* am docyn Unffordd Unrhyw Bryd
Fel arall, archwiliwch rywle gwahanol
Caernarfon - Bae Colwyn
Taith o Caernarfon i Bae Colwyn gyda thocyn cyfunedig
- O £11.80* am docyn Unffordd Unrhyw Bryd
*Prisiau tocynnau’n gywir Mawrth 2025
Ble allaf brynu tocyn cyfunedig?
Gallwch brynu tocynnau cyfunedig neu docynnau trên ar ein gwefan, ein ap, neu mewn unrhyw un o’n gorsafoedd.
Gwasanaethau bws TrawsCymru
Cofiwch fod gwasanaethau bws TrawsCymru yn galw yn lleoliadau ychwanegol, ond efallai na fydd tocynnau cyfunedig i deithio i'r lleoliadau hyn ac oddi yno ar gael eto. Os oes gennych unrhyw gwestiynau, bydd eich gyrrwr bws yn gallu helpu, neu gallwch fynd i wefan TrawsCymru am ragor o wybodaeth.
Sylwch, nid oes toiledau ar wasanaethau TrawsCymru.
I gwsmeriaid sy'n dymuno mynd i Aberaeron, gallwch fwynhau cyfleusterau aros ein partner lletygarwch, yr Ambassador Café.
