Mae tocynnau trên Dosbarth Cyntaf yn rhoi’r gwasanaeth gorau i gwsmeriaid a’r daith fwyaf cyfforddus.
P’un ai teithio ar gyfer busnes neu bleser fyddwch chi, mae ein tocynnau Dosbarth Cyntaf yn cynnig y profiad teithio gorau. Mae'r seddi’n fwy cyfforddus ac yn rhoi mwy o le i chi, ac mae bwyd a diod arbennig ar gael ar rai llwybrau.
Mae ein gwasanaethau Dosbarth Cyntaf ar gael nawr ar deithiau dethol rhwng Caerdydd a gorsaf Caergybi a rhwng Caerdydd a Manceinion. Gwnewch y mwyaf o’ch taith a phrynu eich tocyn nawr.
Bwyd ar drenau Dosbarth Cyntaf
Coeliwch neu beidio, bwyd trên yw hwn.
Cewch eich synnu gan yr hyn y gallwch ei archebu ar ein gwasanaeth Dosbarth Cyntaf. Mae ein cogyddion talentog yn creu bwydlenni tymhorol gwych gyda chynhwysion lleol er mwyn darparu’r gwasanaeth arlwyo gorau posibl ar y trên. Eisteddwch yn ôl a mwynhau pryd o fwyd ffres wrth i chi wibio heibio tirwedd Cymru a’r gororau.
Mae lluniaeth a byrbrydau wedi’u cynnwys yng nghost eich tocyn, ond bydd cost ychwanegol am bryd o fwyd cain.
Nid yw prydau bwyd cain ar gael ar ein holl wasanaethau Dosbarth Cyntaf. Dewiswch yr eicon bwyd a diod ar ôl rhoi manylion eich taith i weld beth sydd ar gael ar gyfer eich antur.
Ein gwasanaeth bwyd Dosbarth Cyntaf ar eich cyfer chi.
Awydd uwchraddio i’r Dosbarth Cyntaf?
Lle bo hynny’n berthnasol, gallwch uwchraddio o’r Dosbarth Safonol i’r Dosbarth Cyntaf. Mae hyn yn berthnasol i bob un o’n tocynnau Safonol, gan gynnwys tocynnau unffordd, tocynnau dwyffordd, Advance ac Unrhyw Bryd, tocynnau Tymor, a thocynnau Rover a Ranger.
Y cyfan sydd angen i chi ei wneud yw rhoi gwybod i’r goruchwyliwr trên eich bod eisiau uwchraddio. Bydd yn cadarnhau a oes lle ar gael yn y Dosbarth Cyntaf.
Os ydych chi wedi uwchraddio i’r Dosbarth Cyntaf, cofiwch y bydd cost ychwanegol am unrhyw brydau y byddwch yn eu harchebu ar y trên.
Pa docynnau trên Dosbarth Cyntaf sydd ar gael?
Rydym yn cynnig tocynnau Dosbarth Cyntaf hyblyg ar gyfer teithiau unffordd a dwyffordd Cyfnodau Tawel ac Unrhyw Bryd, sy’n caniatáu i chi deithio ar ba bynnag amser sy’n gyfleus i chi. Perffaith os yw eich cynlluniau’n debygol o newid. Rydym hefyd yn cynnig nifer cyfyngedig o docynnau Dosbarth Cyntaf Advance rhad.
Gallwch hefyd uwchraddio i gael tocyn Dosbarth Cyntaf. Rhowch wybod i’r goruchwyliwr trên pan fyddwch chi ar y trên a byddwch chi’n gallu talu i uwchraddio os oes lle ar gael. Dim ond nifer cyfyngedig o docynnau Dosbarth Cyntaf sydd ar gael ac maen nhw’n cael eu cynnig ar sail y cyntaf i’r felin.
Sut mae prynu tocyn Dosbarth Cyntaf?
Gallwch chi brynu Tocyn Unffordd neu Ddwyffordd Dosbarth Cyntaf fel y byddech chi'n prynu Tocyn Safonol, sef ar yr ap, ar ein cynllunydd teithiau ar-lein, neu yn y swyddfeydd tocynnau neu o'r peiriannau tocynnau yn ein gorsafoedd.
Cofiwch eich bod yn gallu prynu tocynnau ar gyfer holl wasanaethau trên y DU gyda ni. Os byddwch chi'n mynd o Gaerdydd i Gaergybi, neu o Newcastle i Paddington, gallwch chi ddal prynu eich tocynnau Dosbarth Cyntaf gennym ni heb orfod talu ffioedd archebu.
Pa mor aml mae gwasanaethau trên Dosbarth Cyntaf yn rhedeg?
Mae gennym wasanaethau Dosbarth Cyntaf rhwng Caerdydd a Manceinion, a Chaerdydd a Chaergybi.
Yn ystod yr wythnos, bydd gennym:
- 6 gwasanaeth bob ffordd rhwng Caerdydd a Manceinion
- 1 gwasanaeth o Gaerdydd i Gaergybi
- 1 gwasanaeth o Gaergybi i Gaerdydd
Ar benwythnosau, bydd gennym:
- 6 gwasanaeth bob ffordd rhwng Caerdydd a Manceinion
- 1 gwasanaeth o Abertawe i Fanceinion ar ddydd Sadwrn
- 2 wasanaeth bob ffordd rhwng Abertawe a Manceinion ar ddydd Sul
Gwnewch yn siŵr bod Dosbarth Cyntaf ar gael cyn i chi deithio
O bryd i’w gilydd, efallai na fyddwn yn gallu darparu gwasanaeth Dosbarth Cyntaf sydd wedi cael ei hysbysebu’n flaenorol oherwydd bod trên wedi cael ei ganslo neu fod problem ar y rheilffordd. Os bydd hyn yn digwydd, gallwch gael ad-daliad am eich tocyn. Gwnewch yn siŵr bod Dosbarth Cyntaf ar gael ar eich trên ar y diwrnod rydych chi’n teithio. Os oes bwyd a diod ar gael, mae hyn yn golygu bod Dosbarth Cyntaf ar gael.
Hygyrchedd yn y Dosbarth Cyntaf
Mae gennym le i ddwy gadair olwyn ar y trên a thoiledau sy’n addas i bawb. Mae’r drysau wedi’u pweru.
Gall ein tîm Cymorth wrth Deithio ddarparu rhagor o gyngor a chymorth i chi gynllunio eich taith.
Gweld manylion hygyrchedd y trên
Mae Cerbydau Mark 4 yn goetsys sy’n cael eu tynnu gan locomotif, a adeiladwyd rhwng 1989 ac 1992.
Mae gennym saith trên pum cerbyd yn ein fflyd.
Llwybrau
Dyma’r llwybrau mwyaf cyffredin lle gallwch ddod o hyd i drenau Cerbyd Mark 4.
- Abertawe i Gaerdydd, Amwythig a Manceinion ar Lein y Gororau
- Caerdydd i Amwythig, Caer a Chaergybi
Cynllun y cerbyd
Hygyrchedd
Lle i ddau ddefnyddiwr cadair olwyn yn y dosbarth safonol.
Lle i ddau ddefnyddiwr cadair olwyn yn y Dosbarth Cyntaf.
Dau doiled hygyrch.
Lled y drws 800mm.
30 sedd flaenoriaeth.
Nodweddion eraill
246 o seddi a chwech o seddi codi ychwanegol yn y dosbarth safonol.
Gwasanaeth arlwyo yn y sedd ar rai gwasanaethau.
41 o seddi Dosbarth Cyntaf.
Cerbyd bwyty.
Lle i bum beic, mewn cerbyd injan ar wahân.
Tri thoiled, ddim yn addas i gadeiriau olwyn.
Cwestiynau cyffredin - tocynnau trên Dosbarth Cyntaf
Faint mae tocynnau Dosbarth Cyntaf yn ei gostio?
Mae tocynnau Dosbarth Cyntaf yn amrywio o ran pris, yn dibynnu ar eich llwybr, eich amser a’ch trên. Prynwch eich tocynnau’n uniongyrchol gyda ni i osgoi talu ffioedd gweinyddol. Defnyddiwch ein cynllunydd teithiau i ddod o hyd i docyn sy’n addas i chi.
Oes modd cael tocyn Dosbarth Cyntaf rhad?
Gallwch arbed arian ar eich tocyn Dosbarth Cyntaf drwy deithio yn ystod cyfnodau tawelach, defnyddio Cerdyn Rheilffordd a phrynu’n gynnar (mae tocynnau ar gael tua 12 wythnos cyn y dyddiad teithio).
Beth ydych chi’n ei gael gyda thocyn trên Dosbarth Cyntaf?
Byddwch yn cael seddi mwy cyfforddus sy’n rhoi mwy o le i chi, a bwyd a diod arbennig. Mae lluniaeth a byrbrydau wedi’u cynnwys yng nghost eich tocyn, ond bydd cost ychwanegol am bryd o fwyd cain.
Oes modd i mi ddefnyddio cerdyn Rheilffordd i brynu tocyn Dosbarth Cyntaf?
Oes, gallwch ddefnyddio eich cerdyn rheilffordd wrth brynu eich tocyn Dosbarth Cyntaf i arbed hyd at draean ar bris y tocyn.
A all plant deithio am ddim yn Dosbarth Cyntaf?
Yn anffodus, ni all plant 5-15 oed deithio am ddim yn Dosbarth Cyntaf, felly bydd angen i chi brynu tocyn iddyn nhw. Mae plant dan 5 oed yn teithio am ddim ar bob gwasanaeth Rheilffordd Genedlaethol.
-
Oeddech chi’n gwybod?Mae gan Gymru lawer i’w gynnigDarganfod hyd a lled rhwydwaith Trafnidiaeth CymruArchwiliwch ein Rhwydwaith
