Teithio mewn awyren

Maes Awyr Caerdydd

Mae trenau’n rhedeg o Ben-y-bont ar Ogwr yn uniongyrchol i Faes Awyr Rhyngwladol Caerdydd y Rhws bob awr (bob dwy awr ar ddydd Sul).

Mae tocynnau bws a thrên cyfunol bellach ar gael i gyrraedd Maes Awyr Rhyngwladol Caerdydd. Gydag un tocyn, gallwch ddal un o'n trenau i'r Rhws (Maes Awyr Rhyngwladol) ac yna neidio ar fws 905 Adventure Travel i'r maes awyr. 42 munud yw'r amser mae'n gymryd i deithio o Gaerdydd Canolog i Faes Awyr Caerdydd.

Os ydych chi'n dal y trên i Faes Awyr Caerdydd o leoliad i'r gorllewin o Ben-y-bont ar Ogwr, does dim angen i chi newid yng Nghaerdydd Canolog. Dewch oddi ar y trên ym Mhen-y-bont ar Ogwr ac yna ewch ar drên uniongyrchol i'r Rhws. Gofynnwch i un o'n cydweithwyr os nad ydych yn siŵr. Gallwch wirio amseroedd trenau ar ein gwefan neu ar yr ap.

Maes Awyr Rhyngwladol Birmingham

Mae trenau yn rhedeg yn uniongyrchol o Aberystwyth, Pwllheli ac Amwythig i Birmingham Rhyngwladol.

Yn ystod y dydd mae hyd at naw trên yr awr yn rhedeg rhwng Birmingham New Street a Birmingham International.

O'r orsaf, gallwch ddal y monorail yn rhad ac am ddim i'r maes awyr, a dim ond dau funud y mae'n ei gymryd. Mae'r monorail yn rhedeg rhwng 03:30 a 00:30. Fel arall, dim ond 10 munud mae’n gymryd i gerdded o'r orsaf i’r maes awyr.

Maes Awyr Manceinion

Mae trenau'n rhedeg o ogledd Cymru a Chaer yn uniongyrchol i Faes Awyr Manceinion yn y bore a gyda’r nos.

Rydym yn rhedeg trenau’n rheolaidd i Fanceinion Piccadilly, ac o’r fan honno gallwch chi gael gwasanaethau cysylltu gan weithredwyr eraill. Mae hyd at chwe trên yr awr rhwng gorsaf Manceinion Piccadilly a Maes Awyr Manceinion.

Maes Awyr Lerpwl

Mae trenau’n rhedeg bob awr o Gaer, Parcffordd De Lerpwl a Lerpwl Lime Street i Faes Awyr John Lennon Lerpwl.

O'r orsaf drenau, gallwch deithio i'r maes awyr ar fws rhif 80A ac 86A bob 20 munud. Mae tocynnau trên a bws aml-fodd ar gael ar gyfer y daith hon.