Ymweld â Manceinion

Yr haf yw un o’r adegau gorau i ymweld â Manceinion. Mae’r tymor yn llawn chwaraeon, cyngherddau, a pherfformiadau awyr agored, ond mae cyfleoedd hefyd i fynd am dro ger y dŵr a rhoi cynnig ar fannau bwyd annibynnol newydd. Mae’r ddinas yn dod yn fyw yn yr heulwen, felly mae’n adeg berffaith i fwynhau gwyliau, bwyd, a diwylliant, gan archwilio amryw o ardaloedd sy’n llawn personoliaeth.

Gyda gwasanaethau cyflym a rheolaidd rhwng Cymru a Manceinion, ni allai fod yn haws cyrraedd y ddinas. Cynlluniwch eich taith haf ac archebwch eich tocynnau trên yn awr.

Pam ymweld â Manceinion?

Rydych chi siŵr o fod yn adnabod Manceinion am ei ysbryd creadigol sydd i’w brofi  ym mhob cwr o’r ddinas. Archwiliwch arddangosfeydd o’r radd flaenaf yn oriel gelf Manceinion (Manchester Art Gallery), ewch i arddangosfeydd arloesol yn Aviva Studios neu mwynhewch brofiad unigryw yn theatr, Royal Exchange Theatre; mae sin y celfyddydau ym Manceinion yn esblygu drwy’r amser.

Mae pêl-droed yn rhan o hunaniaeth Manceinion. Os ydych yn dod i weld gêm, mae yna lond llaw o resymau i aros ychydig yn hirach ac archwilio. Camwch i mewn i hanes y gêm ragorol yn yr amgueddfa pêl-droed genedlaethol, National Football Museum, cyn mynd ar daith o amgylch un o stadiymau enwog y ddinas neu cadwch hi’n syml gan fwynhau’r awyrgylch o gwmpas y ddinas.

Mae sin gerddoriaeth Manceinion wedi llywio’r diwydiant ers blynyddoedd ac mae’n parhau i wneud hyn. Canfyddwch artistiaid poblogaidd newydd mewn safleoedd llawr gwlad megis Night and Day neu YES neu ewch i weld sêr byd-eang yn yr AO Arena neu Co-op Live.

Mae’r sin fwyd a diod mor ddeinamig â’r ddinas ei hun. O boptai a siopau coffi lleol i fwytai enwog a bariau bywiog, cewch fwynhau bwyd gwych, egni unigryw, a digonedd o brofiadau bythgofiadwy.

Os hoffech fynd adref gyda rhywbeth newydd, mae gan Fanceinion bach o bopeth o siopau uwchraddol fel Selfridges a Harvey Nichols i siopau annibynnol sy’n gwerthu hen bethau yn y Northern Quarter.

Mae yna ddigonedd i’w wneud ym Manceinion, felly paratowch am eich ymweliad yno nawr!

Trenau i Fanceinion

Mae gan Fanceinion rhai o’r cysylltiadau gorau yn y DU ac rydym yn rhedeg gwasanaethau i’r ddinas ac yn ôl o amrywiaeth o gyrchfannau, gan gynnwys Caerdydd, Caer a mwy. Mae’n hawdd cyrraedd Manceinion ar y trên. Gallwch hyd yn oed arbed hyd at 50% oddi ar bris tocynnau i Fanceinion gyda’n tocynnau Advance. Gyda cherdyn rheilffordd, cewch fynediad at ystod o gynigion, hefyd. Prynwch eich tocynnau trên i Fanceinion gyda ni ar-lein neu ar ein ap heddiw. Nid ydym yn codi ffioedd archebu. Dewch o hyd i rai o’n llwybrau mwyaf poblogaidd i Fanceinion isod:

Archwiliwch Gyffiniau Manceinion

Northern Quarter 

Yn llawn celf stryd liwgar, siopau annibynnol a rhai o siopau coffi mwyaf poblogaidd y ddinas, mae’n rhaid ymweld â’r Northern Quarter pan fyddwch ym Manceinion. Ewch i Gooey am eu cwcis steil Efrog Newydd enwog, neu ewch i Ezra & Gil os ydych yn chwilio am frecwast iachus. Mae’r ardal hefyd yn gartref i fannau cerddoriaeth llawr gwlad eiconig fel Band on the Wall, lle gwnaeth enwogion fel Joy Division a Buzzcocks chwarae rhai o’u sioeau cynharaf.

St John's

Gyda mannau tu allan, sin gelfyddydau a diwylliannol fywiog, a digon o fannau i gael bwyd, nid yw’n syndod bod St John’s yn un o gyffiniau mwyaf cyffrous Manceinion. P’un a ydych yn dymuno pryd bach cloi yn Caravan, yn herio ffrindiau i gêm yn Courts Club, yn gweld sioe yn Aviva Studios, neu’n mwynhau coctel yn Studio IV yn Mollie’s, mae’n fan gwych i dreulio amser ynddo.

Castlefield

Camlesi hanesyddol, cerdded ger y dŵr, swper tu allan, a digwyddiadau yn yr awyr agored, mae’r ardal hon yn berffaith ar gyfer diwrnodau heulog. Os ydych chi am ddysgu mwy am hanes cyfoethog Manceinion, rhaid mynd i amgueddfa, The Science and Industry Museum. Yma ceir arddangosfeydd anhygoel, sydd yn aml yn arddangos peirianwaith hanesyddol ac arddangosfeydd sy’n amrywio yn ogystal â gweithgareddau i’r teulu.

Ewch am dro ar hyd y llwybrau a chewch ddod o hyd i rai o olygfeydd prydferthaf y ddinas - efallai wnewch ddod ar draws cwch wrthi’n gweini coffi a chacennau blasus.

Ancoats

Mae’r ardal hon yn llawn siopau annibynnol a mannau i fwynhau diod, golygfeydd o’r camlesi, ac awyrgylch hamddenol. Mae un o boptai mwyaf enwog Manceinion, Pollen, yn berffaith ar gyfer coffi neu brunch, ac mae The Edinburgh Castle, sy’n dafarn a adnewyddwyd o’r 19eg ganrif, yn fan perffaith i fwynhau diod neu ginio dydd Sul.

Sut i dreulio penwythnos ym Manceinion

Dechreuwch eich bore gyda choffi yn y Northern Quarter cyn mynd i weld celf stryd a’r siopau annibynnol sy’n llenwi’r ardal ag egni aruthrol. Mwynhewch ychydig o ddiwylliant gan ymweld â’r oriel gelf, Manchester Art Gallery, cyn cinio.

Camwch yn ôl mewn amser a threuliwch brynhawn yn archwilio’r Medieval Quarter, sy’n gartref i Eglwys Gadeiriol Manceinion a’r llyfrgell, Chetham’s Library, sef y llyfrgell gyhoeddus hynaf yn y byd Saesneg ei iaith.

Mae’r ddinas yn dod yn fyw gyda’r nos. Ewch i gyngerdd, mwynhewch berfformiad o’r radd flaenaf, neu edmygwch olygfeydd panoramig o’r ddinas mewn bar ar ben to.

Y bore wedyn, sicrhewch eich bod yn mynd i The Flat Baker a rhowch gynnig ar eu cacennau sydd wedi’u hysbrydoli gan Frasil. Ewch ar dram gan archwilio un o fwrdeistrefi Manceinion fel Didsbury neu Chorlton neu arhoswch yng nghanol y ddinas ac ewch i New Cathedral Street sef prif gyrchfan ar gyfer siopau moethus Manceinion.

Mae’r ddinas yn gwobrwyo’r rheini sy’n aros ychydig yn hirach ac mae yna gymaint i’w wneud ac amrywiaeth wych o fannau i aros ynddynt. Am ragor o syniadau ac ysbrydoliaeth, cymrwch olwg ar y teithlyfr hwn am sut i dreulio 72 awr anhygoel ym Manceinion.

Ble i aros ym Manceinion

Mae yna amrywiaeth o letyau ym Manceinion ar gyfer pob math o gyllid. P’un a oes yn well gennych wely clyd a brecwast, gwyliau mewn sba moethus, neu fan i rannu’r profiadau gyda grŵp o ffrindiau, mae Manceinion yn cynnig trip bythgofiadwy i bawb.

Darganfyddwch fwy.

Rhagor o wybodaeth am Fanceinion

P’un a ydych yn chwilio am gynllun teithio, atyniadau, neu ragor o wybodaeth ynghylch yr hyn sy’n digwydd yn y ddinas, byddwch yn dod o hyd i bopeth sydd ei angen ar visitmanchester.com. Dechreuwch gynllunio’ch taith i Fanceinion.