Travel to Chester by Train

Ychydig dros ffin Cymru mae Caer, dinas gyfoes sydd â threftadaeth gyfoethog.

P'un a ydych chi yn ymgolli mewn 2,000 o flynyddoedd o hanes, yn cael blas ar y siopau, caffis a bwytai rhagorol, yn ymlacio ar lan yr afon neu'n treulio diwrnod yn y rasys. Mae gan Gaer rywbeth i'w gynnig i'r teulu cyfan. Teithiwch yno ar y trên a dim ond deng munud mae'n cymryd ar droed o'r orsaf i gyrraedd waliau'r ddinas.

 

Ymwelwch â Marchnad Nadolig Caer

Mae marchnad Nadolig Caer yn daith 15 munud ar droed o orsaf reilffordd Caer. Mae’r farchnad ar agor tan 22 Rhagfyr yn Sgwâr Neuadd y Dref. Fe welwch arcêd newydd gyda 70 o fasnachwyr, sy’n cynnig crefftau unigryw wedi'u gwneud â llaw, bwyd a diod lleol a mwy.

 

Trenau i Gaer

Teithio ar y trên i Gaer? Rydym yn rhedeg gwasanaethau o wahanol rannau o'r wlad i'r dref boblogaidd hon, gan gynnwys o Fanceinion, Caerdydd  a mwy. Dewch o hyd i rai o'n llwybrau mwyaf poblogaidd i Gaer. Gallwch hefyd ddefnyddio eich cerdyn rheilffordd neu brynu tocynnau ymlaen llaw am ostyngiadau pellach. Teithiwch gyda ni heddiw.

 

Atyniadau gwych yng Nghaer

  • Twr yr Eglwys Gadeiriol - taith y tu ôl i'r llenni o Eglwys Gadeiriol Gothig Caer a chewch weld golygfeydd gorau o'r ddinas o ben y tŵr.
  • The Rows - cyfle i siopa yn yr orielau canoloesol 700 mlwydd oed hyn - dau lawr o siopau o enwau cyfarwydd i siopau bach annibynnol.
  • Hwylio ar yr afon - beth am olygfa hollol wahanol o'r ddinas gyda thaith hwylio o'r ddinas neu fordaith gyda the prynhawn ar hyd Afon Dyfrdwy gyda chwmni ChesterBoat.
  • Rasys Caer - profi gwefr rasio, neu chwarae gêm polo yng nghwrs rasio hynaf Prydain - 25 munud ar droed o'r orsaf.
  • Sw Caer  - archwilio 125 erw o gynefinoedd a dros 21,000 o anifeiliaid egsotig a rhai sydd mewn perygl, ychydig filltiroedd i'r gogledd o'r ddinas.

 

Gostyngiad ar docynnau i Sw Caer

Sw Caer yw un o'r diwrnodau allan mwyaf poblogaidd i'r teulu cyfan yn ardal Caer, ac nid yw'n syndod gan ei fod yn gartref i dros 21,000 o anifeiliaid egsotig a rhai sydd mewn perygl - lle delfrydol i ymweld ag ef ac i addysgu eich plant hefyd.

Mae gennym fargen anhygoel i'w gynnig i'n cwsmeriaid sy'n ymweld â Sw Caer. Prynwch docyn ar gyfer y sw a dangoswch eich tocyn trên neu brawf eich bod wedi teithio gyda TrC ac fe gewch yr ail docyn am hanner y pris.

Mae teithio ar y trên i Sw Caer yn hawdd. Cymerwch y bws X1 o'r tu allan orsaf Caer a byddwch yn y sw mewn dim ond 15 munud lle gallwch fwynhau eich diwrnod yno. Prynwch eich tocynnau i'r sw heddiw.

  • Telerau ac amodau

      • Un tocyn hanner pris am bob tocyn pris llawn a brynir. Er enghraifft, gall 2 oedolyn â 2 blentyn (1-17 oed) gael tocyn am hanner pris.

      • Mynediad am ddim i fabanod o dan 12 mis bob amser.

      • Rhaid bod plant o dan 14 oed yng nghwmni oedolyn.

      • Rhaid dangos tocyn trên dilys ar gyfer y diwrnod hwnnw rhwng yr orsaf gyrchfan yng Nghymru a Chaer ar gyfer pob aelod o'r grŵp sy’n ymweld â’r sw.

      • Nid oes angen archebu ymlaen llaw, mae'r cynnig hwn ar gael ar y diwrnod a gallwch gasglu eich tocynnau o’r swyddfa docynnau ger gatiau'r fynedfa.

      • Nid yw’r cynnig yn cynnwys tocynnau am ddim i ofalwyr ac mae’n ddilys i oedolion neu blant sydd wedi talu am docyn yn unig.

      • Mae gan Sw Caer yr hawl i dynnu'r cynnig hwn yn ôl ar unrhyw adeg.

 

Treulio penwythnos yng Nghaer - pethau i'w gwneud

Mae Caer wedi cael ei henwebu fel un o ddinasoedd harddaf Ewrop, ac mae'n hawdd gweld pam. Glaw neu hindda, mae digon i'ch cadw'n brysur.

Dewch i ddarganfod hanes Rhufeinig Caer ar daith gerdded o amgylch muriau dinas hynaf, hiraf a mwyaf cyflawn Prydain. Lawrlwythwch ap Chester Walles Quest i gael heriau, ffeithiau a straeon diddorol ar hyd y ffordd, neu ewch ar Daith Rufeinig dywys gyda'ch Canwriad personol. Ewch i Amffitheatr Rufeinig fwyaf y wlad - mae'r mynediad yn rhad ac am ddim - yna ymgollwch eich hun ymhlith y creiriau archeolegol yn Amgueddfa Grosvenor.

Cewch fwynhau gwylio adar ysglyfaethus anhygoel gyda phrofiad o hebogyddiaeth i'r teulu cyfan ar dir yr eglwys gadeiriol. Mae arddangosfeydd hedfan dyddiol, ymlusgiaid, tiroedd hardd a llwybrau natur plant.

Siopa am drysorau a bargeinion

Mae Caer yn llawn o bwtics bach, siopau annibynnol a siopau stryd fawr. O lwybrau cerdded pren dan do The Rows i ganolfan Cheshire Oaks ychydig i'r gogledd o'r ddinas, rydych chi'n siŵr o ddod o hyd i rywbeth arbennig beth bynnag yw eich cyllideb. Neu beth am ymweld â Marchnad Dan Do Caer - mae yno bopeth o gynnyrch lleol ffres, llyfrau a cherddoriaeth, i wisg ffansi, nwyddau garddio a nwyddau cartref.

Mwynhewch wyliau a sioeau gyda rhaglen o ddigwyddiadau gydol y flwyddyn i'r teulu cyfan. Mae yna theatr awyr agored ger yr afon yn yr haf, cyfres amrywiol o wyliau: bwyd, cerddoriaeth, ffilm a llenyddiaeth, a'r theatr, llyfrgell, bwyty a sinema yn Storyhouse. Trefnwch eich taith a darganfod beth sydd ymlaen yng Nghaer heddiw.

 

Teithio i Gaer gyda thocyn Dosbarth Cyntaf

Mae ein gwasanaeth Dosbarth Cyntaf rhwng Caerdydd a Chaergybi yn galw yng Nghaer. Beth am dretio eich hun ychydig ar eich antur gyda thocyn Dosbarth Cyntaf? Mae ein gwasanaeth bwyta Dosbarth Cyntaf yn cynnwys prydau clasurol, tymhorol wedi'u gweini mewn steil ac amgylchedd cartrefol.

Mae Tocynnau Dosbarth Cyntaf ar gael ar gyfer teithio rhwng Caer a rhai cyrchfannau. Darganfyddwch a ydyn nhw ar gael ar gyfer eich taith trwy brynu eich tocynnau trên ar-lein.

Gallwch brynu tocyn Dosbarth Cyntaf ar ein ap ac ar ein gwefan, mewn swyddfa docynnau neu beiriant tocynnau.