Caer

• Diweddariad cynnydd | Chwefror 2024

  • Roeddem am roi diweddariad i chi ar gynnydd y gwaith Gwella Gorsaf Caer sy’n cael ei gyflawni gan Trafnidiaeth Cymru.

  • Mae'r gwaith yn mynd rhagddo'n dda iawn. Cwblhawyd y gwaith uwchraddio ac ymestyn y brif gât.

  • 

  • Mae cam un o'r gwaith adnewyddu toiledau yng Ngorsaf Caer bellach wedi'i gwblhau ac mae'r toiledau ar y prif gyntedd wedi ailagor.

  • Mae ail gam y gwaith hwn bellach ar y gweill a bydd y toiledau ar 7a a 4a ar gau dros dro er mwyn i'r rhain gael eu cwblhau. Cynghorir teithwyr i ddefnyddio'r toiledau sydd newydd eu hadnewyddu ar y prif gyntedd yn ystod y cyfnod hwn.

  • Rydym yn parhau i wneud popeth o fewn ein gallu i darfu cyn lleied â phosibl ar ein cwsmeriaid sy'n defnyddio'r orsaf wrth i ni wneud y gwaith gwella sylweddol hwn i gyfleusterau cwsmeriaid yng ngorsaf Caer.

Trosolwg

Wedi’u hadeiladu’n wreiddiol fel dwy orsaf yn 1840, cafodd y ddwy eu huno wyth mlynedd yn ddiweddarach i wasanaethu dinas Caer a’r ardaloedd cyfagos. Wedi’i hadeiladu o garreg las gyfoethog ac eiconig Swydd Stafford, a thywodfaen cynnes llwyd Storeton, gyda dyluniad addurnedig yn seiliedig ar bensaernïaeth glasurol Eidalaidd, mae gorsaf Caer wedi’i lleoli wrth ymyl muriau trawiadol y ddinas.

Gwnewch yn siŵr eich bod yn edrych ar y trawstiau pren enfawr uwchben Platfform 4, fe wnaeth y cerflunydd brenhinol John Thomas gerfio nifer o dylluanod hardd; cawsant eu dylunio’n wreiddiol i atal colomennod rhag nythu ac maen nhw’n nodwedd boblogaidd iawn yn yr orsaf. Mae Brook Street, sy’n boblogaidd gyda siopwyr, ar garreg drws yr orsaf, ac yn union y tu hwnt i hynny, mae canol y ddinas, sydd yng nghwmni'r eglwys gadeiriol ysblennydd.

Ewch ar daith rithiol o amgylch ein gorsafoedd

Taith rhithiol o orsaf Gaer

Gallwch weld holl deithiau 3D gorsafoedd TrC yma a dysgu sut maen nhw gweithio.

• Faint o amser mae’n ei gymryd i gerdded o Orsaf Caer i ganol dinas Caer?

  • Ar ôl dim ond dau funud o daith gerdded ar hyd City Road, byddwch yn mwynhau popeth sydd gan Gaer i’w gynnig.

• Pa gyfleusterau parcio ceir sydd ar gael yng ngorsaf Caer?

  • Mae 236 o lefydd parcio ceir, gan gynnwys llefydd parcio Bathodyn Glas, yng Ngorsaf Caer.

• Pa gyfleusterau sydd ar gael i storio beiciau yng ngorsaf Caer?

  • Mae gorsaf Caer wedi darparu ar gyfer beicwyr gyda 76 lle, gan gynnwys lle storio dan do a theledu cylch cyfyng.

• Pa gyfleusterau eraill sydd ar gael yng ngorsaf Caer?

  • Toiledau, gan gynnwys cyfleusterau newid babanod
  • Bwffe yn yr orsaf
  • Siopau
  • Ffonau arian a chardiau
  • Peiriant ATM
  • Mynediad i bobl anabl – does dim grisiau yn yr orsaf, ac mae rampiau, cadeiriau olwyn a system dolen sain ar gael

• Pa gyrchfannau poblogaidd y gallwch eu cyrraedd o Orsaf Caerdydd Heol y Frenhines?

  • Caer i Fanceinion
  • Caer i Gaerdydd