Ymweld ag Amwythig

Mae Amwythig yn swatio y tu fewn i ystum Afon Hafren ger ffin Cymru, a hi yw un o’r trefi marchnad canoloesol mwyaf cadwrus yn Lloegr. Mae’n enwog am ei strydoedd coblog, ei hadeiladau fframiau pren du a gwyn a’i thirnodau hanesyddol, ac mae’n gyrchfan berffaith ar gyfer diwrnod allan hamddenol neu benwythnos i ffwrdd.

Os oes gennych ddiddordeb yn hanes diddorol y dref, siopau annibynnol neu deithiau cerdded hyfryd ar lan yr afon, gallwn ni eich helpu i gyrraedd yno ar y trên.

Ble mae Amwythig?

Amwythig yw tref sirol Swydd Amwythig yng Ngorllewin Canolbarth Lloegr, yn agos at y ffin â Chymru ac wedi’i hamgylchynu gan Afon Hafren. Mae cysylltiadau trên â Chymru, Gogledd Orllewin Lloegr a Chanolbarth Lloegr ar gael yn rhwydd, sy’n golygu bod Amwythig yn gyrchfan delfrydol ar gyfer taith undydd neu wyliau byr.

Ychydig i’r de o’r dref mae Tirwedd Cenedlaethol Bryniau Swydd Amwythig. Mae’r ardal yn adnabyddus am ei chefn gwlad bryniog, ei phentrefi prydferth a’i llwybrau cerdded hardd.

Pam ymweld ag Amwythig?

Mae Amwythig yn cynnig y cyfuniad perffaith o hanes, siopa a mannau gwyrdd. Crwydrwch y strydoedd canoloesol sydd wedi’u hamgylchynu gan adeiladau Tuduraidd, porwch drwy siopau a chaffis annibynnol, neu treuliwch amser yn archwilio amgueddfeydd a thirnodau hanesyddol y dref.

Teithio i Amwythig ar drên

Mae teithio i Amwythig ar y trên yn ei gwneud hi’n hawdd crwydro’r dref, gyda’i chanol hanesyddol dafliad carreg o’r orsaf.

Cyn i chi deithio, defnyddiwch ein cynllunydd teithiau i wirio amseroedd trenau byw a phrynu eich tocynnau trên ar ein gwefan neu ap i sicrhau ein prisiau rhataf gan osgoi ffioedd archebu.

Mae rhai o’n llwybrau mwyaf poblogaidd yn cynnwys:

Crwydro Amwythig

Darganfod hanes Amwythig

Ewch i Gastell Amwythig i weld golygfeydd godidog ar draws doeon y dref, cyn crwydro’r Shropshire Regimental Museum, neu gamu i mewn i Abaty Amwythig, sy’n enwog am ymddangos yng nghyfres o nofelau'r awdur, Ellis Peters, The Cadfael Chronicles. Gallwch hefyd ddilyn Llwybr Tref Darwin i ganfod y lleoedd sy’n gysylltiedig â Charles Darwin, a gafodd ei eni a’i fagu yn Amwythig.

Ymweld ag amgueddfeydd ac atyniadau

Archwiliwch Amgueddfa ac Oriel Gelf Amwythig, lle byddwch yn dod o hyd i bopeth o archeoleg Rufeinig a Mammoth enwog Swydd Amwythig, i gasgliadau Tuduraidd. Gyda’r nos, gallwch wylio comedi, theatr, cerddoriaeth fyw neu ddawns yn Theatr Severn, sy’n edrych dros Afon Hafren.

Siopa, bwyta ac archwilio

Crwydrwch strydoedd canoloesol hanesyddol Amwythig neu ewch i ymweld â Pride Hill, Canolfan Siopa Darwin a Chanolfan Siopa’r Parade. Pan fydd hi’n amser bwyta, ewch i’r farchnad dan do arobryn, y caffis, y tafarndai traddodiadol a’r bwytai lleol, neu os ydych chi yn y dref ar ddydd Gwener cyntaf y mis, gallwch hefyd fynd i Farchnad Ffermwyr Amwythig i gael y bwyd a’r ddiod leol gorau.

Mwynhewch yr awyr agored

Ewch ar daith gerdded dywysedig drwy ganol hanesyddol y dref, mordaith ar hyd Afon Hafren ar gwch afon Sabrina neu dreulio amser yn Quarry Park, lle gallwch ddod o hyd i erddi poblogaidd y Dingle. Os ydych chi’n teimlo’n anturus, mae canŵod i’w llogi ger Pont Porthhill y gellir eu defnyddio i weld yr afon o bersbectif gwahanol.

Cynllunio eich ymweliad ag Amwythig

Ydych chi’n barod i grwydro Amwythig? Prynwch eich tocynnau trên ar ein gwefan neu ap, gwiriwch amseroedd trenau byw cyn teithio a dechreuwch gynllunio eich taith nesaf.

Os ydych chi’n chwilio am fwy o ysbrydoliaeth, gan gynnwys atyniadau, digwyddiadau a llefydd i aros, ewch i Visit Shropshire.