Ymweld â Lerpwl

Mae Lerpwl yn gwneud pethau yn y ffordd iawn, a dylech chi hefyd. Gyda phopeth o ddiwylliant a’r arfordir i fwyd, pêl droed a cherddoriaeth, mae hi’n ddinas fythgofiadwy.

Gyda gwasanaethau trên uniongyrchol newydd rhwng Llandudno a Lerpwl Lime Street, mae cyrraedd yno bellach yn haws nag erioed a chewch ddechrau cynllunio’ch taith heddiw.

Am ragor o ysbrydoliaeth ar fwyd, cerddoriaeth, diwylliant, mannau ar yr arfordir a lleoedd i aros, ewch i visitliverpool.com

Diwylliant a Hanes

Ymweld â: Royal Liver Building 360 - Darganfyddwch stori’r ‘Liver Birds’ eiconig, Bella a Bertie, a mwynhewch olygfeydd panoramig o lan y dŵr o uwchben.

Amgueddfeydd ac orielau - Archwiliwch ystod eang o amgueddfeydd ar hyd y ddinas. Mae mynediad at nifer ohonynt yn rhad ac am ddim, gan gynnwys Amgueddfa Lerpwl, sy’n dod â hanes y ddinas yn fyw.

Stori’r Beatles: The Beatles Story - Arddangosfa wedi’i chysegru i’r ‘Fab Four’, gyda golygfeydd wedi’u hail-greu ac eitemau I’w cofio (yn ogystal â 10% oddi ar docynnau oedolion pan fyddwch yn teithio yno ar y trên).

Eglwys Gadeiriol Lerpwl - Dyma Eglwys Gadeiriol fwyaf y DU sy’n cynnig pensaernïaeth syfrdanol, awyrgylch heddychlon, a’r opsiwn o ddringo’r tŵr i brofi golygfeydd rhyfeddol.

Chwaraeon a Phrofiadau

Stadiymau - Ewch y tu ôl i’r llenni yn Anfield, sef cartref tîm pêl droed Lerpwl, neu stadiwm Hill Dickinson Stadium, sy’n gartref newydd i dîm pêl droed Everton, a chewch brofi angerdd a hanes dau o glybiau enwocaf y byd.

Saffari: Knowsley Safari - Yn 30 munud yn unig o ganol y ddinas, profwch saffari y gellir gyrru trwodd gyda llewod, jiraffod, rhinoserosiaid a mwy.

Mordaith: Mersey Ferry River Explorer Cruise - Ewch o ‘Pier Head’ i ymweld â gorwel Lerpwl a dysgu am dreftadaeth forol gyfoethog y ddinas.

Siopa a Hamdden

Liverpool ONE - Hwb siopa a hamdden awyr agored gyda brandiau stryd fawr, siopau annibynnol, bwytai ac adloniant fel ‘Gravity MAX’.

Bwyd a Diod

Castle Street a Bold Street - Yn llawn bwydydd byd-eang, bwyd stryd, siopau coffi annibynnol a bariau coctels, dyma ddau o’r mannau gorau i’r rheini sy’n dwlu ar fwyd.

'Scouse' - Mae’n rhaid blasu stiw swmpus eiconig Lerpwl, sy’n ffefryn lleol a gaiff ei weini ar draws y ddinas.

Y Doc: Royal Albert Dock - Cyrchfan hanesyddol ar y glannau gyda bwytai, bariau a siopau coffi, sy’n berffaith ar gyfer mwynhau pryd o fwyd gyda golygfa. 

Cerddoriaeth a Bywyd nos

O’r clwb enwog The Cavern Club i berfformiadau enwog yn yr M&S Bank Arena a lleoliadau hwyr y nos fel ‘Invisible Wind Factory’ a ‘Future Yard’, mae gan sin gerddoriaeth Lerpwl rywbeth i bawb.