Amdanom ni
Rydym ni’n sefydliad nid-er-elw sydd dan berchnogaeth lwyr Llywodraeth Cymru. Rydym yn hybu eu gweledigaeth am rwydwaith trafnidiaeth diogel, integredig, fforddiadwy a chynaliadwy o safon uchel y mae pobl Cymru yn falch ohono.
Rydyn ni’n eich cysylltu gyda threnau, bysiau, cerdded, olwyno a beicio. Boed hynny ar gyfer gwaith, dysgu neu hamdden. Ond nid dim ond mynd â chi o A i B a wnawn. Rydyn ni’n buddsoddi mewn trenau a bysiau newydd, yn uwchraddio gorsafoedd, yn cyflwyno gwasanaethau newydd ac yn ei gwneud hi’n haws i chi deithio yn eich blaen ar droed neu ar feic. Rydyn ni hefyd yn ei gwneud hi’n haws ichi gynllunio eich siwrnai a phrynu tocynnau’n gyfleus ar-lein.
Beth yw Trafnidiaeth Cymru?
Mae Trafnidiaeth Cymru (TrC) yn cysylltu pobl a chymunedau drwy drenau, bysiau, cerdded, olwyno a beicio, gan helpu Cymru i deithio’n fwy cynaliadwy.
Sut alla i brynu tocynnau trên yng Nghymru?
Prynwch eich tocynnau cyn teithio ar ein gwefan, ar yr ap neu yn ein swyddfeydd tocynnau a’n peiriannau tocynnau yn yr orsaf. Gall prynu’n uniongyrchol gyda ni cyn teithio arbed arian i chi a gwneud eich siwrnai’n fwy hwylus.
Ai cwmni preifat ydy Trafnidiaeth Cymru?
Na, sefydliad nid-er-elw sy’n eiddo i’r cyhoedd ydyn ni. Bydd unrhyw arian a wnawn yn cael ei ailfuddsoddi yn ein gwasanaethau.
Sut ydw i’n cysylltu â Trafnidiaeth Cymru?
Edrychwch ar y gwahanol ffyrdd o gysylltu â ni ar ein tudalen cysylltu â ni.
A ydy Trafnidiaeth Cymru yn gyfrifol am wasanaethau ar draws ffiniau Cymru?
Ydy. Mae ein trenau’n rhedeg rhwng Cymru a chyrchfannau sy’n cynnwys Manceinion, Caer, Amwythig a Henffordd.
