Amserlenni trenau Cymru a’r DU

Rydyn ni am eich helpu chi i gynllunio’ch taith gyda hyder, felly gwiriwch ein hamserlenni trên cyn ichi deithio i osgoi unrhyw newidiadau annisgwyl.

Ar adegau, bydd angen inni gyflwyno amserlenni newydd neu dros dro pan fydd gwaith hanfodol wedi’i gynllunio, neu os bydd unrhyw broblemau’n codi ar y rhwydwaith. Gwiriwch am unrhyw newidiadau i amserau a chysylltiadau trên gyda gwasanaethau gweithredwyr trenau eraill cyn ichi deithio.

Gallwch gadw’n hysbys drwy ddefnyddio’n ap, sy’n darparu’r amserau trên diweddaraf ac sy’n eich cadw chi’n hysbys ynghylch eich taith.

Ein cynllunydd teithiau

Ein ap trenau

 

Newid amserlen o ddydd Sul 17 Mai 2026

O ddydd Sul 17 Mai, mae ein hamserlenni wedi newid. Gwiriwch fanylion eich taith am newidiadau i amserau neu blatfformau neu am unrhyw gysylltiadau i mewn i wasanaethau a weithredir gan gwmnïau trên eraill.

Dyma grynodeb o’r newidiadau mwyaf sylweddol

Arfordir a Gororau Gogledd Cymru

  • Bydd y gwasanaeth bob awr o Fanceinion yn rhedeg i Gaergybi ac oddi yno yn lle Llandudno.
  • Bydd y gwasanaeth bob awr o Lerpwl i Gaer yn cael ei ymestyn i Landudno.
  • Bydd y rhan fwyaf o’r gwasanaethau o Ogledd Cymru i Birmingham, sydd bob dwy awr ar hyn o bryd, yn rhedeg i Gyffordd Llandudno ac oddi yno, nid Caergybi.
  • Bydd rhagor o wasanaethau’n galw mewn gorsafoedd rhwng Caergybi a Bangor ac ni fydd y Fali bellach yn arhosfan ar gais yn unig.
  • Bydd y gwasanaethau bob awr ar wahân o Wrecsam i Gaer ac o Gaer i Crewe yn cael eu cyfuno i fod yn un gwasanaeth drwodd.

 

Gorllewin Cymru

Mae rhai gwasanaethau Doc Penfro / Aberdaugleddau / Harbwr Abergwaun wedi cael eu hail-amseru ychydig gyda rhai'n gadael yn gynharach (dydd Llun - dydd Sul) ac mae gwasanaeth boreol ychwanegol i Ddoc Penfro wedi'i ychwanegu ar ddydd Sadwrn a dydd Sul.

 

Cynghorir cwsmeriaid yn gryf i wirio cyn teithio, gan fod patrymau galw mewn gorsafoedd hefyd yn newid a gall trenau alw mewn gwahanol orsafoedd nag o'r blaen.

I gael manylion llawn ac i gynllunio'ch taith, gwiriwch cyn teithio trwy ymweld â trc.cymru a nodwch fanylion y daith o 17 Mai ymlaen.

 

 

Newidiadau i amserlenni’r Metro

Gall amserlenni newid hefyd oherwydd gwaith o drawsnewid y metro ar draws ein rhwydwaith. Ewch i’n tudalen am y gwaith o drawsnewid y metro i gael rhagor o wybodaeth.

Gwaith trawsnewid y Metro

 

Ad-daliadau yn sgil newidiadau i amserlenni

Os ydych chi eisoes wedi prynu tocynnau ar gyfer gwasanaethau sy’n cael eu heffeithio gan newidiadau, byddwch chi’n gallu defnyddio eich tocynnau ar wasanaethau trên eraill TrC. Fel arall, gallwch chi wneud cais am ad-daliad drwy fynd i’n tudalen ad-daliadau.

Ad-daliadau

 

Rydyn ni’n argymell defnyddio’n cynllunydd teithiau i aros yn gwbl hysbys ynghylch amserau trên, unrhyw newidiadau iddynt a theithiau sydd wedi cael eu canslo.

 

Cwestiynau cyffredin

Sut alla i ddod o hyd i’r amserau trên mwyaf cywir ar gyfer fy nhaith?

Y ffordd orau i wirio amserau trên yw drwy ddefnyddio’n cynllunydd teithio neu ap TrC. Caiff yr offer hwn eu diweddaru’n rheolaidd i ddangos unrhyw newidiadau a gynlluniwyd neu unrhyw amserlenni dros dro ar draws rhwydwaith Cymru a’r DU.

Pam ydy amserlenni trên yn newid?

Rydyn ni’n diweddaru’n amserlenni i wella’n gwasanaethau, galluogi gwaith cynnal a chadw hanfodol, neu pan fod prosiectau pwysig fel ein gwaith trawsnewid Metro ar waith. Rydyn ni bob amser yn ceisio darparu gwybodaeth glir er mwyn ichi gynllunio ymlaen llaw.

Beth ddylwn i wneud os ydy amserau fy nhrên wedi newid ers imi brynu tocyn?

Os oes yna newid amserlen sy’n effeithio ar eich taith, rydyn ni’n hapus ichi ddefnyddio’ch tocyn ar wasanaeth TrC arall. Os nad yw’r amserau newydd yn gweithio ichi, gallwch fynd i’n tudalen ad-daliadau i gael eich arian yn ôl.

Ymhle alla i gael copi o amserlen ar gyfer trên penodol?

Gallwch ddod o hyd i restr o lyfrynnau ag amserlenni cyfredol ar y dudalen hon. Am amserlen wedi’i deilwra i’ch llwybr penodol chi, rydyn ni’n argymell defnyddio’r teclyn a ddarperir gan National Rail Enquiries.

Ydy’r amserau trên yng Nghymru'r un peth ar y penwythnos?

Mae amserau trên yn aml yn wahanol ddydd Sadwrn a Sul er mwyn galluogi gwaith gwella traciau neu er mwyn rhoi gwasanaethau ychwanegol ar waith ar lwybrau sy’n boblogaidd dros y gwyliau. Gwiriwch eich dyddiad teithio penodol bob amser o 17 Mai gan ddefnyddio’n cynllunydd teithio.

 

  • Oeddech chi’n gwybod?
    Ymunwch â'n panel cwsmeriaid
    Rhannwch eich barn a helpwch i lunio'r ffordd y mae Cymru'n teithio.
    Dweud eich dweud