Amserlenni trenau Cymru a’r DU

Edrychwch ar ein hamserlenni trenau cyn i chi deithio er mwyn osgoi unrhyw beth annisgwyl.

Weithiau, bydd angen i ni gyflwyno amserlenni newydd neu dros dro pan fo gwaith gwella hanfodol ar y gweilch, neu os oes unrhyw broblemau’n codi ar y rhwydwaith. Gwiriwch a oes unrhyw newidiadau i amserau’ch trên a chysylltiadau â gwasanaethau gweithredu trenau eraill cyn ichi deithio.

Gallwch gael yr wybodaeth ddiweddaraf ar ein ap trenau sy’n darparu gwybodaeth yn fyw ynglŷn ag amserau trên a’ch taith ddiweddaraf.

Ein cynllunydd teithiau

Ein ap trenau

Newidiadau i amserlen o 15 Rhagfyr 2024
- O ddydd Sul 15 Rhagfyr, bydd ein hamserlenni trên yn newid. Bydd y rhan fwyaf o’n trenau’n cael eu hailamseru, bydd yna newidiadau i amlder rhai o’r trenau a bydd rhai gwasanaethau’n ymadael o blatfformau gwahanol. Peidiwch â chael eich dal allan, gwiriwch eich cynlluniau cyn teithio.
- Newidiadau sylweddol o ddydd Sul 15 Rhagfyr
- Calon Cymru
- Bydd nifer y trenau ar wasanaeth llinell Calon Cymru yn lleihau i bedwar gwasanaeth y dydd yn y ddau gyfeiriad rhwng Abertawe ac Amwythig (ddydd Llun - ddydd Sadwrn) ac yn cael eu hailamseru. Bydd y gwasanaethau rhwng Llanelli a Llanymddyfri a Llandrindod ac Amwythig yn cael eu dileu.
- Caerdydd - Abertawe (gwasanaeth Swanline)
- Bydd y gwasanaeth ‘Swanline’ lleol rhwng Caerdydd ac Abertawe yn cynyddu i wasanaeth bob awr yn ystod oriau brig (ddydd Llun - ddydd Gwener) a bydd y gwasanaeth olaf yn gadael Abertawe yn hwyrach, am 23:30. Bydd rhai o’r gwasanaethau hyn yn defnyddio Platfform 0 yng ngorsaf Caerdydd Canolog.
- Caerdydd - Pen-y-bont ar Ogwr - Maesteg
- Bydd gwasanaeth olaf hwyrach yn cael ei ychwanegu at linell Caerdydd-Maesteg (ar ôl 23:15 ddydd Llun - ddydd Sadwrn).
- Ychwanegir gorsafoedd Pont-y-clun, Llanharan a Phencoed at wasanaeth bob awr Caerdydd i Abertawe gyda dau drên yr awr, ar gyfartaledd, yn galw yn y gorsafoedd hyn (ddydd Llun - ddydd Sadwrn).
- Bydd gwasanaethau Maesteg a Glynebwy yn galw yng ngorsaf Caerdydd Canolog yn lle Cheltenham.
- Caerfyrddin - Aberdaugleddau / Abergwaun Caerfyrddin
- Bydd dau wasanaeth ychwanegol yn rhedeg rhwng Caerfyrddin ac Aberdaugleddau (ddydd Llun - ddydd Sadwrn).
- Bydd gwasanaethau Abergwaun yn rhedeg i ac o Gaerfyrddin ac yn cael eu hailhamseru er mwyn gwneud gwasanaethau ar draws y dydd yn fwy cyfartal (ddydd Llun - ddydd Sadwrn).
- Caiff rhai gwasanaethau rhwng Caerfyrddin a Chaerdydd sy’n dyblygu gwasanaethau GWR eu dileu.
- Bydd bysiau yn lle trenau’n parhau ar wasanaethau gorllewin Abertawe ben bore a nos yn ystod yr wythnos a dydd Sul, o ganlyniad i waith ailsignalu.
- Llinell Cambrian
- Bydd y gwasanaeth dwyffordd ben bore rhwng Machynlleth a Bermo yn cael ei ddileu (ddydd Llun - ddydd Sadwrn). Bydd gwasanaethau nos 20:26 Pwllheli i Fachynlleth a 21:47 Machynlleth i Bwllheli yn cael eu dileu rhwng mis Rhagfyr a mis Mawrth yn unig.
- Bydd y gwasanaeth cyntaf rhwng Amwythig ac Aberystwyth bellach yn dechrau o’r Trallwng (ddydd Llun - ddydd Sadwrn)
- Yn dilyn y gwrthdrawiad rhwng dau drên ym mis Hydref 2024, bydd cludiant ar y ffordd yn lle trên ar rai gwasanaethau tawelach nes clywir yn wahanol.
- Gwasanaethau Caerdydd - Manceinion
- Bydd rhai newidiadau i batrymau galw rhai gwasanaethau ar hyd y llwybr hwn ac mae nifer o’r gwasanaethau wedi’u hailamseru’n sylweddol.
- Cwestiynau cyffredin ynglŷn â newidiadau i amserlen mis Rhagfyr.
Llyfrynnau amserlenni 2024
- Os hoffech greu amserlen y gellir ei lawrlwytho, sy’n benodol i’ch taith chi, gallwch wneud hynny ar dudalen National Rail Enquiries.
- Mae cyhoeddi'r amserlenni canlynol wedi'i ohirio oherwydd ychydig o newidiadau byr rybudd.
  - Caerdydd - Caergybi
  - Caerdydd - Manceinion
  - Caerdydd - Gorllewin Cymru
  - Wrecsam - Bidston
- Rhagfyr 2024
- Tachwedd 2024
  - Cwm Rhymni - Caerdydd Canolog
- Hydref 2024
  - Coryton - Caerdydd Canolog
- Medi 2024
- Mehefin 2024

Newidiadau i amserlenni’r Metro

Gall amserlenni newid hefyd oherwydd gwaith o drawsnewid y metro ar draws ein rhwydwaith. Ewch i’n tudalen am y gwaith o drawsnewid y metro i gael rhagor o wybodaeth.

Gwaith trawsnewid y Metro

Ad-daliadau yn sgil newidiadau i amserlenni

Os ydych chi eisoes wedi prynu tocynnau ar gyfer gwasanaethau sy’n cael eu heffeithio gan newidiadau, byddwch chi’n gallu defnyddio eich tocynnau ar wasanaethau trên eraill TrC. Fel arall, gallwch chi wneud cais am ad-daliad drwy fynd i’n tudalen ad-daliadau.

Ad-daliadau

Gwnewch yn siŵr bod gennych chi’r wybodaeth ddiweddaraf am newidiadau i amseroedd trenau, addasiadau a theithiau sydd wedi cael eu canslo gan ddefnyddio ein cynllunydd teithiau.