Mae dal y trên yn gwneud y daith o Birmingham i ddinas hardd Caer yn hawdd. Yn enwog am ei muriau Rhufeinig a'i strydoedd yn llawn siopau bwtîc, mae Caer yn lle perffaith ar gyfer trip undydd neu benwythnos i ffwrdd.

Mae gan ein trenau o Birmingham i Gaer system aerdymheru, pwyntiau gwefru a Wi-Fi am ddim ar y trên, felly gallwch ymlacio a mwynhau taith gyfforddus, wrth wylio’r dirwedd brydferth yn mynd heibio.

Gyda chynigion arbennig sy'n arbed arian i chi ar docynnau, gan gynnwys bargeinion poblogaidd yn ystod oriau tawel, tocynnau Advance a'n bargeinion Grŵp, gallwch deithio am lai o arian.

 

Manylion allweddol: Trenau o Birmingham i Gaer

  • Hyd y daith: Tua 90 munud (1 newid) neu hyd at 2 awr yn uniongyrchol
  • Oes trenau uniongyrchol ar gael? Oes
  • Trên cyntaf: 05:15 | Trên olaf: 22:00
  • Amlder: Tua 20 trên y dydd
  • Prif arosfannau: Wolverhampton, Amwythig, Wrecsam Cyffredinol
  • Gorsaf darddiad: Birmingham New Street
  • Gorsaf gyrchfan: Caer
  • Cyfleusterau: Seddi eang, Wi-Fi am ddim ar y trên
  • Arbedion ar docynnau: Prynwch docynnau Advance, defnyddiwch gerdyn rheilffordd neu teithiwch y tu allan i oriau brig er mwyn cael y gwerth gorau am eich arian.

 

  • Wi-Fi am ddim
    Wi-Fi am ddim
  • Pwyntiau gwefru
    Pwyntiau gwefru
  • Uniongyrchol
    Uniongyrchol
Gwybodaeth fyw am drenau sy’n gadael ac yn cyrraedd

 

Cwestiynau Cyffredinol ynglŷn â threnau o Birmingham i Gaer

Pa mor hir yw'r daith ar y trên o Birmingham i Gaer?

Mae'r daith yn cymryd tua 90 munud (gan gynnwys un newid), neu ychydig o dan 2 awr yn uniongyrchol.

Oes trenau uniongyrchol o Birmingham i Gaer?

Oes, rydym yn rhedeg trenau uniongyrchol o Birmingham New Street i Gaer sawl gwaith y dydd. Maent fel arfer yn teithio trwy Wolverhampton, Amwythig a Wrecsam Cyffredinol.

Defnyddiwch ein cynllunydd teithiau i ddod o hyd i wasanaethau uniongyrchol a phrynu'r tocynnau gorau sydd ar gael.

Pa mor aml mae trenau o Birmingham i Gaer?

Mae trenau'n rhedeg tua 20 gwaith y dydd, gan ddarparu digon o opsiynau drwy gydol y dydd i gyd-fynd â'ch cynlluniau chi.

Pryd mae'r trên cyntaf o Birmingham i Gaer?

Mae'r trên cyntaf yn gadael tua 05:15. Gwiriwch yr amseroedd ar gyfer eich diwrnod dewisol gan ddefnyddio ein cynllunydd teithiau.

Pryd mae'r trên olaf o Birmingham i Gaer?

Mae'r trên olaf yn gadael tua 22:00. Gwiriwch yr amseroedd ar gyfer eich diwrnod dewisol gan ddefnyddio ein cynllunydd teithiau.

Beth yw'r amser gorau i deithio o Birmingham i Gaer?

Rhowch gynnig ar deithio ar ôl 9:30 ar ddiwrnodau'r wythnos neu yn ystod oriau tawelach i gael prisiau rhatach a threnau tawelach. Mae tocynnau Advance dros y penwythnos hefyd yn cynnig gwerth gwych am arian, yn enwedig os ydych chi'n prynu tocynnau'n gynnar.

Pam teithio ar y trên o Birmingham i Gaer?

Mae Caer yn ddinas hanesyddol sy'n llawn cymeriad, diwylliant ac atyniadau fel:

  • Atyniadau hanesyddol - darganfyddwch dreftadaeth gyfoethog y ddinas, o'i gwreiddiau Rhufeinig i'r muriau Sacsonaidd sydd wedi'u cynnal a’u cadw'n dda ac sy'n dal i amgylchynu canol y ddinas.
  • Sŵ Caer - dim ond taith fer ar fws o'r orsaf, ewch i weld dros 500 o rywogaethau anhygoel yn un o sŵau mwyaf y DU.
  • Cloc Eastgate - edmygwch y cloc sydd wedi’i ffotograffio fwyaf yn y DU ar ôl Big Ben, a adeiladwyd i ddathlu’r Jiwbilî Diemwnt.
  • Castell Caer a’r Amgueddfa Filwrol - camwch i mewn i dros 900 mlynedd o hanes, o amddiffynfeydd Normanaidd i arddangosfeydd y fyddin.

Gweler ein canllaw i ymweld â Chaer am ragor o syniadau.

 

Amseroedd trenau o Birmingham i Gaer

Mae trenau o Birmingham New Street i Gaer yn rhedeg yn aml drwy gydol y dydd. Defnyddiwch ein cynllunydd teithiau neu ap i wirio amseroedd trenau byw a phrynwch docynnau’n gynnar i fachu’r prisiau gorau.

 

Awgrymiadau gwych ar gyfer prynu eich tocynnau trên o Birmingham i Gaer

  • Tocynnau Advance*: Prynwch docynnau’n gynnar i fachu’r prisiau gorau. Dim ond nifer cyfyngedig o’r tocynnau hyn sydd ar gael a gallant werthu allan yn gyflym.
  • Cardiau Rheilffordd: Manteisiwch ar ostyngiadau Cardiau Rheilffordd i arbed hyd at draean ar eich taith nesaf.
  • Tocynnau Unrhyw Bryd: Dyma ein tocynnau mwyaf hyblyg, sy’n caniatáu ichi deithio unrhyw adeg o'r dydd, unrhyw ddiwrnod o'r wythnos.

Beth am ddefnyddio ein ap? Mae'n caniatáu ichi weld ein holl fargeinion teithio fforddiadwy mewn un lle hawdd ei gyrchu.

*Tocynnau Advance sy’n cynnig ein prisiau gorau a gellir defnyddio disgowntiau Cardiau Rheilffordd wrth eu prynu. Ni allwn warantu argaeledd tocynnau Advance oherwydd dim ond nifer cyfyngedig ohonynt sydd ar gael a dim ond hyd at 18:00 cyn y diwrnod y byddwch yn teithio y maent ar werth. Byddem yn argymell eich bod yn prynu tocynnau’n gynnar i osgoi cael eich siomi.