• Symud safle tacsis gorsaf Caerdydd Canolog
  • Mae gwaith yn parhau i ddarparu Cyfnewidfa Fysiau Caerdydd yn y Sgwâr Canolog, ac mae angen gwneud gwaith hanfodol i baratoi ar gyfer y seilwaith priffyrdd a ffyrdd newydd yn y Gyfnewidfa. Er mwyn caniatáu i'r gwaith hwn fynd rhagddo, bydd y safle tacsis presennol ar Heol Saunders yn cael ei gau dros dro a'i symud i leoliad newydd dros dro.
  •  
  • O ddydd Mawrth 20 Medi, bydd y safle tacsis yn cael ei symud dros dro i Heol Penarth, o dan bont rheilffordd, nes y gwneir y gwaith. Rhagwelir y gwaith am gyfnod o 3-6 mis. Byddwn yn hysbysu cwsmeriaid ynghylch datblygiadau.
  •  
  • Wrth adael prif fynedfa'r orsaf (Sgwâr Canolog), trowch i'r dde ac i'r dde eto o dan y bont reilffordd ger Viva Brazil.
  • 
  •  
  • I helpu gyda chapasiti, bydd lôn fwydo hefyd yn cael ei lleoli ym maes parcio ochr ddeheuol yr orsaf ar Heol Penarth.  Nid safle tacsi gweithredol i godi cwsmeriaid fydd hon.

Trosolwg

Fel un o’r prif orsafoedd ar Brif Reilffordd De Cymru, mae gan orsaf Caerdydd Canolog lawer o gyfrifoldeb, a chyda’i neuaddau crand yn adlewyrchu oes aur teithio ar drenau, mae’r bensaernïaeth Art Deco gogoneddus yn ei gwneud iddi deimlo’n orsaf sy’n fwy na chymwys. Fodd bynnag, bu bron i hynny beidio â digwydd.

Roedd safle Caerdydd  Canolog yn rhan o orlifdir Afon Taf, a chyfrifoldeb y gŵr mawr ei hun, Isambard Kingdom Brunel, oedd dod o hyd i ateb ymarferol. Ei syniad oedd ail-lwybro’r Afon, gan greu lleoliad diogel a sefydlog ar gyfer yr orsaf, ac felly, yn 1850, agorwyd yr orsaf wreiddiol. Ar ôl cael ei hailadeiladu sawl gwaith, a chael sawl ychwanegiad drwy gydol y blynyddoedd dilynol, ymgorfforwyd yr arddull foethus Art Deco yn y 1930au cynnar, a heddiw, gorsaf Caerdydd Canolog, sy’n statws rhestredig Gradd II, yw’r orsaf brysuraf yng Nghymru.

Mae’n daith gerdded fer ddeng munud i gartref rygbi Cymru – Stadiwm Principality, Canolfan y Mileniwm, a phopeth sydd gan y ddinas i’w gynnig.

Os hoffech chi gael mwy o ffeithiau diddorol am y ddinas wych hon, yn ogystal â dysgu am ychydig o lefydd newydd i ymweld â nhw tra byddwch chi yno, edrychwch ar y rhestr wych hon o bethau i’w gwneud yng Nghanol Dinas Caerdydd sydd wedi’i pharatoi gan dîm Trafnidiaeth Cymru.

• Faint o amser mae’n ei gymryd i fynd o Orsaf Caerdydd Canolog i Faes Awyr Caerdydd?

  • I deithio o orsaf Caerdydd Canolog i faes awyr Caerdydd, mae angen i chi neidio ar y trên i orsaf Maes Awyr Rhyngwladol Caerdydd y Rhws, ac o’r fan honno, dal y gwasanaeth bws gwennol cyfleus i’r maes awyr.

• Faint o amser mae’n ei gymryd i gerdded o Orsaf Caerdydd Canolog i ganol dinas Caerdydd?

  • Mae’r daith i ganol dinas Caerdydd, drwy Heol Eglwys Fair, yn cymryd pum munud.

• Pa gyfleusterau parcio ceir sydd ar gael yng Ngorsaf Caerdydd Canolog?

  • Mae 402 o lefydd yn y maes parcio 24 awr, gan gynnwys llefydd Bathodyn Glas.

• Pa gyfleusterau sydd ar gael i storio beiciau yng Ngorsaf Caerdydd Canolog?

  • Gyda 90 lle i feiciau ar gael, gan gynnwys lle storio cysgodol, mae digon o le, ac mae teledu cylch cyfyng yn edrych ar bopeth.

• Pa gyfleusterau eraill sydd ar gael yng Ngorsaf Caerdydd Canolog?

  • Toiledau, gan gynnwys cyfleusterau newid babanod
  • Bwffe yn yr orsaf
  • Siopau
  • Ffonau arian a chardiau
  • Peiriant ATM
  • Wi-Fi
  • Lolfa dosbarth cyntaf
  • Mynediad i bobl anabl – does dim grisiau yn yr orsaf, ac mae rampiau a system dolen sain ar gael

• Pa gyrchfannau poblogaidd y gallwch eu cyrraedd o orsaf Caerdydd Canolog?

  • Caerdydd i Fanceinion
  • Caerdydd i Abertawe
  • Caerdydd i Lerpwl
  • Caerdydd i Fangor
  • Caerdydd i Gaer
  • I weld llwybrau mwy poblogaidd o Orsaf Caerdydd, cliciwch yma