Datganiad hygyrchedd ar gyfer trc.cymru

Mae'r datganiad hygyrchedd hwn yn berthnasol i:

• tfw.wales / trc.cymru
• tickets.trc.cymru / tocynnau.trc.cymru.

Rydym yn defnyddio safon ryngwladol Canllawiau Hygyrchedd Cynnwys y We (WCAG) 2.1 fel ein canllaw.

Gallwch ddysgu mwy am y safonau hyn yma: https://www.w3.org/WAI/standards-guidelines/wcag/.

Ein nod yw cyrraedd safon AA ar ein safleoedd. Mae hyn yn golygu y byddwn yn datrys unrhyw faterion lefel A sy'n weddill ac yn ymdrechu i ddatrys materion AA ar ein gwefannau. Rydym yn gwneud hyn fel y gall cymaint o bobl â phosibl ddefnyddio ein gwefannau.

Er enghraifft, mae hyn yn golygu y dylech fod yn gallu:

• newid lliwiau, lefelau cyferbyniad a ffontiau
• chwyddo tudalennau hyd at 400% heb i'r testun ddiflannu oddi ar y sgrin
• llywio'ch ffordd o gwmpas y rhan fwyaf o'r wefan gan ddefnyddio bysellfwrdd yn unig
• llywio'ch ffordd o gwmpas y rhan fwyaf o'r wefan gan ddefnyddio meddalwedd adnabod llais
• gwrando ar y rhan fwyaf o'r wefan drwy ddefnyddio darllenydd sgrin (gan gynnwys y fersiwn fwyaf diweddar o JAWS, NVDA a VoiceOver)

Rydym hefyd wedi gwneud testun y wefan mor syml â phosibl i'w ddeall.

Mae gan AbilityNet gyngor ar wneud eich dyfais yn haws i'w defnyddio os oes gennych anabledd.

Rydym yn gwybod nad yw rhannau o'r wefan hon yn gwbl hygyrch:

• Ni fydd y testun yn ail-lifo mewn un golofn pan fyddwch yn newid maint ffenestr y porwr
• Ni allwch addasu uchder llinellau neu’r bylchau rhwng testun
• Nid oes modd llywio’r rhan fwyaf o ddogfennau PDF hŷn drwy ddefnyddio meddalwedd darllenydd sgrin
• Nid oes gan ffrydiau fideo byw isdeitlau
• Mae rhai o'n ffurflenni ar-lein yn anodd eu llywio gan ddefnyddio bysellfwrdd yn unig
• Ni allwch neidio i'r prif gynnwys wrth ddefnyddio darllenydd sgrin
• Mae terfyn ar ba mor bell y gallwch chwyddo'r map ar ein tudalen 'Cysylltu â Ni'

Os ydych angen gwybodaeth ar y wefan hon arnoch mewn fformat gwahanol, er enghraifft PDF hygyrch, print bras, fersiwn hawdd ei ddarllen, recordiadau sain neu braille:

Ebostiwch: customer.relations@tfwrail.wales

Ffoniwch: 03333 211 202

Byddwn yn ystyried eich cais ac yn cysylltu â chi.

Rhoi gwybod ynglŷn â phroblemau hygyrchedd gyda'r wefan hon

Rydym wastad yn chwilio am ffyrdd o wella hygyrchedd y wefan hon. Os byddwch yn dod ar draws unrhyw broblemau nad ydynt wedi'u rhestru ar y dudalen hon neu os ydych yn teimlo nad ydym yn bodloni gofynion hygyrchedd, cysylltwch â ni.

Gweithdrefn orfodi

Mae'r Comisiwn Cydraddoldeb a Hawliau Dynol (EHRC) yn gyfrifol am orfodi Rheoliadau Hygyrchedd Cyrff y Sector Cyhoeddus (Gwefannau ac Apiau ar gyfer Dyfeisiau Symudol) (Rhif 2) 2018 (y 'rheoliadau hygyrchedd'). Os ydych yn anhapus â’r ffordd yr ydym yn ymateb i'ch cwyn, cysylltwch â'r Gwasanaeth Cynghori a Chefnogi Cydraddoldeb (EASS).

Mae Trafnidiaeth Cymru wedi ymrwymo i wneud ei wefan yn hygyrch, yn unol â Rheoliadau Hygyrchedd Cyrff y Sector Cyhoeddus (Gwefannau a Chymwysiadau Symudol) (Rhif 2) 2018.

Statws cydymffurfiaeth

Mae'r wefan hon yn cydymffurfio'n rhannol â Safon AA Canllawiau Hygyrchedd Cynnwys y We fersiwn 2.1 - o ganlyniad i’r hyn nad yw’n cydymffurfio a'r eithriadau a restrir isod.

Cynnwys nad yw'n hygyrch

Isod mae manylion y materion yr ydym yn ymwybodol ohonynt a llinell amser o'r cyfnod y disgwyliwn eu trwsio.

• Nid yw ein ffurflen cysylltu â ni wedi ei marcio ac nid yw'n gwbl hygyrch i ddefnyddwyr bysellfwrdd neu ddarllenydd sgrin.
• Nid yw ein ffurflen gwynion wedi'i marcio ac nid yw'n gwbl hygyrch i ddefnyddwyr darllenydd bysellfwrdd neu sgrin.

Rydym yn disgwyl datrys y materion hyn erbyn diwedd mis Hydref 2024, mewn pryd ar gyfer rhyddhau fersiwn ddiweddaraf ein gwefan.

Gallwch weld manylion llawn materion Hydref 2024 yma

• Nid yw ein teclyn cynllunio teithiau (a geir ar y dudalen gartref ac ar dudalennau eraill) wedi’i farcio, sy'n golygu nad yw'n gwbl hygyrch i ddefnyddwyr darllenwyr sgrin neu drwy fysellfwrdd.
• Nid yw ein peiriant prynu tocynnau, a geir yn ticket.trc.cymru, wedi’i farcio, sy'n golygu nad yw'n gwbl hygyrch i ddefnyddwyr darllenwyr sgrin neu ar y bysellfwrdd.

Rydym yn disgwyl datrys y materion hyn erbyn diwedd mis Hydref 2024, mewn pryd ar gyfer rhyddhau fersiwn ddiweddaraf ein gwefan.

Gallwch weld manylion llawn materion mis Mawrth 2025 yma

Cynnwys nad yw o fewn cwmpas y rheoliadau hygyrchedd

PDF a dogfennau eraill

O dan Reoliadau Hygyrchedd Cyrff y Sector Cyhoeddus (Gwefannau ac Apiau ar gyfer Dyfeisiau Symudol) (Rhif 2) 2018

• Nid yw'r rheoliadau yn ei gwneud yn ofynnol i ni drwsio dogfennau PDF neu ddogfennau eraill a gyhoeddwyd cyn 23 Medi 2018 os nad ydynt yn hanfodol i ddarparu ein gwasanaethau. Bydd unrhyw ddogfennau PDF neu Word newydd a gyhoeddir gennym yn bodloni safonau hygyrchedd
• Nid ydym yn bwriadu ychwanegu isdeitlau at ffrydiau fideo byw oherwydd bod fideo byw wedi'i eithrio rhag bodloni'r rheoliadau hygyrchedd

Paratowyd y datganiad hwn yn gyntaf ar 07/09/2021.
Cafodd ei adolygu ddiwethaf ar 17/09/2024.

Cafodd y wefan hon ei phrofi ddiwethaf ar 12/06/2024. Cynhaliwyd y prawf gan Wasanaeth Digidol y Llywodraeth.

Gallwch ddarllen yr adroddiad prawf hygyrchedd llawn yma https://tfw.wales/sites/default/files/2024-09/Transport%20for%20Wales%20Accessibility%20Report.pdf

Mae gennym broses i archwilio hygyrchedd ar ein gwefan yn flynyddol, a byddwn yn diweddaru'r datganiad yn rheolaidd i adlewyrchu unrhyw newidiadau.