Nid yw teithio o gwmpas De-ddwyrain Cymru ar fws erioed wedi bod yn haws. Neidiwch ymlaen ac oddi ar wasanaethau bws a ddarperir gan wahanol weithredwyr gydag un tocyn yn unig: Network Rider. Mae'n ddilys ar bron pob gwasanaeth bws yn Ne-ddwyrain Cymru, gan gynnwys rhai sy'n cysylltu trefi yn uniongyrchol y tu allan i'r rhanbarth hefyd.
Ble allwch chi ddefnyddio tocyn Network Rider?
Mae'r tocyn yn ddilys ar bob llwybr a ddarperir gan weithredwyr bysiau sy'n cymryd rhan o fewn yr ardal a amlinellir ar y map, ac eithrio:
- Gwasanaethau amwynder arbennig, gan gynnwys pob gêm pêl-droed arbennig, gwasanaethau nos rhwng 02:00 a 05:00 pan godir pris tocyn; gwasanaethau parcio a theithio penodedig neu wasanaethau gweld golygfeydd lle codir tâl premiwm.
- Gwasanaethau coetsis cyflym, gan gynnwys y rhai a ddarperir gan National Express, Megabus, Flixbus a T1C TrawsCymru.
- Gwasanaethau amnewid rheilffyrdd.
- Rheilffordd linc 905 rhwng Gorsaf Ryngwladol y Rhws a Maes Awyr Caerdydd.
- Unrhyw wasanaeth ysgol ‘caeedig’ nad yw ar gael i’r cyhoedd.
Gwasanaethau bws yn gweithredu yn Lloegr
Dim ond ar y gwasanaethau hynny sy'n dechrau neu'n gorffen yng Nghymru ac yn gweithredu'n uniongyrchol i Henffordd neu Lydney y gallwch ddefnyddio tocyn Network Rider.
Gwasanaethau TrawsCymru
Mae tocynnau Network Rider yn ddilys ar y gwasanaethau TrawsCymru canlynol:
- T4 (rhan o'r llwybr rhwng Aberhonddu a Chaerdydd yn unig)
- T7 (teithiau lleol o fewn Cas-gwent yn unig)
Sut i brynu tocyn Network Rider
I brynu tocyn Network Rider, gallwch dalu'r gyrrwr ar eich bws cyntaf. Derbynnir arian parod neu daliad digyswllt ar bob bws. Nid yw'r tocyn ar gael i'w brynu ymlaen llaw ar-lein na thrwy ap.
Beth yw'r prisiau?
| Math o docyn | Dilysrwydd tocyn | Pris |
| Oedolyn | Dydd | £10.00 |
| Plentyn (5 i 16 oed) | Dydd | £7.00 |
| Consesiwn (MyTravelPass a deiliaid cerdyn consesiwn Lloegr neu’r Alban) | Dydd | £7.00 |
| Teulu (hyd at 2 oedolyn a hyd at 3 plantyn neu 1 oedolyn a 4 plentyn yn teithio gyda’i gilydd) | Dydd | £20.00 |
| Oedolyn | Wythnos | £31.00 |
| Plentyn (5 i 16 oed) | Wythnos | £21.00 |
| Consesiwn (MyTravelPass a deiliaid cerdyn consesiwn Lloegr neu’r Alban) | Wythnos | £21.00 |
Cael gafael ar MyTravelPass
Dilynwch y linc hon am fwy o wybodaeth.
Am ba mor hir mae'r tocyn Network Rider yn ddilys?
Mae tocynnau Diwrnod Network Rider yn ddilys am ddiwrnod cyfan, hyd at ac yn cynnwys y bws olaf. Mae tocynnau wythnosol yn ddilys am 7 diwrnod yn olynol (gan gynnwys y diwrnod prynu).
Gweithredwyr bysiau sy'n cymryd rhan
Gallwch ddefnyddio tocynnau Network Rider ar y gwasanaethau bws lleol o fewn yr ardal a ddiffinnir gan y map uchod, a ddarperir gan y gweithredwyr canlynol:
- Adventure Travel
- Cardiff Bus
- Connect 2
- Davies Coaches
- Edwards Coaches
- First Cymru
- Harris Coaches
- Keeping’s Coaches
- Newport Bus
- Phil Anslow Coaches
- Stagecoach South Wales
- Stagecoach West
- Thomas Rhondda
