Awgrymiadau gwych ar gyfer cerdded ac olwynio

Mae cerdded ac olwynio yn ffyrdd gwych o fynd allan ym myd natur a chrwydro Cymru. Dyma rai awgrymiadau gwych ar gyfer cadw'n ddiogel yng nghefn gwlad.

 

Byddwch yn barod rhag ofn i chi golli signal

Mae mapiau ac apiau ar-lein yn wych nes i chi golli signal. Sicrhewch eich bod wedi lawrlwytho'ch llwybr neu fod gennych fap corfforol fel y gallwch chi gyrraedd adref bob tro. Rydym wedi ffurfio partneriaeth gyda Go Jauntly i ddarparu mapiau ar gyfer ein llwybrau.

 

Gwiriwch yr amodau tywydd

Gwiriwch y rhagolygon cyn cychwyn. Gall glaw, eira a niwl i gyd wneud taith gerdded yn fwy heriol. Gwnewch yn siŵr bod gennych ddillad addas neu aildrefnwch eich taith ar gyfer diwrnod brafiach.

 

Cofiwch ddod â dillad gwrth-ddŵr

Os allwch chi ddibynnu ar un peth yng Nghymru, y glaw yw hwnnw! Sicrhewch fod gennych got law a throwsus sy’n dal dŵr.

 

Paciwch ddillad cynnes

Gall pacio siaced neu siwmper sbâr yn eich sach gefn eich cadw'n gynnes wrth i chi fwynhau'ch picnic neu os yw'r tywydd yn troi.

 

Rhowch wybod i rywun rydych chi'n ymddiried ynddo pa lwybr rydych chi’n ei ddilyn a faint o’r gloch y disgwylir i chi ddychwelyd

Os aiff rhywbeth o'i le ac nad ydych yn dychwelyd ar amser, gallant hysbysu’r awdurdodau.

 

Hydradwch yn dda

Mae'n hanfodol i yfed digon, yn enwedig pan fydd y tywydd yn boeth. Cymerwch fwy nag yr ydych chi'n meddwl y gallai fod ei angen arnoch chi. Gall fflasg o de yng nghanol eich taith fod yr egwyl berffaith!

 

Parchwch gefn gwlad

Dylai’r awyr agored fod yno i bawb gael mwynhau. Mae'r Cod Cefn Gwlad yn cynnig awgrymiadau ar sut i helpu i ofalu am gefn gwlad.

 

Gwiriwch amseroedd bws a thrên

Os ydych chi'n defnyddio trafnidiaeth gyhoeddus i gyrraedd eich taith gerdded a mynd oddi yno, edrychwch ar amseroedd ein trenau a bysiau.