Rydym am i chi gael eich ysbrydoli i feddwl yn wahanol am drafnidiaeth gyhoeddus fel y gallwch wneud dewisiadau teithio mwy cynaliadwy.
Dysgwch fwy am sut y gallwch chi chwarae eich rhan isod.
Gwnewch ddewisiadau teithio mwy cynaliadwy heddiw
Mae'r pandemig wedi gwneud i ni i gyd feddwl yn wahanol am yr hyn sy'n bwysig i ni a'r ffordd rydyn ni'n byw ein bywydau.
Rydyn ni i gyd yn awyddus i ddychwelyd i ymweld â theulu a ffrindiau a mynd allan. Mae gan deithio ar drafnidiaeth gyhoeddus ran bwysig i'w chwarae i'n helpu i wneud hyn.
Credwn fod ystyr gwreiddiol 'rhwydwaith cymdeithasol' wedi mynd ar goll. Ar un adeg, roedd yn golygu cerdded gyda ffrind, peidio â sgrolio gwefannau, ymweld â dinasoedd godidog, yn hytrach nag ymweld â gwefannau.
Rydym am ail afael yn ystyr 'rhwydwaith cymdeithasol'. Gall teithio gyda ni eich helpu i ailgysylltu â'r hyn sy'n wirioneddol bwysig i chi.
Rydyn ni eisiau ysbrydoli pobl i deithio'n fwy cynaliadwy p'un a ydyn nhw'n ailgysylltu â ffrindiau a theulu, yn ailddarganfod y lleoedd maen nhw'n eu caru, yn ymweld â lleoedd newydd, neu'n dychwelyd i'r gwaith.
Gwyliwch ein hysbyseb am ysbrydoliaeth.
Y tu ôl i’r llenni ar y rhwydwaith cymdeithasol go iawn
Ni yw'r rhwydwaith cymdeithasol go iawn
Mae ein rhwydwaith yn hanfodol i’n helpu i ddychwelyd i normalrwydd yn dilyn effeithiau gwrthgymdeithasol y pandemig, gan helpu pobl i deithio eto.
Mae gan ein 'rhwydwaith cymdeithasol' ddilynwyr, ond nhw yw eich plant sy'n eich dilyn ar daith trên i'r traeth.
Mae bod yn 'gysylltiedig' ar ein rhwydwaith cymdeithasol yn golygu cael cyfarfod gyda chydweithwyr ar eich taith fusnes.
A'n 'cais i fod yn ffrind' yw'r ffrindiau a wnewch heno.
Am beth mae ein hymgyrch?
Rydym am ysbrydoli pobl i deithio'n fwy cynaliadwy ar fws, trên, beic neu ar droed pan fyddant yn cyfarfod â'u ffrindiau, yn teithio i hamddena neu'n dychwelyd i'r gwaith.
Gadawodd effeithiau gwrthgymdeithasol y pandemig lawer ohonom yn teimlo’n ynysig, ond rydym yn gwybod pa mor bwysig yw hi fod pobl yn gallu teithio i ymweld â theulu a ffrindiau eto. Rydym am i bobl ddewis trafnidiaeth gyhoeddus wrth ailgysylltu â phobl a theimlo’n hyderus yn gwneud hynny.
Rydym bob un wedi colli’r gallu i fynd allan oherwydd y pandemig ond nawr rydyn ni eisiau i bobl ddewis trafnidiaeth gyhoeddus pan maen nhw'n ymweld â'r lleoedd maen nhw'n eu caru.
Mae'r pandemig wedi golygu bod llawer ohonom wedi newid y ffordd rydym yn gweithio, ac rydym am i bobl deithio'n ddiogel gan ddefnyddio trafnidiaeth gyhoeddus i gyrraedd y gwaith.
