Dewch i gwrdd â’r busnesau Cymreig dawnus sy’n cyflenwi blas
Kate McIntyre
Rheolwr Ansawdd Gwasanaeth a Phrofiad
Beth sy'n gwneud y bwyd a diod newydd blasus a weinir ar ein trenau mor dda? Dyna o ble mae'n dod. Y gofal, y sylw a'r angerdd sy'n rhan o'i grefftio, ei bobi, ei fragu a'i ddistyllu.
Rydym wedi lansio blas, ein brand bwyd a diod newydd gydag ymrwymiad i ddefnyddio cymaint o gynnyrch Cymreig dilys, cynaliadwy ag y gallwn. Rydym am helpu busnesau dawnus i ffynnu, gan gefnogi swyddi lleol medrus ac economïau lleol llewyrchus.
Roeddwn yn ddigon ffodus i dreulio peth amser gydag ychydig o'n cyflenwyr yn ddiweddar. Braint oedd bod yn dyst i waith caled, sgil ac ymroddiad y bobl sy’n gweithio yn y busnesau hyn.
Patisserie Terry
Mae Terry’s Patisserie o Aberbargod wrth ei fodd yn creu detholiad blasus o gacennau hufen y gallwch eu mwynhau gyda’n te prynhawn blas newydd.
Gydag arogl blasus crwst pobi yn yr awyr, fe’u gwyliais yn graffito eu ‘Ice Slice’, sydd wedi gwerthu orau. Mae'n help hael o crème patisserie gyda dim ond y swm cywir o eisin llyfn ar ei ben. Mae angen sgil ac ymarfer go iawn i gael hyn yn iawn.
Cwmni Bragu Morgannwg
Mae Glamorgan Brewing Company o Bont-y-clun yn bragu cwrw a lager clasurol gydag acen Gymreig. Efallai mai eu henw mwyaf enwog yw’r ‘Bale Ale’, wedi’i fragu mewn partneriaeth â’r arwr pêl-droed Gareth Bale.
Mae'r broses fragu yn hynod ddiddorol i'w gwylio. Rhoddir brag aur mewn cafnau gyda dŵr poeth i echdynnu'r siwgrau. Yna mae'n mynd i mewn i hopiwr helaeth lle caiff ei storio ar 100 gradd am awr. Mae hopys yn cael eu hychwanegu i roi'r blas crisp, adfywiol hwnnw. Beth am ei flasu ar ein trenau?
Wafflau Tregroes
Y peth cyntaf y byddwch chi'n sylwi arno wrth ymweld â Tregroes Waffles o Landysul yw arogl taffi cynnes sy'n tynnu dŵr o'ch dannedd. Mae'n eich taro cyn i chi hyd yn oed fynd i mewn i'r adeilad.
Roedd yn bleser cwrdd â’r tîm a gweld wafflau wedi’u pobi’n ffres yn rholio oddi ar eu llinell gynhyrchu o’r radd flaenaf. Yna cânt eu llenwi â thaffi tawdd cyn oeri a phecynnu. Stop olaf, ein gwasanaeth troli ar fwrdd.
Radnor Hills
Awydd rhywbeth eithriadol o ffres i dorri syched ar eich taith? Rhowch gynnig ar ddŵr mwynol wedi'i hidlo o graig o fryniau Canolbarth Cymru, wedi'i botelu a'i gludo atoch gan Radnor Hills o Drefyclo.
Mae ffatri Maesyfed yn gwneud ei photeli ei hun ar y safle, gan leihau ei chostau cludiant a'i hôl troed carbon. Gall llinell gynhyrchu Radnor Hills greu 32,000 o boteli mewn awr, yn barod i'w llenwi. Boed hynny gyda dŵr ffynnon pur (llonydd neu pefriog) neu efallai trwyth ffrwythus gyda chynhwysion naturiol 100%.
Distyllfa Penderyn
Mae Distyllfa Penderyn yn cael ei chydnabod yn rhyngwladol am ei Chwisgi Cymreig Brag Sengl arobryn. Maen nhw'n arloeswyr yn World Whisky ac mae ganddyn nhw dair distyllfa yng Nghymru.
Yn eu distyllfa ym Mannau Brycheiniog, gwyliais haidd brag yn cael ei falu gyda dŵr o Fannau Brycheiniog, cyn cael ei eplesu â burum i drosi’r siwgrau yn alcohol sydd yna'n cael ei ddistyllu gan ddefnyddio Faraday Still unigryw. Mae'r gwirod yn aeddfedu mewn casgenni oedd yn arfer bod a bourbon ynddynt cyn treulio cyfnod mewn casgen orffen, gan roi blas unigryw y gallwch chi ei flasu yng nghysur eich sedd ar ein trenau.
