Rydym yn cynnig profiad gwaith i'ch helpu chi i gael cip-olwg gwerthfawr o weithio gyda ni ac i ddatblygu sgiliau allweddol ar gyfer eich gyrfa.
Beth yw profiad gwaith?
Mae profiad gwaith yn gyfle i gael dealltwriaeth a sgiliau trwy weithio gyda ni am tymor byr, hyd at 3 wythnos, ar sail ddi-dâl fel arfer.
Bydd profiad gwaith gyda ni yn cynnwys:
- Dysgu am ein hamgylchedd gwaith - byddwn yn rhoi cipolwg i chi o'r hyn sy'n digwydd ar ein rhwydwaith ac yn ein swyddfa.
- Gweithgareddau a thasgau gwaith - byddwch chi'n rhoi cynnig ar y swydd gyda ni, gan gymryd rhan mewn tasgau a gweithgareddau a fydd yn eich helpu i ddysgu yn y gwaith.
- Sgiliau gwaith - byddwn yn defnyddio'ch sgiliau a'ch dysgu academaidd blaenorol gyda ni, mewn sefyllfaoedd go iawn.
Ni allwn ddarparu ar gyfer ceisiadau profiad gwaith ar hyn o bryd. Fodd bynnag, rydym yn gyffrous i lansio ein platfform profiad gwaith rhithwir newydd yr hydref hwn. Bydd mwy o wybodaeth ar gael yn fuan.
Lleoliad gwaith
Mae lleoliad gwaith gyda ni yn golygu ennill sgiliau a phrofiad gwerthfawr mewn maes penodol o'r busnes am gyfnod penodol, rhwng 1 - 12 mis fel arfer.
Mae lleoliad gwaith gyda ni yn cynnwys:
- Sgiliau gwaith - byddwn yn defnyddio'ch sgiliau a'ch dysgu academaidd blaenorol gyda ni mewn maes penodol o'r busnes.
- Datblygu - Gallwn ddarparu hyfforddiant yn y gwaith a hyfforddiant ffurfiol â thâl i chi i helpu i ddatblygu eich sgiliau mewn maes penodol.
- Rhwydweithio - Byddwn yn darparu amryw o gyfleoedd rhwydweithio i chi, tra byddwch chi'n cael cip olwg gwerthfawr i'r diwydiant trafnidiaeth.
- Ein hamgylchedd gwaith - byddwn yn rhoi cipolwg i chi o'r hyn sy'n digwydd ar ein rhwydwaith ac yn ein swyddfa.
- Gweithgareddau a thasgau gwaith - byddwch chi'n rhoi cynnig ar y swydd gyda ni, gan gymryd rhan mewn tasg a gweithgareddau a fydd yn eich helpu i ddysgu yn y swydd.
Cyfle am brofiad gwaith rhithiol gyda Trafnidiaeth Cymru
Rydym yn edrych ymlaen at gadarnhau y bydd ein rhaglen profiad gwaith rhithiol newydd ar gael cyn bo hir. Mae ‘Trawsnewid teithio: Creu rhwydwaith trafnidiaeth ar gyfer y dyfodol’ wedi cael ei greu mewn partneriaeth â Springpod, ac mae’n dechrau ddydd Llun 23 Hydref 2023.
Mae Springpod yn cynnig rhaglenni dysgu rhyngweithiol drwy brofiad ar gyfer y genhedlaeth nesaf, gan alluogi pobl ifanc i reoli eu dyfodol eu hunain a rhoi mynediad cyfartal i bob myfyriwr at gyfleoedd profiad gwaith rhagorol.
Rydym yn falch iawn o weithio gyda Springpod i gyflwyno rhaglen ddysgu ryngweithiol, addysgiadol a hwyliog i chi. Mae’n ymdrin â thrafnidiaeth, sut mae’n gweithio, pam mae’n bwysig a’r cyfleoedd gyrfa amrywiol sydd ar gael yn Trafnidiaeth Cymru.
Yn y rhaglen, bydd cynnwys byw, sgyrsiau gan siaradwyr gwadd, a’r cyfle i gymryd rhan mewn amrywiaeth o weithgareddau. Ar ddiwedd y rhaglen, bydd pawb yn cael tystysgrif am gwblhau eu profiad gwaith gyda Trafnidiaeth Cymru.
Sut gallaf i wneud cais?
Mae mynediad yn rhad ac am ddim, ond mae angen i chi gadw lle. Mae'r ceisiadau ar agor tan 13 Hydref 2023.
