Bwcle

Trosolwg

Wyth milltir i’r gogledd o Wrecsam, ar reilffordd y Gororau, mae gorsaf Bwcle yn gwasanaethu tref wledig Bwcle. Fe’i hagorwyd ym mis Mawrth 1890 fel Cyffordd Bwcle, ac fe’i hailenwyd yn 1974 a dyma’r unig orsaf sy’n weddill o dair oedd yn gwasanaethu Bwcle.

Y dref hon yw’r ail fwyaf yn Sir y Fflint, ac mae ei gwreiddiau yn y diwydiannau glo a chrochenwaith, a ddaeth yn bwysicach yn ystod y Chwyldro Diwydiannol, ac erbyn dechrau’r 1800au, roedd y dref yn gartref i 14 o grochendai. Gyda gwythiennau glo yn gorwedd yn agos at yr wyneb dim ond o dan haen o glai, gweithiodd y ddau ddiwydiant yn dda gyda’i gilydd, ac ehangodd y dref wrth i weithwyr symud i mewn, llawer ohonynt o Iwerddon a Lerpwl.

Mae pobl Bwcle yn cael eu hadnabod am eu hacen unigryw sy’n deillio o’r mewnlifiad o weithwyr o Lerpwl ac Iwerddon, ac maent yn aml yn defnyddio ymadroddion llafar unigryw nad oes llawer o ‘bobl o’r tu allan’ yn eu deall.

• Faint o amser mae’n ei gymryd i gerdded o orsaf Bwcle i ganol y dref?

  • Dilynwch yr A549 o orsaf Bwcle, ac mae’r daith gerdded i ganol y dref yn cymryd tua 20 munud.

• Pa gyfleusterau parcio ceir sydd ar gael yng ngorsaf Bwcle?

  • Mae lle parcio i 13 o geir yn yr orsaf.

• Pa gyfleusterau sydd ar gael i storio beiciau yng ngorsaf Bwcle?

  • Mae digon o gyfleusterau â lloches i storio 10 beic yng ngorsaf Bwcle.

• Pa gyfleusterau eraill sydd ar gael yng ngorsaf Bwcle?

  • Ffonau arian a chardiau
  • Mynediad i bobl anabl – does dim grisiau yn yr orsaf, ac mae dolenni sain ar gael