Trosolwg

Gan wasanaethu pentref Ffynnon Taf, agorwyd yr orsaf o’r un enw yn 1863, ac mae ei dau blatfform yn gwasanaethu dros draean o filiwn o deithwyr bob blwyddyn, gyda llawer o’r rhain yn gymudwyr sy’n teithio i Gaerdydd. Cafodd ei hadnabod yn wreiddiol fel Walnut Tree Junction, ac fe’i hailenwyd yn Ffynnon Taf yn 1900.

Mae pentref Ffynnon Taf, sy’n gorwedd i’r gogledd o Gaerdydd, yn cael ei alw’n Borth i’r Cymoedd gan bobl leol, a dyma leoliad yr unig ffynnon thermol yng Nghymru. Gyda thymheredd cyfartalog o 21.6°C, mae’r ffynnon yn cael ei hystyried yn safle ysbrydol gan rai, gyda llawer yn ymweld o bell.

• Faint o amser mae’n ei gymryd i fynd o Orsaf Ffynnon Taf i Faes Awyr Caerdydd?

  • Mae’n cymryd tuag awr a hanner i deithio ar drên o’r orsaf i Faes Awyr Caerdydd.

• Faint o amser mae’n ei gymryd i gerdded o Orsaf Ffynnon Taf i ganol pentref Ffynnon Taf?

  • Mae’n cymryd tua phum munud i gerdded ar hyd Ffordd Caerdydd i ganol y pentref.

• Pa gyfleusterau parcio sydd ar gael yng Ngorsaf Ffynnon Taf?

  • Mae lle i 88 o geir yng Ngorsaf Ffynnon Taf.

• Pa gyfleusterau sydd ar gael i storio beiciau yng Ngorsaf Ffynnon Taf?

  • Mae lle i storio 8 beic yn yr orsaf.

• Pa gyfleusterau eraill sydd ar gael yng Ngorsaf Ffynnon Taf?

  • Ffonau arian a chardiau
  • Mynediad i bobl anabl – does dim grisiau yn yr orsaf ac mae rampiau a dolenni sain ar gael