Lefel Uchel y Mynydd Bychan

Trosolwg

Ar Reilffordd Rhymni, mae Gorsaf Lefel Uchel y Mynydd Bychan yn gwasanaethu ardal y Mynydd Bychan yng Nghaerdydd, ynghyd â Gorsaf Lefel Isel y Mynydd Bychan. Wedi’i hagor yn 1915, mae’r ddau blatfform yn gwasanaethu bron i hanner miliwn o deithwyr bob blwyddyn.

Mae’r Mynydd Bychan i’r gogledd o Gaerdydd ac fe’i gwelir fel ardal gefnog iawn. Mae’r tai Fictoraidd mawr, ar wahân, sydd â gerddi cysgodol o’u cwmpas, yn wynebu ffyrdd llydan a choediog. Yng nghanol y Mynydd Bychan mae Parc y Mynydd Bychan, sy’n 100 erw, y cyfan sy’n weddill o’r cefn gwlad agored a arferai orchuddio’r ardal yma. Mae’n lle hyfryd ar gyfer diwrnod allan gyda’r teulu, i fwynhau taith gerdded neu gael picnic.

• Faint o amser mae’n ei gymryd i fynd o Orsaf Lefel Uchel y Mynydd Bychan i Faes Awyr Caerdydd?

  • Mae’n cymryd bron i awr i deithio ar drên o’r orsaf i Faes Awyr Caerdydd.

• Faint o amser mae’n ei gymryd i gerdded o Orsaf Lefel Uchel y Mynydd Bychan i ganol tref y Mynydd Bychan?

  • Dim ond dau funud mae’n ei gymryd o'r orsaf i gyrraedd canol y Mynydd Bychan.

• Pa gyfleusterau parcio ceir sydd ar gael yng Ngorsaf Lefel Uchel y Mynydd Bychan?

  • Nid oes unrhyw gyfleusterau parcio ceir yng Ngorsaf Lefel Uchel y Mynydd Bychan.

• Pa gyfleusterau sydd ar gael i storio beiciau yng Ngorsaf Lefel Uchel y Mynydd Bychan?

  • Nid oes gan yr orsaf gyfleusterau storio beiciau.

• Pa gyfleusterau eraill sydd ar gael yng Ngorsaf Lefel Uchel y Mynydd Bychan?

  • Mynediad i bobl anabl – does dim grisiau mewn rhan o'r orsaf ac mae rampiau a dolenni sain ar gael