Tywyn

Trosolwg

Ar Reilffordd Arfordir y Cambrian, mae gorsaf Tywyn yn gwasanaethu tref glan môr hyfryd Tywyn. Fe’i hadeiladwyd yn 1863, a chafodd y bardd enwog o Gymru, John Ceiriog Hughes, ei gyflogi fel meistr yr orsaf yn 1870. Gan ddechrau ei gysylltiad â’r rheilffyrdd yn 1854, Tywyn oedd ei rôl olaf cyn iddo adael i ganolbwyntio ar ei farddoniaeth.

Mae’r dref nid yn unig yn boblogaidd gyda phobl ar eu gwyliau, ond mae’n enwog am fod yn gartref i’r enghreifftiau cynharaf y gwyddys amdanynt o Gymraeg ysgrifenedig. Mae Carreg Cadfan, sy’n groes garreg, dal, yn cynnwys arysgrifiadau sy’n dyddio’n ôl i’r 7fed ganrif.

• Faint o amser mae’n ei gymryd i gerdded o orsaf Tywyn i ganol tref Tywyn?

  • Drwy ddilyn y Stryd Fawr a Sgwâr Cambria, mae’n cymryd tua deg munud i gerdded o orsaf Tywyn i ganol y dref.

• Pa gyfleusterau parcio ceir sydd ar gael yng ngorsaf Tywyn?

  • Mae lle i 20 o geir yng ngorsaf Tywyn.

• Pa gyfleusterau sydd ar gael i storio beiciau yng ngorsaf Tywyn?

  • Mae gan yr orsaf ddigon o le i storio 6 beic.

• Pa gyfleusterau eraill sydd ar gael yng ngorsaf Tywyn?

  • Mynediad i bobl anabl – does dim grisiau yn yr orsaf, mae rampiau a dolenni sain ar gael