Ynys Y Barri

Trosolwg

Wedi ei lleoli ar arfordir trawiadol Bro Morgannwg, Ynys y Barri yw un o hoff leoliadau glan môr Cymru.

Mae’r orsaf drenau wedi ei lleoli ar reilffordd Bro Morgannwg ac fe’i hagorwyd ym 1892 i wasanaethu traeth a glannau a oedd yn dod yn fwyfwy poblogaidd. Dyluniwyd adeilad presennol yr orsaf gan y pensaer William Henry Higgs ac fe’i hadeiladwyd yn 1904.

Wrth fynd oddi ar y trên byddwch yn gweld y Parc Pleser, gyda’i reidiau, carwsel, man chwarae dŵr a llawer mwy. Gorau oll, mae hyn i gyd ar draws y ffordd i dywod euraid y traeth poblogaidd.

Oeddech chi’n gwybod bod yr orsaf wedi ymddangos sawl gwaith ar y teledu? Dyma’r lleoliad yng nghyfres gwlt y BBC Gavin and Stacey. Yma hefyd oedd gorsaf reilffordd Pontyberry yn y rhaglen deledu boblogaidd Stella.

• Faint o amser mae’n ei gymryd i fynd o orsaf Ynys y Barri i faes awyr Caerdydd?

  • Mae’r daith bedair milltir yn cymryd tua 11 munud.

• Faint o amser mae’n ei gymryd i gerdded o orsaf Ynys y Barri i ganol tref y Barri?

  • Gan ddilyn Ffordd y Mileniwm, mae’r daith gerdded oddeutu 15 munud o’r orsaf i ganol tref Ynys y Barri.

• Pa gyfleusterau parcio ceir sydd ar gael yng ngorsaf Ynys y Barri?

  • Nid oes lle i barcio ceir yn yr orsaf.

• Pa gyfleusterau sydd ar gael i storio beiciau yng ngorsaf Ynys y Barri?

  • Nid oes cyfleusterau storio beic yng ngorsaf Ynys y Barri.

• Pa gyfleusterau eraill sydd ar gael yng ngorsaf Ynys y Barri?

  • Mynediad i bobl anabl – does dim grisiau yn yr orsaf, mae dolenni sain a rampiau ar gael.

• Pa gyrchfannau poblogaidd y gallwch eu cyrraedd o orsaf Ynys y Barri?

  • Gorsaf Ynys y Barri i Gaerdydd Canolog
  • Ynys y Barri i Bontypridd