Yn barod i gychwyn eich gyrfa?
Ymunwch â’n cynllun Llwybrau i Waith
Ydych chi rhwng 18 - 25 oed, yn byw ym Butetown neu Grangetown ac wedi profi rhwystrau i waith?
Rydym wedi partneru â United 2 Change, Citizens Cymru a Heddlu De Cymru i greu Llwybrau i Waith. Gallai fod yn gyfle i chi adeiladu gyrfa werth chweil gyda Trafnidiaeth Cymru.
P’un a ydych chi’n ymddiddori mewn gwasanaeth cwsmeriaid, gweithrediadau trafnidiaeth neu arloesi digidol, byddwn yn eich hyfforddi ar gyfer ystod eang o yrfaoedd. Byddwch yn cael profiad gwaith gwerthfawr, dysgu wrth y gwaith ac ennill sgiliau ar gyfer eich dyfodol. Bydd ein cydweithwyr profiadol a chyfeillgar yno i’ch helpu.
Does dim angen cymwysterau na phrofiad. Rydym yn chwilio am botensial, talent gudd a chymhelliant.
Rydym yn archwilio mwy o ffyrdd y gallwn ddefnyddio Llwybrau i Waith i fanteisio i bobl a chymunedau ledled Cymru.
Beth sydd ynddo i mi?
- Lleoliad â thâl am 20 wythnos (cyflog byw go iawn)
- Dau ddiwrnod yr wythnos - hyblyg a rheoladwy
- Dim profiad na chymwysterau eu hangen
- Hyfforddiant ymarferol mewn meysydd gyrfa cyffrous
- Mentoriaid cefnogol i’ch helpu i dyfu a dysgu
- Adeiladu eich sgiliau a’ch gwybodaeth
- Adeiladu eich hyder
- Cynyddu eich cyflogadwyedd
- Cyfleoedd i wneud cais am swyddi a phrentisiaethau
- Cyfle i ymuno â’n cronfa dalent ar gyfer swyddi yn y dyfodol
Beth mae eraill wedi’i ddweud?
Adborth gan bobl ifanc sydd wedi cymryd rhan mewn cynlluniau tebyg rydym wedi’u rhedeg oedd ei fod wedi rhoi mewnwelediad gwych iddynt i yrfaoedd gyda ni. Dywedasant fod y gefnogaeth a’r arweiniad a gawsant gan y timau y buont yn gweithio gyda nhw wedi rhoi hyder a sgiliau iddynt a fyddai’n eu helpu i wneud cais am swyddi.
Rwy’n awyddus! Sut alla i gymryd rhan?
Mae dau ffordd i gysylltu.
- Cofrestrwch eich diddordeb drwy lenwi’r ffurflen isod.
- Os yw’n well gennych, gallwch anfon fideo yn ateb y cwestiynau isod atom drwy WhatsApp ar 07790 952 507 rhwng 11am a 8pm. Yn eich neged, bydd angen i chi ddweud wrthym:
- eich enw
- eich cyfeiriad e-bost
- bod y fideo ar gyfer cynllun Llwybrau i Waith
Dim ond gyda’n tîm recriwtio y bydd y fideo’n cael ei rannu a bydd yn cael ei ddileu unwaith y byddwn wedi gorffen edrych ar gofrestriadau o ddiddordeb. Gallwch ddarllen ein hysbysiad preifatrwydd am fwy o wybodaeth.
Rydym yn disgwyl i’r cynllun hwn fod yn boblogaidd iawn, felly cofrestrwch eich diddordeb cyn gynted â phosibl i osgoi siom.
Y dyddiad cau ar gyfer cofrestriadau o ddiddordeb yw 10 Ebrill 2026. Sylwch, rydym yn cadw’r hawl i gau’r cyfle hwn yn gynnar os byddwn yn derbyn digon o ddiddordeb.
Cwestiynau cyffredin
1. Pam mae’r cynllun ar gyfer pobl sy’n byw ym Mae Caerdydd a Grangetown yn unig?
Mae cyllid grant wedi’i sicrhau i gefnogi cymunedau Bae Caerdydd a Grangetown. Bydd Trafnidiaeth Cymru yn ariannu’r cynllun yn rhannol ac yn gweithio mewn partneriaeth ag eraill i sicrhau cyllid ychwanegol. Gyda’n gilydd, rydym yn anelu at gynnig cyfleoedd ystyrlon i gymunedau sydd heb gynrychiolaeth ddigonol ledled Cymru.
2. Pa gyfleoedd sydd ar gael?
Mae gennym dair lle ar gael ar y cynllun.
Mae amrywiaeth o gyfleoedd ar gael gyda ni, gan gynnwys rolau mewn seilwaith, cyllid, AD, bwyd a diod ar fwrdd, glanhau a gwasanaeth cwsmeriaid.
Edrychwch ar ein gwefan i ddarganfod mwy.
3. . Pa fath o hyfforddiant fyddwn i’n ei gael?
Byddwch yn cael hyfforddiant wrth y gwaith a phrofiad gwaith go iawn - ynghyd â rhywfaint o hyfforddiant ychwanegol sy’n benodol i’r swydd os yw eich lleoliad yn cynnwys gweithio’n uniongyrchol gyda chwsmeriaid. Sylwch, am resymau diogelwch, nid yw’r cyfle hwn ar gael ar gyfer rolau sy’n hanfodol o ran diogelwch fel gyrrwr trên neu gynorthwyydd.
4. Pa brofiad sydd ei angen arnaf?
Does dim angen profiad. Yr unig beth sydd ei angen yw egni, brwdfrydedd dros y diwydiant trafnidiaeth a gwir ddiddordeb yn yr hyn rydym yn ei wneud i gwsmeriaid ledled Cymru a’r Gororau. Os ydych yn awyddus i ddysgu ac yn barod i dyfu, rydym am glywed gennych!
5. Pa mor hir yw’r cynllun?
Bydd y cynllun yn rhedeg am 20 wythnos.
6. Faint o ddiwrnodau’r wythnos fyddwn i’n gweithio?
Byddwch yn gweithio dau ddiwrnod yr wythnos.
7. Oes hyblygrwydd o ran pa ddiwrnodau y gallwn i weithio?
Oes. Rydym yn ymwybodol efallai bod gennych rwymedigaethau eraill. Byddwn yn gweithio gyda chi i ddod o hyd i’r diwrnodau mwyaf addas.
8. Beth fyddai fy oriau gwaith?
Byddwch yn gweithio pum awr y dydd rhwng 8am a 5pm. Byddwn yn gweithio gyda chi i ddod o hyd i’r amseroedd mwyaf addas.
9. Ble fyddwn i’n gweithio?
Yng Nghaerdydd neu Bontypridd.
10. A fydd fy nghostau teithio’n cael eu talu?
Bydd. Byddwn yn rhoi llythyr i chi sy’n gweithredu fel tocyn dros dro ar gyfer teithio am ddim ar ein gwasanaethau i fynd i’r gwaith ac oddi yno.
