Metro ‘amdani' gyda Rhwydwaith Gogledd Cymru
Mae Gogledd Cymru yn rhanbarth trawsffiniol ffyniannus gyda photensial economaidd enfawr y gellir ei ddatgloi gyda gwell trafnidiaeth.
Rydym wedi lansio Rhwydwaith Gogledd Cymru, gweledigaeth lle mae gwerth biliynau o bunnoedd yn cael ei fuddsoddi ar gyfer rhwydwaith trafnidiaeth integredig, gyda theithiau rheolaidd ar gyfer y rhanbarth. Bydd yn rhwydwaith gyda gwell cysylltiadau, yn fwy hygyrch ac yn llawn cyfleoedd.
Mae Rhwydwaith Gogledd Cymru yn gynllun uchelgeisiol, hirdymor, gyda Metro wrth ei wraidd. Mae'n cynnwys trydaneiddio Prif Linell Gogledd Cymru, gwasanaethau amlach a gwell cysylltiad rhwng Gogledd Cymru a Llundain, Glannau Mersi, Swydd Caer a Gogledd Lloegr.
Bydd yn cysylltu pobl a chymunedau yng Ngogledd Cymru a'r rhanbarthau cyfagos â swyddi, cyfleoedd, hamddena ac ansawdd bywyd gwell. Bydd yn helpu busnesau i ffynnu, gan drawsnewid rhagolygon economaidd y rhanbarth.
Mae Rhwydwaith Gogledd Cymru yn rhan o'r Rhwydwaith T, rhwydwaith amlfodd o drenau, bysiau, cerdded, olwynio a beicio yr ydym yn eu hadeiladu ledled Cymru.
Pa newidiadau fydd Gogledd Cymru yn eu gweld?
- Trenau amlach.
- Cysylltiadau rheilffordd newydd rhwng Gogledd Cymru a Lerpwl.
- Llwybrau bysiau newydd
- Trydaneiddio trenau a bysiau - lleihau allyriadau carbon.
- Gorsafoedd trenau newydd a mwy hygyrch.
- Systemau tocynnau haws eu defnyddio.
- Cyflwyno talu wrth fynd - gwneud teithio ar y trên yn brofiad mwy esmwyth.
Beth yw'r weledigaeth?
Yn y chwe mis nesaf, byddwn yn
- Parhau i gyflwyno trenau newydd sbon fel rhan o'n buddsoddiad o £800 miliwn, gyda dros 87% o deithiau yn cael eu gwneud ar drenau newydd sbon yng Ngogledd Cymru.
- Ailenwi Lein y Gororau yn Lein Wrecsam-Lerpwl ac ail-frandio ei threnau, gan adlewyrchu'n well ei chysylltiad â'r cymunedau y mae'n ei gwasanaethu a'n huchelgais i gysylltu'n well â Lerpwl.
Yn y flwyddyn nesaf, byddwn
- Dyblu amlder trenau rhwng Wrecsam a Chaer.
- Uwchraddio ein gorsafoedd rheilffordd ar Lein Wrecsam-Lerpwl.
- Cynyddu ein gwasanaethau ar Brif Linell Gogledd Cymru 50%.
- Cyflwyno gwasanaethau bysiau newydd i wella mynediad at swyddi yn Wrecsam a Glannau Dyfrdwy.
- Lansio trenau uniongyrchol rhwng Llandudno a Lerpwl.
- Dechrau cyflwyno system talu wrth fynd ar wasanaethau trenau yng Ngogledd Cymru.
- Dechrau gwasanaeth bws T13 rhwng y Rhyl a Wrecsam drwy Rhuthun a Dinbych.
- Ychwanegu brandio Metro a Rhwydwaith Gogledd Cymru ar drenau, bysiau a gorsafoedd i wneud y rhwydwaith yn haws ei deall.
Yn y tair blynedd nesaf, byddwn
- Yn gwneud uwchraddiadau yn Padeswood i greu mwy o le i gludo nwyddau a theithwyr.
- Dechrau rhedeg dau drên yr awr rhwng Wrecsam a Lerpwl.
- Gwella diogelwch a'r mynediad i orsaf Bwcle.
Yn y pum mlynedd nesaf, byddwn
- Darparu mwy o drenau newydd ac adeiladu gorsafoedd newydd.
- Gwella cysylltiadau trên gyda Maes Awyr Manceinion.
- Cael amserlen reilffordd gyson ar gyfer Prif Lein Gogledd Cymru.
- Uwchraddio signalau yn Gobowen i gynyddu capasiti ar Lein y Gororau.
Erbyn 2035, byddwn wedi
- Trydaneiddio Prif Lein Gogledd Cymru.
- Creu mwy o le ar blatfform gorsaf drenau Caer.
- Rhedeg pedwar trên yr awr rhwng Wrecsam a Lerpwl.
- Cynyddu ein gwasanaethau ar Brif Lein Gogledd Cymru 50%.
- Gwella hygyrchedd yn sylweddol mewn gorsafoedd, gan gynnwys mynediad gwastad.
Y tu hwnt i 2035, byddwn yn
- Cyflwyno gwasanaethau ar ffurf Metro i orsafoedd i gyfeiriad y de o Wrecsam i Gobowen.
- Gwella amseroedd teithio rhwng Gogledd a De Cymru.
- Adeiladu gorsafoedd newydd i'r gogledd a'r de o Wrecsam, gan gynnwys Parcffordd yr A55.
- Trydaneiddio ac ail-osod signalau ar hyd Lein y Gororau.
- Gwella cysylltiadau Northern Line rhwng Wrecsam a Leeds.
