Rheilffyrdd TrC Cyfyngedig Cofnodion y Bwrdd - 19 Awst 2022

19 Awst 2022

09:00 - 13:00

Lleoliad: Llys Cadwyn

James Price (Cadeirydd), Heather Clash, Jan Chaudhry, Alexia Course a Peter Strachan.

Hefyd yn bresennol: Jeremy Morgan a David O’Leary.

Croesawodd y Cadeirydd bawb i’r cyfarfod.

Marie Daly

Gan fod cworwm yn bresennol, agorodd y Cadeirydd y cyfarfod drwy groesawu pawb yno.

Dim wedi’i ddatgan.

Ychydig iawn mae staff wedi defnyddio’r camerâu corff. Bydd ymgyrch ‘tawelu meddwl’ yn dechrau cyn bo hir gan bwysleisio nad yw’r camerâu’n cael eu defnyddio i fonitro staff ac mai dim ond i gefnogi erlyniadau y bydd y deunydd yn cael ei ddefnyddio. Mae harneisiau personol yn cael eu darparu ochr yn ochr ag ymgyrch chwalu mythau.

Cafodd y Bwrdd yr wybodaeth ddiweddaraf am newidiadau i’r cynllun Rheoli Refeniw a Phrynu Tocynnau Advance ar y Diwrnod (APOD) gan gynnwys adfer dulliau rheoli refeniw deinamig a bod POD ar gael hyd at bum munud cyn i gwsmeriaid gychwyn.

Derbyniwyd cofnodion cyfarfod Bwrdd Rheilffyrdd TrC ar 22 Gorffennaf 2022 fel cofnod gwir a chywir. Nodwyd y Log Camau Gweithredu.

Hysbyswyd y Bwrdd bod penodi Cyfarwyddwr Llwybrau dros dro ar gyfer Network Rail Cymru wedi rhoi cyfle i ddatblygu dull newydd o wella perfformiad trenau ar draws y system gyfan. Cytunwyd ar y dull newydd rhwng TrC, Network Rail Cymru ac AIW ddiwedd mis Gorffennaf, ac mae’n canolbwyntio ar ddatblygu Strategaeth Perfformiad.

Rhoddwyd gwybod i’r Bwrdd hefyd am ddatblygiad y cynllun perfformiad ‘personol cwmnïau trenau eraill’ sy’n seiliedig ar bum egwyddor sylfaenol: (1) sicrhau bod y cynllun trenau yn gadarn, gan daro’r man perffaith rhwng bod yn uchelgeisiol a bod yn wydn; (2) sicrhau bod digon o gerbydau rheilffyrdd y gellir eu defnyddio i gyflawni’r cynllun trenau; (3) sicrhau bod digon o griw trenau i gyflawni’r cynllun trenau; (4) gwneud y gorau o gapasiti i leihau gorlenwi rhagweladwy; a (5) rheoli ymddygiad gwrthgymdeithasol, tresmasu a ffactorau allanol eraill.

Trafododd y Bwrdd y cerbydau sydd ar gael, yn enwedig unedau 175 a cherbydau MKIV gan ofyn TYNNWYD.

Rhoddwyd sicrwydd i’r Bwrdd fod y sefyllfa gyda hyfforddiant gyrwyr a goruchwylwyr yn parhau i wella yn unol â’r cynllun adnoddau tymor hir, ond bod cael gyrwyr ar y Sul yn dal yn broblem sylweddol TYNNWYD.

Mae’r cynllun optimeiddio capasiti yn parhau i weithredu yn ystod yr haf gan gryfhau, lle bo’n bosibl, y defnydd o fysiau wrth gefn sydd wedi’u lleoli’n strategol, a mesurau lliniaru i gwsmeriaid drwy gynllun deg pwynt i gwsmeriaid. Nododd y Bwrdd fod y rhan fwyaf o gyfnodau brig y gorlenwi yn cael eu hachosi gan streiciau gyrwyr mewn cwmnïau trenau eraill a phrinder criwiau trenau yn y cwmnïau hynny ar ddiwrnodau heb fod yn ddiwrnodau streic.

Nododd y Bwrdd hefyd fod cynlluniau i fynd i’r afael ag ymddygiad gwrthgymdeithasol, pobl ifanc yn ymgynnull, a mathau eraill o niwsans ar y rheilffyrdd yn parhau i leihau’r achosion sy’n cael eu cofnodi, yn enwedig yn y mannau problemus hysbys yng Nghymoedd Caerdydd. Fodd bynnag, mae’r problemau hyn yn dal i achosi oedi.

Effeithiwyd ar y cyfnod gan dywydd poeth gyda rhybudd coch gwres eithriadol gan y Swyddfa Dywydd ar gyfer 18 a 19 Gorffennaf. Rhoddwyd cyfyngiadau cyflymder ac fe gafodd hyn effaith andwyol ar berfformiad trenau, gyda’r gwasanaeth ar ei wannaf yn ystod y diwrnodau poethaf. Gofynnodd y Bwrdd am wybodaeth am unrhyw effaith bosibl gwres eithafol ar yr unedau newydd [Gweithredu Alexia Course]. 

Nododd y Bwrdd fod lefelau teithio heb docyn wedi cynyddu, a gofynnodd a oes modd gwneud mwy am hyn. Hysbyswyd y Bwrdd bod Strategaeth Diogelu Refeniw yn cael ei datblygu, ac nad oedd yn ymddangos bod unrhyw resymau penodol dros y cynnydd. Cytunodd y Bwrdd y byddai’r Arolwg Teithio heb Docyn yn fesur gwell, a bod perygl nad yw’r ffigurau’n dangos y sefyllfa gyfan ar hyn o bryd. Nododd y Bwrdd hefyd y gallai datblygu system Talu-WrthDeithio gynnig gwell cyfleoedd i bobl allu talu’n haws.

Nododd y Bwrdd gynnwys yr Adroddiad Sicrhau Diogelwch.

Nodwyd yr adroddiad.

TYNNWYD

TYNNWYD

Gadawodd Andy Quinton y cyfarfod.

TYNNWYD

TYNNWYD

Diolchodd y Cadeirydd i bawb a oedd yn bresennol am eu cyfraniadau.