Rheilffyrdd TrC Cyfyngedig Cofnodion y Bwrdd - 26 Mai 2023

26 Mai 2023

09:30 -13:00

Lleoliad: Ar-lein

Peter Strachan (Cadeirydd), James Price, Heather Clash, Marie Daly, ac Alexia Course.

Hefyd yn bresennol: Ross Whiting (Ysg).

Croesawodd y Cadeirydd bawb i’r cyfarfod.

Anfonodd Jan Chaudhry Van der Velde ei ymddiheuriadau.

Gan fod cworwm yn bresennol, croesawodd y Cadeirydd bawb i’r cyfarfod a datgan bod y cyfarfod yn agored.

Dim wedi’i ddatgan.

Cymeradwywyd cofnodion y cyfarfod ar 28 Ebrill 2023 fel cofnod gwir a chywir. Nodwyd y Log Camau Gweithredu diweddaraf.

Nododd y Bwrdd y wybodaeth am ddiogelwch yn y papurau ynghylch Canolfan Rheoli Gwybodaeth Llinellau Craidd y Cymoedd. Ystyriodd yr aelodau y ffin rhwng gweithgareddau a chyfrifoldebau o safbwynt rheoli diogelwch, cynllunio senarios diogelwch a sicrhau bod gwersi’n cael eu dysgu o ymarferion.

Nododd y Bwrdd gyflwyniad ar wella gorsafoedd yn y papurau cyfarfod. Cytunodd yr aelodau y dylid cynnal cyfarfod Tîm Arwain Gweithredol yn Nhŷ San Padrig yn y dyfodol gydag ymweliad safle â Gorsaf Caerdydd Canolog i weld ac ystyried y cynlluniau diweddaraf [Cam Gweithredu - Ysg].

Cafodd y Bwrdd gyflwyniad diweddaru ar ran y Prif Swyddog Gweithrediadau fel y’i cynhwysir ym mhapurau’r cyfarfod a oedd yn nodi, fel gyda chyfnodau blaenorol, mai cerbydau oedd y mater pwysicaf o hyd yng nghyswllt y rhaglen drawsnewid. Hysbyswyd y Bwrdd bod y sefyllfa o ran criwiau trenau yn gryf.

TYNNWYD

Ymunodd Leyton Powell â’r cyfarfod.

Nododd y Bwrdd yr adroddiad sicrhau diogelwch. Tynnwyd sylw’r aelodau at y risgiau sy’n gysylltiedig ag ailagor llinell Aberdâr a Swyddfa’r Rheilffyrdd a’r Ffyrdd, defnyddio camerâu corff, yr adolygiad diogelwch, dysgu o ddigwyddiadau thermol CAF 180 mewn mannau eraill, TYNNWYD.

Hefyd cafodd yr aelodau y wybodaeth ddiweddaraf am yr adborth drafft ar ddigwyddiadau i gwsmeriaid RSSB, a nodwyd bod yr adroddiad llawn yn cael ei adolygu.

Nododd y Bwrdd yr adroddiad a chytunodd y byddai trafodaeth yn cael ei chynnal i benderfynu sut i sicrhau bod Bwrdd TrC a Bwrdd Rheilffyrdd TrC yn cael golwg ar adroddiadau risg ac yn cyfrannu at yr adroddiadau hynny, yn ogystal ag unrhyw broses uwchgyfeirio angenrheidiol [Cam Gweithredu - JP/LP].

Nododd y Bwrdd yr adroddiad dangosydd perfformiad allweddol.

Gadawodd Leyton Powell y cyfarfod.

Ymunodd Stephanie Raymond â’r cyfarfod.

TYNNWYD

Cytunodd y Bwrdd y byddai papur yn cael ei gyflwyno yng nghyfarfod mis Mehefin Bwrdd Rheilffyrdd TrC, sy’n rhoi manylion cynllun ar gyfer sicrhau bod tocynnau’n cael eu sganio i ddiogelu refeniw, a sut bydd gwelliannau’n cael eu gwneud i sicrhau bod y targed o 80% yn cael ei gyrraedd cyn gynted â phosibl [Cam Gweithredu - AC].

Cafodd y Bwrdd gyflwyniad cryno ar y papurau yn y pecyn cyfarfod, gan gynnwys y prif heriau i fod yn ymwybodol ohonynt a’r gwaith sy’n cael ei wneud i sicrhau cynllunio drwy gydol y flwyddyn ar wariant cyfalaf, effaith bosibl gweithredu diwydiannol sydd ar y gweill, a’r gwaith sy’n cael ei wneud ar y gyllideb ar gyfer y flwyddyn ariannol nesaf mewn cysylltiad â’r llythyr cyllido. Cytunwyd y byddai’r gyllideb hon yn dod i Fwrdd Rheilffyrdd TrC cyn ei chyflwyno, ond efallai y bydd angen gwneud penderfyniad drwy ohebiaeth os bydd amserlenni’n gofyn am hyn.

Ystyriodd a nododd y Bwrdd dystysgrif archwilio Swyddfa’r Rheilffyrdd a’r Ffyrdd ar gyfer Rheilffyrdd TrC, a bydd yn cael ei llofnodi gan Heather Clash.

Gadawodd Stephanie Raymond y cyfarfod.

Ymunodd Nick Millington â’r cyfarfod.

Derbyniodd y Bwrdd ddiweddariad ar berfformiad Network Rail fel y’i cynhwysir ym mhapurau’r cyfarfod. Croesawodd yr aelodau’r cyflwyniad a’r dull gweithredu, gan gynnwys yr angen i ddatblygu cyfle ar gyfer herio’r naill barti a’r llall rhwng Rheilffyrdd TrC a Network Rail.

Cytunodd y Bwrdd y dylai Nick Millington ei wneud yn ymwybodol o unrhyw gyfleoedd i wella, ac y byddai cyfarfod yn cael ei gynnal i drafod a datblygu’r hyn y gellid gweithredu arno [Cam Gweithredu - JP, JCVDV, NM], gwahoddiadau pellach i Nick Millington fynychu cyfarfodydd Bwrdd Rheilffyrdd TrC a gweithgareddau ar y cyd fel mesurau ac arolygon cwsmeriaid.

Ystyriwyd y wybodaeth darged wedi’i chynnwys yn y pecynnau ar gyfer TrC a Network Rail, a sut gellid annog partneriaid eraill i wneud yr un fath, newidiadau staff a allai gael effaith gadarnhaol ar foderneiddio gwaith cynnal a chadw, a newidiadau CP7 y tu hwnt i reolaeth leol a allai effeithio ar berfformiad.

Gadawodd Nick Millington, James Price ac Alexia Course y cyfarfod.

Nodwyd nad oedd cworwm gan y Bwrdd mwyach, ond nad oedd angen penderfynu ar unrhyw eitemau eraill.

TYNNWYD

Dim eitemau pellach.

Daeth y cyfarfod i ben a diolchodd y Cadeirydd i bawb am eu cyfraniadau.