Trafnidiaeth Cymru Cofnodion Cyfarfod y Bwrdd - 17 Mehefin 2021

17 Mehefin 2021

10:00 - 16:30

 

 

Scott Waddington (Cadeirydd); Alun Bowen; Heather Clash; Vernon Everitt; Sarah Howells; Alison Noon-Jones; a James Price.

Hefyd yn bresennol: Natalie Feeley (eitemau 1-3); Leyton Powell (eitem 2c); a Jeremy Morgan. Sesiwn y diweddariad gweithredol (Rhan B): Geoff Ogden; David O’Leary; Lewis Brencher; Lisa Yates; Lee Robinson; Alexia Course; Karl Gilmore; a Dave Williams.

Croesawodd y Cadeirydd bawb i’r cyfarfod. 

 

1a. Ymddiheuriadau am Absenoldeb

Anfonodd Nicola Kemmery ei hymddiheuriadau.

 

1b. Hysbysiad Cworwm

Gan fod cworwm yn bresennol, estynnodd y Cadeirydd groeso i bawb i’r cyfarfod a chyhoeddodd fod y cyfarfod wedi dechrau.

 

1c. Datganiadau o Fuddiant

Ni chafwyd unrhyw ddatganiadau.

 

1d. Cofnodion a Chamau Gweithredu’r Cyfarfod Blaenorol

Cymeradwywyd cofnodion cyfarfod Bwrdd TrC dyddiedig 20 Mai 2021 fel cofnod gwir a chywir.

Nodwyd y log camau gweithredu, gyda nifer o eitemau i'w trafod yn ystod y cyfarfod.

 

2a. Amser i ddiogelwch

Gan fod asedau'n dechrau cael eu defnyddio'n helaeth eto, mae'n anochel y bydd rhywfaint o ddiraddiad sydd angen ei fonitro.

 

2b. Amser i gwsmeriaid 

Roedd teithiwr sydd fel arfer yn defnyddio'r car i deithio i Gaerdydd yn defnyddio'r trên yn lle hynny ac wedi rhoi adborth cadarnhaol ar lendid, gofod a’r gallu i barcio. Dywedodd y byddai'n defnyddio'r gwasanaeth eto heb os.

 

2c. Perfformiad o ran diogelwch

Ymunodd Leyton Powell â’r cyfarfod. Mae papur cyfarfod wyneb yn wyneb canolraddol ar gyfer ardaloedd rheoledig fel Llys Cadwyn wrthi'n cael ei ddatblygu.

Clywodd y Bwrdd y wybodaeth ddiweddaraf am berfformiad iechyd a diogelwch Trenau TrC dros y cyfnod diwethaf. Roedd un farwolaeth, dim digwyddiadau adroddadwy RIDDOR, un SPAD a dim digwyddiadau afreoleidd-dra. Fodd bynnag, adroddwyd am nifer o ymosodiadau corfforol ar staff, gydag achosion wedi dyblu o'r cyfnod blaenorol - yn bennaf oherwydd mwy o deithwyr, agor yr economi nos ac ymddygiad sy'n gysylltiedig ag alcohol. Mae hyn wedi achosi cynnydd yn y mynegai pwysoliad marwolaethau, ond mae'n parhau o fewn y ffigurau a ragwelwyd. Mae digwyddiadau'r gweithlu wedi cynyddu ond yn fach eu natur.  Trafododd y Bwrdd y cynnydd mewn ymosodiadau corfforol ac a oes modd gwneud mwy gyda'r Heddlu Trafnidiaeth Prydeinig i dynnu sylw at erlyniadau llwyddiannus fel rhwystr i ymddygiad gwael, fel y gwneir gan Heddlu De Cymru [Cam gweithredu: LP].

Roedd un achos o daro cebl segur yn ystod y cyfnod. Mae'r digwyddiad yn destun ymchwiliad, sawl bwletin wedi'u cyhoeddi a fforymau wedi cynnal.

Mae achosion o dresmasu yn cael eu hadolygu gyda'r set gyntaf o ddata ar gael. Mae adroddiadau 'mannau problemus' Llinellau Craidd y Cymoedd ar fin dechrau a fydd yn cynnwys camddefnyddio croesfannau rheilffordd.

 

3a. Adroddiad y Prif Swyddog Gweithredol

Yn gyffredinol, roedd y mis diwethaf yn brysur, ond mewn ffordd fwy cadarnhaol wrth setlo lawr i weithgareddau busnes fel arfer. Mae'r angen i gynllunio a gweithredu mewn ffordd aml-ddull effeithlon yn parhau ac mae gwir angen cyfuno anghenion cwsmeriaid yn y dyfodol a'r data sydd ar gynlluniau datblygu awdurdodau lleol, amserlenni bysiau a'r elfennau eraill sydd eu hangen i gyflwyno rhwydwaith drafnidiaeth aml-ddull o'r iawn ryw.

Mae'r uwch dîm yn parhau i weithio'n dda gyda'i gilydd mewn cyfnod o bwysau, ac mae angen diolch iddynt.

Mae angen parhaus i sicrhau'r cydbwysedd cywir rhwng cyflawni nawr ac at y dyfodol.

TYNNWYD

Cynhaliwyd trafodaethau gyda Network Rail yn rhanbarthol ac yn genedlaethol am Adolygiad Williams a'r effaith ar TrC. Penderfynwyd nad oes diddordeb mewn effeithio ar frand neu gynlluniau TrC, a bod gan Network Rail ddiddordeb yn sut mae'r cledrau a gwasanaethau wedi'u dwyn ynghyd yma yng Nghymru. Mae'r staff wedi cael eu briffio ar yr adolygiad, gan nodi nad yw'n debygol o gael unrhyw effaith sylweddol ar TrC.

TYNNWYD

Trafododd y Bwrdd berchnogaeth a chyflawni 'materion anodd' er mwyn sicrhau mwy o eglurder a gwaith mwy cydlynus. Roedd y Bwrdd yn cytuno ei bod hi'n bwysig cyflwyno'r materion hyn i'r fforwm er mwyn cael cyngor a thrin a thrafod rhinweddau amcanion ar y cyd rhwng cyfarwyddiaethau.

 

3b. Cyllid

Diweddarwyd y Bwrdd ar weithgareddau cyllid allweddol dros y cyfnod diwethaf:

• Bydd yr Adroddiad Blynyddol a'r datganiadau Ariannol yn cael eu cyhoeddi ddiwedd mis Gorffennaf.
• Mae gwaith ar droed i gael dealltwriaeth ddyfnach o TrC Trenau o safbwynt sbardunau a chostau allweddol.
• Bydd cyllid bysiau yn debygol o gael ei ryddhau ac mae'n rhan o'r llythyr ariannu sydd ar y gweill gan Lywodraeth Cymru.
• Bydd grantiau cyntaf Teithio Llesol yn cael eu talu ym mis Gorffennaf, yn ogystal â thaliadau i Traws Cymru.
• Mae Dangosyddion Perfformiad Allweddol corfforaethol yn dal i gael eu datblygu a thrafodaethau'n parhau gyda Llywodraeth Cymru.
• Mae'r gwaith o brisio Llinellau Craidd y Cymoedd fel rhan o archwiliad allanol wedi'i gwblhau.

Nododd y Bwrdd y cyfrifon rheoli ar gyfer mis Mai 2021, a thrafodwyd y rhesymau dros y tanwariant a oedd yn ganlyniad i fwy o refeniw teithwyr, cyflwyno costau'n raddol a thanwariant prosiect yn erbyn y gyllideb refeniw; a chostau cynnal a chadw a thrawsnewid Llinellau Craidd y Cymoedd yn erbyn y gyllideb gyfalaf.

TYNNWYD

Hefyd, cafodd y Bwrdd y wybodaeth ddiweddaraf am risgiau a chyfleoedd a llythyr cysur drafft gan Lywodraeth Cymru.

Cafodd y Datganiadau Ariannol ar gyfer y flwyddyn a ddaeth i ben ar 31 Mawrth 2021 eu cyflwyno i'r Pwyllgor Risg ac Archwilio ar 11 Mehefin. Cytunwyd i roi awdurdod dirprwyedig i James Price a Heather Clash gymeradwyo unrhyw newidiadau terfynol ansylweddol i'r Adroddiad Blynyddol a'r Datganiadau Ariannol cyn eu cyhoeddi.

Fe wnaeth y Bwrdd adolygu a chymeradwyo matrics Dirprwyon diwygiedig a oedd yn cynnwys sawl newid o ran is-strwythurau a bancio, lefelau cymeradwyo uwch, eitemau'n ymwneud â phenodiadau Prif Swyddog Gweithredol ac NED a chynnwys y Pwyllgor Prosiectau Newid Mawr.

 

3c. Diweddariadau'r is-bwyllgorau

Nododd y Bwrdd ddiweddariadau gan y pwyllgorau Cwsmeriaid a Chyfathrebu a Phobl. Mae is-grŵp o'r Pwyllgor Pobl wedi'i sefydlu i adolygu cynigion cyflog.

Bu'r Bwrdd yn ystyried a chymeradwywyd argymhelliad y Pwyllgor Archwilio a Risg bod: 

• James Price a Heather Clash yn llofnodi llythyr cynrychiolaeth i KPMG;
• James Price yn llofnodi'r datganiadau ariannol ar ran y Bwrdd.

Mynegodd y Bwrdd ei ddiolch i'r tîm am baratoi'r cyfrifon.

 

3d. Bwrdd Llywio TrC

Roedd cyfarfod diwethaf y Bwrdd Llywio yn cynnwys trafodaethau ar gyllid (yn enwedig cyllid cyfalaf), Erthyglau Cymdeithasu TrC, GB Rail, y wybodaeth ddiweddaraf am raglen FIT, gwasanaethau Blaenau'r Cymoedd, a nodyn drafft gan Lywodraeth Cymru ar gontractau dros dro.

 

4. Sesiwn gyfrinachol Adnoddau Dynol

Gweler cofnod ar wahân.

 

5. Unrhyw fater arall

Dim.

 

Ymunodd Lewis Brencher, Leyton Powell, Alexia Course, Karl Gilmore, Lisa Yates, David O'Leary, Dave Williams a Geoff Ogden â'r cyfarfod.

 

6a. Cadw pellter cymdeithasol

TYNNWYD

Cytunodd y Bwrdd y byddai Cadeirydd y Pwyllgor Archwilio a Risg yn ysgrifennu at Lywodraeth Cymru yn nodi safbwynt TrC, nad yw'r rheoliadau presennol yn ymarferol ac y dylai pobl gymryd cyfrifoldeb personol am ddefnyddio gwasanaethau TrC [Gweithredu LB, AB].

 

6b. Cofrestr risg 

Mae risgiau trenau wrthi'n cael eu trosglwyddo i System Rheoli Risg TrC. Mae'r gwaith o lwytho cronfa ddata ARM o sawl cofrestr risg ar wahân ar draws y busnes bron wedi'i gwblhau, ac mae proses glanhau data ar y gweill ar gyfer mis Gorffennaf/Awst. Ar hyn o bryd, mae 735 o risgiau / materion agored ar draws pob lefel yn ARM, tri wedi'u sgorio'n Uchel Iawn ac yn cael eu hystyried yn "risgiau lefel Bwrdd”. Yn ystod y cyfnod, treuliwyd cryn amser yn dadansoddi'r data meintiol ar gyfer rhaglen Llinellau Craidd y Cymoedd er mwyn helpu i gwblhau Carreg Filltir 9. Ar ôl i Garreg Filltir 9 ddod i ben yn llwyddiannus, bwriedir i'r gwaith fireinio'r allbynnau risg misol.

Trafododd y Bwrdd gamau lliniaru risgiau sy'n ymwneud ag adennill cyllid yr UE, argaeledd cyllid gan Lywodraeth Cymru ar gyfer 2021-22, ac oedi cyn cyflawni cynllun Trawsnewid Llinellau Craidd y Cymoedd yn sgil COVID-19.

 

6c. Diweddariad ar Linellau Craidd y Cymoedd

Cyflwynwyd Carreg Filltir 9 ar 11 Mehefin a oedd yn cynnwys mwy na 400 o gyflawniadau. Mae dau gyflawniad wedi symud i garreg filltir ddiweddarach. Trafododd y Bwrdd rinweddau defnyddio iawndal penodedig ar gyfer cyflawni'n hwyr. Cytunwyd y dylid uwchgyfeirio materion yn ymwneud â thrydydd partïon sy'n achosi oedi.

Nodwyd yr Atodlen Contract Byw gan y Bwrdd.

 

6d. Cerrig milltir

Nododd y Bwrdd gynnydd yn erbyn cerrig milltir corfforaethol a rhaglenni. 

 

6e. Y wybodaeth ddiweddaraf am gyfathrebu

Nododd y Bwrdd y dangosfwrdd Cyfathrebu ac Ymgysylltu. Er bod mis Mai yn gadarnhaol ar y cyfan o safbwynt brand TrC, mae mwy o graffu o ganlyniad i nifer cynyddol o deithwyr a fydd yn effeithio ar ganfyddiadau o'r brand. Mae camau ar waith i ymateb i'r her hon o safbwynt cyfathrebu. Disgwylir mwy o graffu wrth i ddisgwyliadau cwsmeriaid ddechrau mynd yn fwy na'r hyn y gellir ei gyflawni o ganlyniad i bolisi'r llywodraeth a heriau'r gwasanaeth. Mae'r gwaith o baratoi ar gyfer galw cynyddol yn parhau, ond yn y cyfamser, mae'r pwyslais o hyd ar ymgysylltu â chynulleidfaoedd ac ymateb i'w hanghenion.

 

6f. Gwefan newydd

Ymunodd Alexander Skipwith a Derek Gannon â'r cyfarfod i gyflwyno gwefan newydd TrC. Bydd y wefan yn dwyn ynghyd wefannau TrC a TfW Rail ac yn cael ei ddiogelu at y dyfodol i gynnwys pob dull teithio. Pwysleisiodd y Bwrdd fod angen sicrhau bod pob dull yn cael ei drin yn gyfartal a'u bod yn fwyfwy amlwg ar y dudalen flaen. Teimlwyd bod y dyluniad presennol yn edrych fel cynnyrch rheilffordd.

 

6g. Diweddariad ar fysiau

Diweddarwyd y Bwrdd ar y datblygiadau diweddaraf ar draws BES, Dylunio a Datblygu Rhwydwaith, Dylunio a datblygu modelau gweithredu, cardiau a theithio rhatach, Traws Cymru a Fflecsi.

Mae gweithgorau partner bellach yn cyfarfod i drafod arian a chyllid, datblygu rhwydwaith, profiad teithwyr, partneriaethau masnachol a datgarboneiddio. Mae gan Lywodraeth Cymru strwythur ymgysylltu a llywodraethu bysiau sy'n cynnwys Grŵp Partneriaeth Bysiau sy'n goruchwylio Bwrdd Partneriaeth a Phwyllgor Llywio Bysiau Cenedlaethol.   

 

Diolchodd y Cadeirydd i bawb am fynychu'r cyfarfod a chyfrannu ato.