Trafnidiaeth Cymru Cofnodion Cyfarfod y Bwrdd - 19 Rhagfyr 2024

19 Rhagfyr 2024

09:00 - 16:00

Lleoliad - Llys Cadwyn a Teams

Scott Waddington (Cadeirydd), Alun Bowen, Heather Clash, Vernon Everitt, Louise Cheeseman, Rhian Langham, Vinay Parmar a James Price.

Jeremy Morgan, Sam Hadley (TrC), Peter McDonald (Llywodraeth Cymru) Andrew Morgan (CLlLC) ac Alan McCarthy (Unite).

Croesawyd pawb i’r cyfarfod gan y Cadeirydd.

Dim.

Gan fod cworwm yn bresennol, croesawodd y Cadeirydd bawb i’r cyfarfod a datgan bod y cyfarfod yn agored.

Mae Louise Cheesman yn Gyfarwyddwr Go Ahead.

Derbyniwyd cofnodion cyfarfod Bwrdd TrC ar 18 Tachwedd 2024 yn gofnod gwir a chywir. Nodwyd y Log Camau Gweithredu.

TYNNWYD

Nododd y Bwrdd fod y perfformiad ar y rhwydwaith yn gyson well ym mhob agwedd dros y blynyddoedd diwethaf ac adlewyrchir hyn yn ffigurau Transport Focus a gyhoeddwyd yr wythnos hon.

Ymunodd Jan Chaudhry Van der Velde a Dean Katchi â’r cyfarfod.

Derbyniodd a nododd y Bwrdd drosolwg o’r adroddiad Iechyd, Diogelwch a Chadernid a oedd wedi’i gynnwys yn y pecyn.

Cafodd y Bwrdd yr wybodaeth ddiweddaraf am y canlynol:

• PCynnydd gydag adroddiad panel ymchwilio Lefel 3 y diwydiant ar ddigwyddiad Talerddig. Hysbyswyd y Bwrdd bod yr adroddiad yn gytbwys o ran canfyddiadau cychwynnol. Nid yw'n debygol y bydd yr adroddiad terfynol yn cael ei gyhoeddi tan ddechrau 2026. TYNNWYD. Trafododd y Bwrdd asesiadau risg y diwydiant ar gwymp dail yn y lleoliad. Trafododd y
  Bwrdd hefyd safbwynt cydweithwyr yn dilyn y digwyddiad.
• Gwacau Gorsaf Caer yn ddiweddar oherwydd bygythiad diogelwch ffug.
• Cychwyn Ymgyrch Genesis, Ymgyrch Nadolig gyda Heddlu Trafnidiaeth Prydain yn cynnwys gwell presenoldeb diogelwch a phlismona ar draws y rhwydwaith o ganlyniad i fwyo ymwelwyr a mwyo deithio cysylltiedig ag economi yn ystod y nos.
• TYNNWYD
• Effaith digwyddiadau iechyd a lles a chael adborth. Trafododd y Bwrdd y cymhlethdodau sy'n ymwneud â mesur effaith a heriau sy'n gysylltiedig â defnyddio metrigau.
• Rhoddwyd gwybod am dri SPAD yn ystod y cyfnod rheilffordd diwethaf. Roedd dau yn risg isel gyda'r trydydd yn peri mwy o bryder ond roedd camau'n cael eu cymryd i fynd i'r afael â'r sefyllfa.

Gadawodd Dean Katchiy cyfarfod.

Ymunodd Josh Hopkins â'r cyfarfod.

Nododd y Bwrdd gynnwys yr adroddiad rheoli risg strategol.

Bydd adolygiad 'egwyddorion cyntaf' o ddull TrC o reoli risg yn dechrau yn y flwyddyn newydd drwy adolygiad ELT cychwynnol. Cytunwyd bod angen i'r dull fod yn fwy greddfol ar draws y sefydliad. Cytunwyd y dylai'r adolygiad gynnwys adolygiad o'r archwaeth risg corfforaethol [Cam gweithredu Jan Chaudhry Van-derVelde].

Cafodd y Bwrdd yr wybodaeth ddiweddaraf am archwiliadau dwfn i fasnachfreinio bysiau a chynlluniau ar gyfer gweithdy risg ar y model gweithredu posibl ar gyfer seilwaith yn y dyfodol. Mae'r risgiau sy'n gysylltiedig â thoriadau i gyflenwad pŵer a ffeibr TrC wedi cael eu lleihau. Cytunwyd i ychwanegu risgiau seiberddiogelwch [Cam Gweithredu Heather Clash] a thywydd eithafol [Cam Gweithredu Jan Chaudhry Van-de-Velde].

Gadawodd Jan Chaudhry Van der Velde a Josh Hopkins y cyfarfod.

Cafodd y Bwrdd drosolwg o adroddiad y Prif Swyddog Gweithredol:

• Er gwaethaf dwy storm sylweddol, cyflawnwyd targedau perfformiad yn ystod y cyfnod blaenorol ar gyfer Cymru a'r Gororau a Llinellau Craidd y Cymoedd. Roedd y newid i'r amserlen yr wythnos diwethaf wedi bod yn ddidrafferth a hyd yma, nid yw wedi effeithio ar berfformiad.
• Mae cynnydd da wedi cael ei wneud o ran gweithio gyda llywodraeth leol a Llywodraeth Cymru drwy gyfres o gyfarfodydd gydag arweinwyr awdurdodau lleol a Phrif Swyddogion ar gynllunio bysiau a thrafnidiaeth ranbarthol. Trafododd y Bwrdd yr angen i brif ffrydio gweithgareddau bysiau yn fewnol ac i ymgysylltu â phobl sydd â phrofiad gweithredol perthnasol yn ogystal â masnachfreinio. Mae angen rheoli'r newid sefydliadol cysylltiedig fel rhaglen arwyddocaol. Gofynnodd y Bwrdd am ddiweddariad ar weithredu'r model gweithredu targed [Cam Gweithredu Marie Daley].
• Mae'r ffocws ar drawsnewid Llinellau Craidd y Cymoedd yn ystod y mis diwethaf wedi canolbwyntio ar dynhau rheolaethau pellach ar ddylunio, rhaglenni a gwariant a sicrhau arian wrth gefn ar gyfer 2025/26. TYNNWYD
• Cyfarfod diweddar gyda CAF TYNNWYD
• Diweddariad ar waith gyda Llywodraeth Cymru, Network Rail a GBRTT ar sut bydd Great British Railways yn edrych yng Nghymru a sut bydd Llywodraeth Cymru a TrC yn gweithio gyda'r endid newydd a beth mae TrC yn ceisio ei ennill o'r agenda diwygio rheilffyrdd. Nododd y Bwrdd gynlluniau i gael Cyfarwyddwr Llwybr Cymru a Gorllewin Network Rail i fynychu cyfarfodydd bwrdd Rheilffyrdd TrC Cyf.
• Cafodd y Bwrdd hefyd yr wybodaeth ddiweddaraf am gyfarfodydd a sgyrsiau diweddar ynghylch Metro Gogledd-ddwyrain Cymru; cynlluniau i ddatblygu ymhellach y cysyniad o bedwar trên yr awr i ben cymoedd Treherbert, Merthyr ac Aberdâr drwy wasanaeth gwennol; diogelwch ar fysiau; heriau cyllidebol; ac ailfrandio 'teithio llesol' i 'strydoedd mwy diogel'.

Gadawodd Alan McCarthy y cyfarfod.

Nododd y Bwrdd y cyfrifon rheoli ar gyfer TrC ym mis Tachwedd 2024/25 a Rheilffyrdd TrC Cyfyngedig yng nghyfnod rheilffyrdd 7.

TYNNWYD. Mae galwadau dyddiol yn cael eu cynnal i oruchwylio cyllideb Llinellau Craidd y Cymoedd ar gyfer 2024/25.

Cafodd y Bwrdd hefyd yr TYNNWYD, cynnydd mewn Yswiriant Gwladol a heriau mewnol ynghylch arbedion ac osgoi costau ar gyfer y flwyddyn nesaf er mwyn paratoi ar gyfer cyllideb 25/26.

Cytunodd y Bwrdd fod angen iddo gael mewnwelediad ar faterion ariannol Traws Cymru [Cam Gweithredu Heather Clash].

Ymunodd Zoe Smith-Doe a Michael Pearce â'r cyfarfod.

Trafododd a chymeradwyodd y Bwrdd y Cynllun Busnes drafft ar gyfer 2025/26, sy'n amodol ar gymeradwyaeth Llywodraeth Cymru.

Ymunodd Zoe Smith-Doe a Michael Pearce â'r cyfarfod.

Ymunodd Dan Tipper â’r cyfarfod.

Ddechrau mis Rhagfyr, rhoddodd ORR Gymeradwyaeth Cyflwyno i’r Gwasanaeth (APIS) ar gyfer System OLE ar Reilffordd Treherbert, gan nodi’r awdurdodiad sylweddol terfynol ar gyfer y gwaith seilwaith ar ochr TAM y rhwydwaith a chaniatáu i fflyd Dosbarth 756 gael ei chyflwyno ar y llwybr. Fodd bynnag, effeithiwyd ar gyflwyno Dosbarth 756 gan broblemau ysbeidiol o ran darllen goleuadau yn dilyn digwyddiadau llifogydd diweddar, gyda dau angen eu newid. Mae angen gwneud rhagor o waith i sicrhau’r mynediad angenrheidiol i gefnogi proses profi a chomisiynu Dosbarth 398, gyda’r mater yn cael ei uwchgyfeirio i uwch arweinwyr AIW.

Trafodwyd cynnydd a cherrig milltir allweddol a gyflawnwyd yn 2024 gyda’r ddealltwriaeth, er y bu’n flwyddyn anodd iawn, bod cerrig milltir sylweddol a chymhleth wedi cael eu cyflawni gyda mwy o heriau i ddod yn 2025 a thu hwnt. Diolchodd y Bwrdd i bawb a gymerodd ran am y cynnydd a wnaed yn 2024.

Gadawodd Dan Tipper y cyfarfod.

Ymunodd Kim Townsend a Lewis Brencher y cyfarfod.

Cafodd y Bwrdd gyflwyniad ar y dull marchnata strategol sy’n ofynnol i gyrraedd targed refeniw masnachol TrC, TYNNWYD.

Cymeradwyodd y Bwrdd dri cham strategol cyntaf arfaethedig y dull gweithredu TYNNWYD.

Trafododd y Bwrdd ddisgwyliadau cwsmeriaid, mwy o bwyslais ar greu profiad gwell i gwsmeriaid sy’n annog cwsmeriaid i ddefnyddio’r gwasanaeth eto, estyn allan at fusnesau lleol, a’r angen i gymunedau deimlo perchnogaeth ar y rhwydwaith.

Gofynnodd y Bwrdd am wybodaeth am y refeniw sy’n cael ei gynhyrchu gan gwsmeriaid newydd o’i gymharu â’r refeniw sy’n cael ei gynhyrchu gan fusnes eildro tymor hwy [Cam Gweithredu Lewis Brencher / Kim Townsend].

Cafodd y Bwrdd yr wybodaeth ddiweddaraf am gyfarfod diweddar Bwrdd Pullman. TYNNWYD.

Cymeradwyodd y Bwrdd benodiad Roger Evans a Mike Whitten i Fwrdd Pullman.

Hefyd, nododd y Bwrdd gyfarfod diweddar Bwrdd Rheilffyrdd TrC Cyf.

Cafodd y Bwrdd y wybodaeth ddiweddaraf am gyfarfodydd diweddar y pwyllgorau Prosiectau Mawr, Profiad Cwsmeriaid a Chyfathrebu, Rhwydwaith-T a phwyllgorau Archwilio a Risg. Gwahoddodd y Bwrdd Mandy Garrett i roi adroddiad cynnydd ar y strategaeth TG a Gwasanaethau Digidol a ‘phrofion treiddio’ [Cam Gweithredu Jeremy Morgan]. Cymeradwyodd y Bwrdd Siarter Archwilio Mewnol a Pholisi Archwilio TrC.

Cymeradwyodd y Bwrdd newidiadau i aelodaeth yr is-bwyllgorau a nododd y bydd adolygiad o’r cylch gorchwyl yn cael ei gynnal ddechrau 2025.

Roedd cyfarfod diweddar Bwrdd Llywio TrC yn canolbwyntio ar gyllid a chyllidebau.

Cafodd y Bwrdd sesiwn gyfrinachol.

Diolchodd y Cadeirydd i bawb am eu presenoldeb a’u cyfraniadau a daeth â’r cyfarfod i ben.