Ymweld â Phorthmadog

Mae tref harbwr Porthmadog yn llawn hanes morwrol a golygfeydd godidog o Barc Cenedlaethol Eryri.

Wedi ei leoli yng Ngwynedd yng ngogledd-orllewin Cymru, mae Porthmadog yn cyfleu swyn digyfnewid a thirweddau hudolus. Fel y porth i Eryri, mae’n cynnig cymysgedd perffaith o lonyddwch ac antur.

Archwiliwch Reilffordd hudolus Eryri, cerddwch ar hyd strydoedd hyfryd wedi eu haddurno ag adeiladau lliwgar neu ddadflinwch ar lannau Aber Afon Glaslyn. Dewch i fwynhau bwyd Cymreig go iawn mewn bwytai lleol, darganfod hanes morwrol cyfoethog y dref yn yr Amgueddfa Forwrol neu fynd ar deithiau cerdded hyfryd drwy goetiroedd a mynyddoedd cyfagos.

Gyda’i chyfuniad unigryw o ddiwylliant, hanes a harddwch naturiol, mae Porthmadog yn addo profiad Cymreig bythgofiadwy i unrhyw deithiwr.

Mynd i Borthmadog ar y trên

Mae gan Borthmadog gysylltiadau rheilffordd gwych. Mae gorsaf drenau Porthmadog yn arhosfan ar y rheilffordd rhwng Birmingham a Phwllheli. Dewch oddi ar y trên yma a dim ond munud o waith cerdded sydd gennych chi i gyrraedd canol y dref.

Pam ymweld â Phorthmadog?

Dewch i ddarganfod pam mae’r gyrchfan hon yn werth ymweld â hi gyda’n rhestr o bethau i’w gwneud ym Mhorthmadog, lle mae atyniadau'r arfordir yn cwrdd â hyfrydwch garw. Ewch ar drywydd ei gorffennol morwrol yn yr Amgueddfa Forwrol hudolus, ewch ar Reilffordd Eryri neu beth am fwynhau bwyd môr ffres ger yr harbwr. Gyda’i hanes cyfoethog, ei golygfeydd godidog a’i hawyrgylch croesawgar, mae Porthmadog yn cynnig dihangfa fythgofiadwy i’r teulu cyfan.