Os ydych chi'n chwilio am bethau i'w gwneud ym Mae Colwyn, dyma’r lle i chi. Bydd yr canllaw hwn yn mynd â chi ar daith o amgylch yr atyniadau gorau yn y dref Gymreig hynaws hon. O bier trawiadol Bae Colwyn i’r traethau tywodlyd hardd, mae rhywbeth at ddant pawb yn y gyrchfan glan môr hyfryd hon.

Mae agosrwydd Bae Colwyn at atyniadau Llandudno a mynediad hawdd ar y rheilffordd yn denu ymwelwyr o bell ac agos. Gyda digon o lefydd cyfforddus i aros, a golygfeydd godidog, ni fyddwch am adael.

 

1. Ymlaciwch ar Draeth Bae Colwyn

Yn cynnig y profiad glan môr traddodiadol, mae gan draeth Bae Colwyn ehangder mawr o dywod euraidd meddal yn rhedeg ar hyd y bae, gyda llinellau llyfn y promenâd yn gefndir iddo. Wedi derbyn yr anrhydedd uchaf - Baner Las, mae'r traeth yn lân, gydag ansawdd dŵr rhagorol ac, yn unol â'r wobr, mae gweithgareddau addysg amgylcheddol yn cael eu hyrwyddo'n eang.

Mae pier Bae Colwyn wedi goroesi sawl tân, ac, er ei fod yn llawer byrrach na’i hyd gwreiddiol, mae’n dal i gynnal mawredd y pier Fictoraidd, gyda gwaith metel addurnedig a chynllun lliw sy’n driw i’r gwreiddiol.

Yn boblogaidd gyda theuluoedd, mae'r traeth hefyd yn denu caiacwyr, syrffwyr a hwylwyr, ac unwaith y bydd y cestyll tywod wedi'u hadeiladu, mae'r promenâd yn llawn caffis, siopau lleol ac arcedau difyrion lliwgar. Yn berffaith ar gyfer anghofio prysurdeb bywyd, mae Traeth Bae Colwyn yn gwneud diwrnod allan gwych.

Colwyn Bay

 

2. Ewch yn Wyllt yn y Sŵ Fynydd Gymreig

Os ydych chi'n chwilio am ddiwrnod allan llawn anifeiliaid, mae'n rhaid ymweld â'r Sŵ Fynydd Gymreig.

Yn edrych dros y dirwedd hardd o amgylch Bae Colwyn, mae’r sŵ yn gartref i amrywiaeth eang o anifeiliaid o bob rhan o’r byd. Mae Llewpartiaid Gwyn a Theigrod Swmatraidd yn crwydro trwy eu jyngl personol, lemyriaid cynffon gylchog hyfryd a digywilydd yn bownsio o gangen i gangen tra bod perthnasau agosaf dyn - y tsimpansïaid, yn gwylio eu campau, a draw ar Fferm y Plant mae’r cwningod delaf yn cnoi glaswellt ac yn chwilota.

Un peth sy'n gwneud y sŵ hon mor arbennig yw ei ffocws ar gadwraeth. Mae'r tîm o geidwaid profiadol ac ymroddedig yn gwneud popeth o fewn eu gallu i helpu i warchod rhywogaethau sydd dan fygythiad ac addysgu ymwelwyr am bwysigrwydd cadwraeth anifeiliaid. Mae llawer o drigolion y sŵ yn rhan o raglenni bridio rheoledig, gan sicrhau bod eu rhywogaeth yn goroesi. Trwy fabwysiadu eich hoff anifail - meerkatiaid, pengwiniaid, pandas coch neu rywbeth arall, gallwch chi helpu i'w gwarchod ar gyfer cenedlaethau'r dyfodol.

Felly os ydych chi’n chwilio am ddiwrnod allan llawn hwyl, diddorol ac addysgiadol gyda’r teulu, anelwch am y Sŵ Fynydd Gymreig.

 

3. Ewch yn wallgof ym Mharc a Pharc Dŵr Eirias

Gyda digonedd o weithgareddau i ddiddanu pawb, mae Parc a Pharc Dŵr Eirias yn gyrchfan wych ar gyfer diwrnod allan yn yr haf neu’r gaeaf.

Yn 50 erw o faint, mae’r parcdir yn gartref i lyn cychod hardd, gerddi wedi’u tirlunio, maes chwarae i blant, a hyd yn oed rheilffordd fach wych. Mae cyfleusterau chwaraeon awyr agored yn cynnwys traciau athletau, meysydd hoci a phêl-droed wedi’i llifoleuo, a chyrtiau tenis. Ynghyd â dewis o byllau dan do, sglefrau dŵr a sawnau mae campfa ffitrwydd â chyfarpar llawn.

Mae Canolfan Ddigwyddiadau Eirias yn darparu cyfleusterau digwyddiadau o ansawdd uchel, wedi'u cynllunio ar gyfer cynnal cerddoriaeth fyw, digwyddiadau chwaraeon, ac mae'n cynnwys rhaglen lawn o ddigwyddiadau a pherfformiadau trwy gydol y flwyddyn.

 

Mae Bae Colwyn yn gyrchfan gwyliau gwych, gyda thraethau, pobl leol gyfeillgar a llawer o bethau hwyliog i'w gwneud - ni fyddwch am adael

  • Oeddech chi’n gwybod?
    Teithiwch yn Saffach
    Gallwch gynllunio ymlaen llaw a phenderfynu pryd i deithio gan ddefnyddio ein Gwiriwr Capasiti.
    Gwirio capasiti