Dod â’ch beic ar y trên

Oes modd dod â fy meic ar y trên?

Mae gennym fannau ar gyfer beiciau ar ein trenau, ond mae lle’n brin.

Ar rai gwasanaethau, gofynnwn i chi archebu lle i'ch beic pan fyddwch chi'n prynu eich tocyn, mor fuan â phosibl ymlaen llaw ac o leiaf 24 awr cyn i chi deithio. Nid oes angen talu i archebu lle - ffoniwch ni ar 03333 211 202 am ragor o wybodaeth ac i archebu lle. Mae ein llinellau ar agor rhwng 08:00 a 20:00 o ddydd Llun i ddydd Sadwrn a rhwng 11:00 a 20:00 ar ddydd Sul. Codir cost cyfraddau lleol ar alwadau i'n rhif o ffonau BT.

O ran gwasanaethau lle nad oes modd trefnu ymlaen llaw, mae'r holl fannau i feiciau ar gael ar sail y cyntaf i’r felin.

Nid oes lle i gadw beiciau ar rai o'n trenau prysur rhwng Caerdydd a Chymoedd De Cymru  yn ystod oriau brig.

Mae beiciau pedal a gynorthwyir yn drydanol (e-feiciau) hefyd yn cael eu caniatáu ar ein gwasanaethau dan yr un telerau â beiciau pedal safonol. Nid yw sgwteri trydan yn cael eu caniatáu ar ein trenau.

Gallwch gynllunio eich taith gerdded gyda chynllunydd teithiau Traveline Cymru

Pam ddylech chi ddod â'ch beic ar un o'n trenau?

Mae beicio yn ffordd gyfleus o fynd o bwynt A i bwynt B sydd hefyd yn rhatach ac yn iachach. Mae'n ffordd wych o weld golygfeydd, boed hynny mewn dinas brysur neu yng nghefn gwlad.

Ble mae modd storio eich beic ar y trên

Chwiliwch am y symbol ar ochr y trên - gofynnwch i’r goruchwyliwr ar y trên os nad ydych yn siŵr. Ewch ar y trên lle mae’r symbol i'w weld a rhowch eich beic yn ddiogel yn y man dynodedig.

Gall fod seddi plygu a lleoedd ar gyfer defnyddwyr cadeiriau olwyn a chwsmeriaid â phlant ifanc mewn pram ar gael gerllaw. Helpwch ni i gadw llwybrau a drysau’n glir drwy gynnig seddi plygu i'r cwsmeriaid hyn.

Gwasanaethau Rheilffordd Hygyrch: Canllaw i’n fflyd o drenau

Gwybodaeth bwysig ynghylch teithio ar drên gyda’ch beic

• Hyd yn oed os ydych chi wedi archebu lle, fe fydd beiciau bob amser yn cael eu cludo yn ôl disgresiwn goruchwyliwr y trên
• Ni allwn fynd â beiciau heb deithiwr ar unrhyw un o'n trenau
• Ni chaniateir beiciau modur, mopedau, sgwteri modur, beiciau modurol na beiciau tandem ar ein trenau
• Y gyrrwr sy’n penderfynu a gewch chi fynd â’ch beic ar wasanaeth bws yn lle trên ai peidio