Oes modd i mi ddod â'm beic ar y trên?
Oes, mae modd i chi ddod a'r beic ar y trên ond cofiwch, gall lleoedd fod yn brin. Fodd bynnag, gallwch drefnu lle i'ch beic am ddim cyn teithio.
Sut ydw i'n trefnu i gadw lle i fy meic ar y trên?
I gadw lle i'ch beic am ddim ar y trên, cysylltwch â'n tîm Gwasanaethau Cwsmeriaid neu defnyddiwch ein ap.
Gallwch ffonio ein tîm Gwasanaethau Cwsmeriaid - 03333 211 202. Mae ein llinellau ar agor o 08:00 - 20:00 o ddydd Llun i ddydd Sadwrn a rhwng 11:00 - 20:00 dydd Sul.
Beth am e-feiciau?
Rydym yn croesawu Beiciau Pedal a Gynorthwyir yn Drydanol (EAPCs), a elwir yn fwy cyffredin yn e-feiciau neu feiciau trydan, ar ein gwasanaethau trên o dan yr un telerau â beiciau pedal safonol.
Mae Llywodraeth y DU yn diffinio Beiciau Pedal a Gynorthwyir yn Drydanol fel rhai sy'n bodloni'r meini prawf canlynol:
- Rhaid iddynt fod â phedalau y gellir eu defnyddio i'w gyrru.
- Rhaid iddynt fod ag allbwn 'pŵer parhaus uchaf' o ddim mwy na 250 wat.
- Ni ddylai beiciau allu cael eu gyrru pan fyddant yn teithio ar gyflymder o fwy na 15.5 milltir yr awr (mya) neu 25 cilomedr yr awr (kph).
- Rhaid iddynt fod â marciau sy'n dangos allbwn pŵer parhaus uchaf y beic a'i wneuthurwr.
- Rhaid iddynt fod â marciau sy'n dangos naill ai foltedd y batri neu ei gyflymder uchaf.
Rhaid i e-feiciau fodloni'r meini prawf hyn er mwyn cael caniatâd i fod ar ein gwasanaethau. Byddwch yn ymwybodol o'r canlynol:
- Ni chaniateir gwefru beic trydan ar ein trenau nac yn ein gorsafoedd ar unrhyw adeg.
- Ni ddylid tynnu batris o'r beic trydan (oni bai eu bod wedi'u dylunio i wneud hynny at ddibenion plygu - e.e. beic Brompton sy’n plygu).
- Ni ellir cario beic trydan gyda batri wedi'i ddifrodi ar ein trenau.
- Ni ellir cario batris sbâr ar y trên.
- Ni chaniateir e-feiciau sydd wedi’u haddasu'n drydanol ar ein trenau.
Yr hyn sydd angen i chi wybod am fynd a beic gyda chi ar drên
- Os nad ydych wedi trefnu lle i'r beic, mae lleoedd ar gael ar sail y cyntaf i'r felin ac efallai na fydd lleoedd ar gael yn ystod adegau prysuraf.
- Er ein bod yn gwneud ein gorau i wneud lle i feiciau ar ein trenau, cofiwch, yn ystod newidiadau gweithredol, tarfu, neu ddigwyddiadau mawr, efallai na fyddwn bob amser yn gallu darparu ar eu cyfer. Y rheolwr trenau sydd â'r gair olaf ynghylch a ellir cludo beic ar eich gwasanaethau.
- Ni allwn gludo beic sydd heb berchennog ar unrhyw un o'n trenau.
- Y gyrrwr bws sydd i benderfynu os cewch fynd â'ch beic ar wasanaeth bws yn lle trên.
- Ni chaniateir beiciau modur, mopedau, sgwteri modur, beiciau modur na beiciau tandem ar ein trenau.
- Ni chaniateir e-sgwteri ar ein trenau nac yn ein gorsafoedd o dan unrhyw amgylchiadau.
- Mae'n rhaid ichi ddod oddi ar eich beic a cherdded gyda'ch beic pan yn yr orsaf.
- Amodau Teithio yn berthnasol, ac ni fydd TrC yn gyfrifol nac yn atebol am unrhyw ddifrod i feic neu os caiff ei ddwyn.
Parcio beic ar y trên
Mae gan ein holl drenau le i barcio beic, edrychwch am y symbol beic ar y trên, gallwch hefyd ofyn i'r rheolwr trên os nad ydych yn siŵr. Os oes angen help neu wybodaeth arnoch ar sut i barcio eich beic yn ddiogel, siaradwch â rheolwr y trên. Ar rai gwasanaethau, mae'r man parcio beic mewn ardal a rennir.
Er diogelwch a chysur pawb gofynnwn i chi barcio eich beic yn gywir ac, os bydd yn achosi rhwystr, tynnwch ‘pannier’ neu fagiau eraill oddi ar y beic a'u rhoi yn y mannau storio. Cadwch yr holl eiliau ac allanfeydd yn glir i gwsmeriaid allu mynd ar y trên a gadael yn gyflym ac yn ddiogel. Os oes angen unrhyw help arnoch neu os oes gennych gwestiwn yn ystod y gwasanaeth, siaradwch â'n tîm ar fwrdd y tren.
