Pam ymuno â ni?

Rydym yn adeiladu rhwydwaith trafnidiaeth aml ddull, integredig a fydd yn cael effaith hirdymor gadarnhaol ar ffyniant Cymru. Fel myfyriwr graddedig TrC, gallwch fod yn rhan o hyn ac yn dechrau ar yrfa hynod gyffrous.

Byddwch yn dysgu sgiliau newydd, yn datblhgu eich arbenigedd ac yn ennill profiad gwerthfawr. Byddwch yn gweld effaith yr hyn rydych chi'n ei wneud bob dydd.

Byddwch yn cael yr offer sydd eu hangen arnoch i lwyddo, o fentora i gylchdroi rhwng gwahanol dimau, dysgu academaidd a chefnogaeth i ennill statws proffesiynol yn eich maes dewisol.

Byddwch yn ennill cyflog cychwynnol o £27,000, ac yn cael 28 diwrnod o wyliau y flwyddyn.

Byddwch hefyd yn cael mynediad at becyn buddion gwych gan gynnwys aelodaeth igcampfa a gostyngiad mewn amrywiaeth o siopau.

Mae cael tîm amrywiol o bobl o bob rhan o gymdeithas yn ein helpu i wneud gwaith gwell. Mae angen pobl dalentog arnom, beth bynnag fo'u cefndir.

Ymunwch â ni yn ein cenhadaeth i newid y ffordd y mae'r genedl yn teithio.

Cliciwch yma i weld y pecyn buddiannau llawn.

Cwrdd â'n graddedigion

Jonathan

Unigolyn Graddedig Bws Blwyddyn Gyntaf

Fe wnaeth hi fy helpu darganfod beth dwi'n angerddol amdano a sut rwy'n gweithio orau.

Mae bod ar Raglen Graddedigion TrC wedi bod yn brofiad gwych sydd wedi fy helpu darganfod beth dwi'n angerddol amdano a sut rwy'n gweithio orau. Mae'r cylchdro o fewn y cwrs wedi bod yn gyflwyniad gwych i'r gwahanol rannau o'r holl waith cynllunio trafnidiaeth y mae TrC yn ei wneud.

Rwyf wrth fy modd yn cael y cyfle i greu rhwydwaith trafnidiaeth gyhoeddus hygyrch a chynhwysol ar gyfer cenedlaethau'r dyfodol yng Nghymru. Yn ystod fy amser ar y cynllun graddedigion, rwyf wedi gallu ysgrifennu polisi a dylanwadu ar benderfyniadau sy'n effeithio'n uniongyrchol ar y gwasanaethau y bydd TrC yn eu darparu yn y blynyddoedd i ddod. Mae'n wych gwybod y bydd y gwaith rwy'n ei wneud yn rhoi'r hyder i fwy o bobl yng Nghymru ddefnyddio trafnidiaeth gyhoeddus, cerdded, olwynio neu feicio.

Owen

Unigolyn Graddedig Cynllunio Trafnidiaeth Blwyddyn Gyntaf

Rwy'n argymell hwn yn fawr fel man cychwyn ar gyfer eich gyrfa.

Mae sicrhau rôl raddedig yn adran Cynllunio a Datblygu Trafnidiaeth TrC wedi bod y lle delfrydol i mi ddechrau fy ngyrfa mewn trafnidiaeth. Roeddwn i eisiau gweithio ar brosiectau sy'n gwneud gwahaniaeth i fywydau pobl a datblygu'r rhwydwaith trafnidiaeth lle rwy'n byw.

Fel un o raddedigion cynllunio trafnidiaeth, rwyf wedi cael y cyfle i weithio ar brosiectau rheilffyrdd trawsnewidiol yn ne-ddwyrain Cymru a hefyd ymwneud â bysiau, teithio llesol a thrafnidiaeth a rennir. Yn ogystal, mae'r cylchdroi sy'n rhan o'r cynllun yn gadael i mi weithio ar draws y gwahanol dimau yn yr adrannau, gan roi'r cyfle i weithio ar draws y busnes gyda chydweithwyr a phrosiectau na fyddwn i'n eu gweld fel arall. Rwy'n mwynhau fy amser ar y cynllun ac yn ei argymell yn fawr fel man cychwyn ar gyfer gyrfa mewn trafnidiaeth.

Victoria

Unigolyn Graddedig Masnachol Blwyddyn Gyntaf

Y penderfyniad gorau a wnes i ar ôl y brifysgol.

Rydw i flwyddyn i mewn i'm cynllun graddedigion ac mae wedi bod yn wych. Mae wedi rhoi llawer mwy i mi na dim ond swydd; rwyf wedi cael y cyfle i archwilio meysydd newydd, cymryd rhan mewn amrywiaeth o gyrsiau, a chysylltu â phobl ar draws y busnes. Mae'r cylchdroi yn caniatáu i mi roi cynnig ar bopeth, gan fy helpu i ddod o hyd i'm cryfderau a mynd i'r afael â'm gwendidau.

Nid yn unig rydych chi'n cael tasgau syml, rydych chi'n rhan o dîm sy'n gwneud gwahaniaeth i TrC. Er bod fy mhrif rôl wedi'i lleoli yn y brif swyddfa, mae'r cynllun wedi agor drysau i'r busnes ehangach. Rwyf wedi cael cyfleoedd i wirfoddoli mewn gorsafoedd a mynychu digwyddiadau ledled Cymru gyda'r tîm Digwyddiadau Arbennig, y tîm Talent Gynnar a Gweithwyr Proffesiynol Ifanc y Rheilffyrdd.

Un o'r uchafbwyntiau oedd y rhwydwaith cymorth anhygoel gan gynnwys y tîm Talent Gynnar, cyd-raddedigion a fy rheolwr. Mae eu harweiniad wedi fy helpu yn ystod y cyfnodau mwyaf heriol.

Ymuno â Chynllun Graddedigion TrC oedd y penderfyniad gorau a wnes i ar ôl y brifysgol. Flwyddyn i mewn, rwy'n fersiwn fwy hyderus a chyflawn o fy hun.

Ifan

Cyn-fyfyriwr Graddedig mewn gweithrediadau

Mae'r gefnogaeth gan y tîm Doniau Cynnar a fy rheolwyr wedi bod yn wych.

Dechreuodd fy nhaith yn TrC yn ôl yn 2022, pan oeddwn yn ffodus i sicrhau interniaeth chwe mis gyda'r tîm Parodrwydd Gweithrediadau yn ystod fy ail flwyddyn yn y brifysgol. Yr hyn a ddenodd fi at TrC oedd y cyfle i ennill profiad ymarferol mewn tîm gweithrediadau mewn sefydliad sy'n tyfu ac yn esblygu.

Trwy fy interniaeth, cefais ystod eang o wybodaeth - nid yn unig am y prosesau o integreiddio trenau newydd sbon i rwydwaith Cymru a'r Gororau, ond hefyd camu i amgylchedd gweithle tra yn y brifysgol. Mae'r cyfle o interniaeth nid yn unig yn cynyddu eich sgiliau a phriodoleddau cyflogadwyedd, ond hefyd yn darparu profiad, sgiliau a chysylltiadau amhrisiadwy mewn gweithle proffesiynol.

Ar ôl graddio, cefais fy nenu i ddychwelyd i TrC trwy'r cynllun graddedigion Rheoli Rheilffyrdd. Roedd y cynllun graddedigion yn caniatáu i mi gylchdroi mewn llu o swyddogaethau’r busnes, o yrwyr a rheolwyr trenau, rheoli, fflyd a masnach i'n partneriaid cyflenwi allanol yn Network Rail ac Amey.

Mae'r gefnogaeth a ddarparwyd gan y tîm Talent Gynnar, ynghyd â'm rheolwr llinell a'm rheolwyr cylchdro yn caniatáu i mi brofi cyfleoedd, sgiliau a phrofiadau newydd. Yn ystod y flwyddyn ddiwethaf rwyf wedi bod yn rhan o brosiectau cyffrous, gan gynnwys cynllunio a gwasanaethu’r Eisteddfod ym Mhontypridd, integreiddio trenau newydd i'r rhwydwaith a phrofi sut rydym yn cadw’r rhwydwaith ar waith yn ein canolfannau rheoli. Mae'r sylfaen wybodaeth rydw i wedi'i ennill wedi fy ngalluogi i sicrhau swydd fel rheolwr prosiect cynorthwyol o fewn gweithrediadau cwsmeriaid, rôl rwy'n edrych ymlaen at fwynhau.