Mae Conwy ei hun yn ddigon bach i’w archwilio ar droed, ond mae digon i’w weld y tu mewn i’r waliau canoloesol. Mae castell o’r 13eg ganrif yn edrych dros y dref, mae’r harbwr ychydig y tu hwnt i’r stryd fawr ac mae adeiladau hanesyddol fel Plas Mawr a’r Tŷ Lleiaf i gyd gerllaw.
Gyda’r orsaf yng nghanol y dref, gallwch chi ddechrau archwilio y munud rydych chi’n gadael y trên.
Ble mae Conwy?
Mae Conwy yn dref farchnad gaerog ar arfordir gogleddol Cymru, wrth ymyl Aber Conwy ac o fewn cyrraedd hawdd i Barc Cenedlaethol Eryri.
Mae hefyd yn agos at Landudno, felly mae’n hawdd cyfuno’r ddau i gynllunio un daith i ogledd Cymru. Dim ond pellter byr ar y trên sydd rhwng Conwy a Llandudno, ac mae Cyffordd Llandudno gerllaw yn darparu cysylltiadau ar hyd Rheilffordd Arfordir Gogledd Cymru a Rheilffordd Dyffryn Conwy.
Ydy hi’n werth ymweld â Chonwy?
Mae gan Gonwy lawer iawn i’w gynnig am dref fach.
Castell Conwy sydd amlycaf yn y nenlinell ac mae’n un o dirnodau canoloesol enwocaf Cymru. O’r fan honno, gallwch gerdded rhannau o furiau’r dref, crwydro i lawr i’r cei neu ymweld â Phlas Mawr, un o dai tref Elisabethaidd sydd yn y cyflwr gorau ym Mhrydain.
Ger yr harbwr, y Tŷ Lleiaf ym Mhrydain Fawr yw un o olygfeydd mwyaf anarferol Conwy, ac mae Mynydd Conwy a Llwybr Arfordir Cymru yn rhoi cyfle i chi archwilio’r awyr agored.
Os ydych chi’n bwriadu aros am fwy na diwrnod, mae Gardd Bodnant a Gwarchodfa Natur RSPB Conwy o fewn cyrraedd hawdd i’r dref.
Ac os ydych chi’n ymweld â Chastell Conwy neu un o safleoedd eraill Cadw sy’n cymryd rhan, teithiwch gyda TrC a dangos tocyn trên dilys ar yr un diwrnod i gael mynediad 2 am bris 1.
Sut mae cyrraedd Conwy ar y trên
Ar ôl i chi gamu oddi ar y trên, mae’r castell, muriau’r dref, y siopau, y caffis a’r harbwr i gyd gerllaw, felly does dim llawer o angen teithio ymhellach os ydych chi’n aros yn y canol.
Mae gwasanaethau TrC yn cysylltu Conwy â chyrchfannau ledled gogledd Cymru a’r tu hwnt. Defnyddiwch ein hadnodd cynllunio teithiau i wirio amseroedd trenau byw a phrynu eich tocynnau ar-lein neu drwy’r ap.
Mae’r llwybrau poblogaidd yn cynnwys:
- Llandudno i Gonwy
- Caer i Gonwy
- Bangor i Gonwy
- Caerdydd i Gonwy
- Caergybi i Gonwy
- Manceinion i Gonwy
Cynllunio eich ymweliad â Chonwy
Mae Conwy yn gweithio llawn cystal am daith diwrnod ag y mae am arhosiad hirach. Cerddwch y waliau, ewch i’r castell, galwch heibio’r harbwr, a threuliwch amser yn y siopau, y caffis a’r cefn gwlad cyfagos.
I gael rhagor o syniadau, gan gynnwys teithiau cerdded, atyniadau a llefydd bwyta, ewch i Dewch i Gonwy.
-
Ymweld â Chaerdydd Dewch i ddarganfod Visit Cardiff
-
Dewch o hyd i'ch Caer Dewch i ddarganfod Find your Chester
-
Ymweld â Manceinion Dewch i ddarganfod Visiting Manchester
-