![](/sites/default/files/2024-02/Active%20travel%20toolkit%20header.jpg)
Lle diogel i feiciau yn yr ysgol
Yn 2024, penderfynodd Cyngor Gwynedd adeiladu cyfleusterau newydd i storio beiciau yn Ysgol Gynradd Cymerau ym Mhwllheli. Cafodd hyn ei wneud oherwydd bod plant yr ysgol ac arweinwyr cymunedol wedi gofyn am fwy o fannau diogel i ddisgyblion storio eu beiciau.
Dyma oedd y nodau:
- cynyddu faint o lefydd diogel a chysgodol sydd ar gael i storio beiciau yn Ysgol Cymerau.
- cefnogi’r duedd ehangach o blant yn beicio i’r ysgol yng Ngwynedd.
Disgrifiad
Roedd Ysgol Cymerau yn 5ed yng Nghymru yn ystod Stroliwch a Roliwch 2024, gyda mwy na 80% o ddisgyblion yn cymryd rhan.
Roedd swyddogion y cyngor wedi cwrdd â phennaeth ac ysgrifennydd yr ysgol, yn ogystal â chynrychiolwyr Sustrans i ystyried sut i gynyddu faint o lefydd storio beiciau sydd ar gael.
Roeddent yn cytuno mai cyfleusterau storio diogel dan do wrth ymyl mynedfa’r ysgol fyddai’r dewis gorau.
Gwersi a ddysgwyd
- Roedd y cydweithio rhwng y cyngor, yr ysgol a Sustrans yn allweddol i gyflawni’r prosiect yn llwyddiannus.
- Mae gan staff Ysgol Cymerau ymrwymiad cryf i gefnogi mentrau i gynyddu nifer y disgyblion sy’n cerdded ac yn beicio i’r ysgol, e.e. y ‘bws beicio’.
- Mae disgyblion Ysgol Cymerau yn frwd dros gerdded a beicio i’r ysgol.
Cost
- Ychydig yn llai na £26,500 oedd cost y cynllun.
Allbynnau
Mae modd storio 10 beic ym mhob lloches yn y cyfleusterau storio newydd, felly mae digon o le ar gyfer 30 beic.
Mae lloches i sgwteri wedi cael ei hadeiladu hefyd, sy’n gallu storio 20 o sgwteri.
09.05 fore Mawrth @YsgolCymerau Bws beic llwyddiannus arall! 😍👏🛴🚴♀️Diolch blant, staff a llywodraethwyr! 09.05 Tuesday morning @ysgolcymerau Another successful bike bus! Thanks to pupils, staff and governors🚴♀️🛴👏😍 pic.twitter.com/NHcgxPu1tt
— Debbie & Hannah - Active Journeys | North Wales (@AJ_NorthWales) November 22, 2023
Mae rhywbeth gwych wedi cyrraedd @ysgolcymerau dros y gwyliau! Siediau beiciau newydd! 🎉🛴🎉🚴♀️Something awesome has arrived during the holidays - bike storage!! Diolch am eich cefnogaeth @cyngorgwynedd Thank you for your support!👏👏 pic.twitter.com/WTrEw59diA
— Debbie & Hannah - Active Journeys | North Wales (@AJ_NorthWales) April 10, 2024
Mannau storio beiciau.
Lloches ar gyfer sgwteri.