Mae teithio llesol yn golygu cerdded, beicio a theithio ar olwynion i bwrpas. Gallai gynnwys cerdded i’r ysgol, beicio i’r siopau neu fynd ar olwynion i’r gwaith.
Mae’r canllawiau a’r adnoddau hyn wedi cael eu dylunio i gynyddu teithio llesol yng Nghymru. Maen nhw’n helpu awdurdodau lleol i ymgysylltu â’r cymunedau maen nhw’n eu gwasanaethu. Rydym wedi tynnu sylw at ymgyrchoedd effeithiol i gynyddu nifer y teithiau llesol i bwrpas.
Mae’r pecyn cymorth hwn wedi’i gynllunio i fod yn ddefnyddiol ac yn ymarferol. Rydyn ni wedi darllen gwaith ymchwil sydd eisoes yn bodoli i sicrhau bod y canllaw hwn yn hyrwyddo gweithgareddau sy’n gweithio. Wrth i bolisi, ymchwil ac amgylchiadau newid, byddwn yn diweddaru’r pecyn cymorth hwn. Rydyn ni’n croesawu adborth defnyddwyr ac awdurdodau lleol. Byddwn ni’n integreiddio’r adborth hwn mewn fersiynau o’r pecyn yn y dyfodol.
Canllawiau i
Cael pobl i gerdded a teithio ar olwynion
Canllaw i negeseuon ac ymyriadau syml sy’n gallu helpu mwy o bobl i gerdded a defnyddio olwynion ar deithiau bob dydd.
Annog beicio yng Nghymru
Canllaw i gael mwy o bobl yng Nghymru i feicio. Mae’n tynnu sylw at ymyriadau cynhwysol a negeseuon allweddol.
Cerdded teithio ar olwynion a seiclo i'r ysgol
Mae cael plant a phobl ifanc i deithio’n llesol i’r ysgol yn wych i’w hiechyd ac yn well i’r amgylchedd. Mae’r canllaw hwn yn casglu nifer o ymyriadau sy’n gweithio.
Cerdded, teithio ar olwynion a seiclo i bobl dros 60 oed
Gall teithio’n bell ar droed neu ar feic fod yn fwy heriol i bobl hŷn. Mae’r canllaw hwn yn nodi sut mae ymgysylltu’n effeithiol â’r grŵp hwn a ffyrdd o integreiddio teithio llesol yn eu bywydau bob dydd.
Adnoddau
Ffotograffiaeth
Mae gennym lyfrgell sy’n cynnwys dros 600 o ddelweddau o bobl yn cerdded, yn defnyddio olwynion ac yn beicio yng Nghymru.
Gall awdurdodau lleol ddefnyddio’r delweddau hyn i gynhyrchu eu hymgyrchoedd eu hunain.
Os nad oes gennych gyfrif, anfonwch e-bost at activetravel@tfw.wales.
Astudiaethau achos
Rydyn ni’n casglu astudiaethau achos o ymgyrchoedd ac ymyriadau sy’n gweithio.
Rydym yn annog awdurdodau lleol i ddefnyddio’r enghreifftiau hyn i ysbrydoli a llywio eu hymgyrchoedd eu hunain.
Templedi
Rydyn ni wedi llunio cyfres o dempledi i helpu awdurdodau lleol i roi eu hymgyrchoedd ar waith.
Maent yn cynnwys posteri A4, pethau i'w rhannu ar gyfryngau cymdeithasol, datganiadau drafft i’r wasg a thaflenni.
