Priffyrdd a thrafnidiaeth integredig
Rydyn ni’n ei gwneud hi’n haws i bobl symud o’r rhwydwaith ffyrdd i ddulliau trafnidiaeth mwy cynaliadwy.
Dewisiadau trafnidiaeth gyhoeddus yn lle traffordd yr M4
Rydyn ni’n mynd i’r afael â thagfeydd ar yr M4 drwy greu dewisiadau trafnidiaeth cynaliadwy eraill.
Bydd gorsafoedd rheilffordd newydd, coridorau bysiau cyflym a choridorau cymudo ar gyfer beiciau ar draws Caerdydd a Chasnewydd yn helpu i gysylltu rhwydwaith rheilffyrdd gwell â mathau eraill o drafnidiaeth gyhoeddus.
Ynghyd â’r Metro yn Ne Cymru a chynigion Cyngor Caerdydd ar gyfer trenau tram a choridorau bysiau, byddai hyn yn golygu y byddai 90% o bobl yng Nghaerdydd a Chasnewydd yn byw o fewn milltir i orsaf reilffordd neu goridor bysiau cyflym erbyn 2030.
Darllen mwy
- Uned Gyflawni Burns
- Ymateb Llywodraeth Cymru i argymhellion terfynol Comisiwn Trafnidiaeth De-ddwyrain Cymru
Prosiect A465 S5/6
Rydyn ni’n cyflawni’r prosiect hwn ar ran Llywodraeth Cymru. Dyma’r prosiect seilwaith ffyrdd mwyaf yng Nghymru a bydd yn uwchraddio 17km o’r A465 rhwng Dowlais Top a Hirwaun i fod yn ffordd ddeuol.
Bydd y gwelliannau hyn yn gwneud y ffordd yn fwy diogel, yn enwedig o amgylch cyffyrdd ac ardaloedd lle mae gwelededd yn wael. Byddant yn gwella llif y traffig i ymwelwyr â blaenau’r cymoedd a Bannau Brycheiniog.
Bydd y prosiect hefyd yn sicrhau manteision pwysig i gymunedau cyfagos, gan wella mynediad at wasanaethau a swyddi allweddol, a chefnogi mewnfuddsoddi.
Bydd hefyd yn creu mwy o gyfleoedd ar gyfer cerdded, beicio a cherdded gyda 14km arall o lwybrau beicio a llwybrau troed cyfun.
Darllen mwy
Astudiaeth Drafnidiaeth yr A483 Llandeilo a Ffairfach
Rydyn ni’n helpu i gyflwyno ymateb Llywodraeth Cymru i Astudiaeth Trafnidiaeth yr A483 Llandeilo a Ffairfach.
Mae camau’n cael eu cymryd i wella ansawdd aer a lleihau tagfeydd traffig drwy wella mynediad at lwybrau trafnidiaeth gyhoeddus, cerdded, beicio a theithio ar olwynion.
Yn ogystal â helpu i ddiogelu ein hamgylchedd, bydd llai o dagfeydd yn gwella amseroedd teithio ar yr A483 a bydd yn gwneud siwrneiau’n fwy diogel i gerddwyr a beicwyr. Bydd hefyd yn cefnogi cyfleoedd twristiaeth ac economaidd yn Llandeilo a Ffairfach.
