Mae ein trenau tram newydd wedi cyrraedd eu cartref yn Ffynnon Taf

Mae ein trenau tram newydd wedi cyrraedd eu cartref yn Ffynnon Taf

Mae’r cyntaf o’n trenau tram Metro newydd wedi cyrraedd eu cartref newydd yn ein depo gwerth £100 miliwn yn Ffynnon Taf.

Gyda phŵer offer llinellau uwchben trydanol a phŵer batri, byddan nhw’n llawer mwy gwyrdd na’n trenau presennol. Maen nhw hefyd yn llawer tawelach, gan greu llai o sŵn i’n cymdogion wrth ymyl y cledrau.

Mae ein trenau tram wedi’u dylunio i weithredu fel trenau confensiynol ar reilffyrdd presennol ac fel tramiau ar estyniadau Metro yn y dyfodol, gan drawsnewid y ffordd y mae pob un ohonom yn teithio ar draws y rhanbarth.

Mae pob un o’r 36 uned yn dri cherbyd o hyd, gyda 126 o deithwyr â chyfanswm capasiti o 252 o bobl. Mae yna hefyd bedwar lle i feiciau ar bob trên tram a rampiau gwastad i wella hygyrchedd ein holl gwsmeriaid yn sylweddol.

Ar y cyd â gwella cledrau, signalau a gorsafoedd, byddant yn galluogi 12 trên yr awr i deithio rhwng Pontypridd a Chaerdydd drwy Ffynnon Taf, i bob cyfeiriad. Mae’n gynnydd sylweddol mewn capasiti a, lle bo’n bosibl, bydd rhai gwasanaethau hefyd yn gweithredu mewn ffurfiau dwbl hefyd.