Cynllunio taith trên
Y Metro yw ein cyfle
Bydd y Metro yn cael ei adeiladu’n bwrpasol ar gyfer dyfodol Cymru. Bydd yn ei gwneud yn haws i bob un ohonom deithio, boed hynny ar y trên, ar fws, ar feic neu ar droed. Bydd yn ffordd fodern, effeithlon a chynaliadwy o deithio er mwyn i bob un ohonom allu defnyddio llai ar ein ceir a theithio mwy ar drafnidiaeth gyhoeddus neu drwy ddulliau teithio llesol.
Fel rhan o’r rhwydwaith trafnidiaeth integredig rydyn ni’n ei adeiladu, bydd y Metro yn cysylltu ardaloedd â chanolfannau trafnidiaeth ac yn lleihau effaith amgylcheddol teithio yng Nghymru. Bydd hefyd yn creu mwy o ffyrdd o ymgorffori gweithgarwch corfforol mewn bywyd bob dydd a bydd hynny’n golygu Cymru iachach i bob un ohonom.
Pa fanteision y gallwch chi ddisgwyl eu cael?
Bydd y Metro yn helpu i gysylltu cymunedau ac yn helpu busnesau i ffynnu. Bydd yn arwain at amrywiaeth o gyfleoedd gwaith, hamdden a busnes, gan drawsnewid rhagolygon economaidd Cymru yn y dyfodol.
Mae’r Metro yn golygu teithiau sydd wedi’u cysylltu’n well, amseroedd teithio byrrach a ffordd fwy gwyrdd o deithio. Y Metro yw ein cyfle i adeiladu Cymru well - i bawb.
Cael gwybod beth mae’r Metro yn ei olygu yn eich ardal chi
Bydd y Metro yn fy helpu i astudio yn y lleoliad o’m dewis i
Mae’r Metro ar ddod ac mae hynny'n golygu mwy o gyfleoedd i chi ddysgu yn y lle rydych chi am ddysgu. Beth fydd y cam nesaf i chi?
Bydd y Metro yn fy helpu i deithio'n ddiogel
Bydd y Metro yn gwneud trafnidiaeth gyhoeddus yn fwy diogel, yn fwy cyfleus a hygyrch i bawb, p’un a ydym yn teithio ar drên, bws, beic neu ar droed.
Bydd Metro yn fy helpu i fod yn wyrddach
Bydd y Metro yn ein helpu i deithio’n wyrddach, fel y gallwn oll wneud dewisiadau teithio mwy cynaliadwy. Beth allwch chi ei wneud i helpu'r amgylchedd?
Bydd y Metro yn fy helpu i ddychwelyd i'r gwaith
Bydd y Metro yn gwneud hi'n haws ac yn gynt i deithio, gan greu mwy o gyfleoedd gwaith ledled Cymru. Beth yw’r cam nesaf ar gyfer eich gyrfa chi?
Bydd y Metro yn helpu fy musnes i ffynnu
Bydd y Metro yn system drafnidiaeth fwy cysylltiedig.
Bydd yn rhoi cyfle i fusnesau ffynnu – a chyfle iddynt recriwtio a hyfforddi cronfa ehangach o dalent.
Bydd gwasanaethau rheilffordd yn rhan allweddol o'r Metro, a gall y cwsmeriaid ddisgwyl gwasanaeth modern lle gallwch chi gyrraedd a mynd ac sy’n cynnig:
- Teithiau cyflymaf, ac amseroedd teithio is
- Cysylltiadau gwell rhwng gwahanol fathau o drafnidiaeth
- Mwy o gapasiti
- Gwasanaethau amlach
- Gwasanaethau mwy dibynadwy
- Gwasanaethau mwy hygyrch
- Tocynnau rhatach a ffordd fwy fforddiadwy o deithio ar y trên
- Gwasanaethau gwyrddach
