Ardaloedd cam 1, crynodeb a data: Terfyn cymflymder 20mya safonol ar frydd cyfyngedig

Ardaloedd cam 1

Monitro terfynol - crynodeb

Amseroedd teithio cyfartalog monitro cam1

Terfyn cyflymder 20mya diofyn cam1 data monitro

Mae’r adroddiad hwn yn crynhoi’r data monitro a gafwyd o ardaloedd cam 1 20mya hyd at ddiwedd mis Mai 2023. Mae'r data a gyflwynir yma yn cael ei gymryd o'r adroddiad monitro terfynol sy'n ymwneud yn benodol â cham 1.

Bydd adroddiadau monitro yn y dyfodol yn ymdrin â’r terfyn cyflymder diofyn cenedlaethol o 20mya ar ‘ffyrdd cyfyngedig’ a gyflwynwyd ar 17 Medi 2023.¹

Fe wnaethom gyhoeddi’r fframwaith monitro 20mya cenedlaethol ym mis Medi 2023.² This sets out five specific measurable objectives for 20mph speed limit implementation:

• Gostwng nifer y cerddwyr a beicwyr sy’n cael eu lladd neu eu hanafu’n ddifrifol ar y rhwydwaith ffyrdd.
• Annog newid moddau o geir preifat i gerdded a beicio ar gyfer teithiau byrrach mewn ardaloedd adeiledig.
• Lleihau goruchafiaeth cerbydau modur mewn rhyngweithiadau rhwng cerbydau a cherddwyr.
• Lleihau allyriadau carbon o drafnidiaeth o ganlyniad i newid moddau o geir preifat i gerdded, beicio a theithio ar olwynion ar gyfer teithiau byrrach mewn ardaloedd adeiledig.
• Cynnal neu wella ansawdd yr aer lleol o ganlyniad i gyflymder traffig mwy llyfn a llai o gyflymu ac arafu.

Dangosyddion Perfformiad Allweddol (DPA) yw'r brif set o fetrigau sy'n cael eu defnyddio i fonitro cynnydd yn erbyn yr amcanion. Asesir y saith DPA a ganlyn ar gyfer ardaloedd cam 1:

• Canran y traffig sy’n cydymffurfio â’r terfyn cyflymder o 20mya (DPA 1.1)
• Newid mewn cyflymder 85 canradd (DPA 1.2)³
• Newid mewn cyflymder cymedrig (DPA 1.3)
• Amseroedd teithio cerbydau ac amrywiad o ran amseroedd teithio ar y prif lwybrau (DPA 1.4). Mae hyn yn defnyddio’r gwahaniaeth rhwng y 5ed canradd ac amseroedd teithio'r 95fed canradd fel procsi.
• Newid mewn agwedd tuag at ddefnyddio teithio llesol mewn ardaloedd adeiledig (DPA 3.1)⁴
• Newid o ran ymddygiad ildio cerbydau a cherddwyr (DPA 3.2)
• Newid mewn ansawdd aer lleol yn seiliedig ar nitrogen deuocsid (NO₂) (DPA 4.1).

Nid ydym yn gallu adrodd yn erbyn y pump DPA arall ar y cam cynnar hwn yn y rhaglen 20mya. Mae hyn oherwydd cwmpas daearyddol cyfyngedig ardaloedd cam 1 a’r amserlenni byr ers eu rhoi ar waith.

Dyma’r DPA sydd heb gael eu hasesu ar gyfer cam 1:

• Cyfraddau damweiniau ar gyfer cerddwyr a beicwyr (DPA 2.1, 2.2, 2.3)
• Newid mewn allyriadau carbon deuocsid (CO₂) (DPA 4.2)
• Newid yn agweddau’r cyhoedd at derfynau cyflymder 20mya (DPA 5.1)

¹ Diffinnir ffyrdd cyfyngedig gan Ddeddf Rheoleiddio Traffig Ffyrdd 1984 fel ffyrdd sydd â goleuadau stryd bob 200 llath o leiaf. Oni bai ei fod wedi’i lofnodi fel arall, y terfyn cyflymder ar ffyrdd cyfyngedig oedd 30mya cyn 17 Medi 2023 ac 20mya ar ôl.
² Terfyn cyflymder 20mya diofyn ar ffyrdd cyfyngedig: dogfen fframwaith monitro, TrC, Medi 2023.
³ Y cyflymder y mae 85% o yrwyr yn gyrru arno neu'n is mewn amodau llifo’n rhwydd.
⁴ Mae teithio llesol yn cyfeirio at deithiau sy’n cael eu gwneud drwy gerdded, beicio a theithio ar olwynion.

Mae crynodeb asesu dangosyddion perfformiad allweddol ar sail data a gasglwyd yn ardaloedd cam 1 hyd at fis Mai 2023 ar gael yn nhabl 1.

Table 1: Crynodeb o’r asesiad DPA terfynol ar gyfer ardaloedd cam 1

* Newid o’i gymharu â’r sefyllfa cyn gweithredu: ++ (mawr cadarnhaol), + (bach cadarnhaol), 0 (dim newid amlwg), - (bach negyddol), -- (mawr negyddol).

Llwytho i lawr fel PDF