Aberystwyth i Birmingham

Pethau i’w gwneud yn Birmingham

Gyda’i orffennol diwydiannol cyfoethog, ei sîn gelfyddydol lewyrchus a’i siopau gwych, dylai Birmingham yn bendant fod ar eich rhestr o lefydd i ymweld â nhw. Ewch i siopa’n y Bullring, neu fwyta yn y ‘Balti Triangle’ fyd enwog. Os ydych yn hoff o siocledi, peidiwch ag anghofio ymweld â Cadbury World. Beth bynnag yw’ch rheswm am fynd i Birmingham, fyddwch chi byth yn brin o syniadau am bethau i’w gwneud. 

Gallwch deithio o Birmingham i Aberystwyth o £15.40 â thocyn trên Advance.

Pethau i’w gwneud yn Aberystwyth

Mwynhewch benwythnos o deithiau cerdded arfordirol a diwylliant yn un o drefi arfordirol mwyaf eiconig Cymru. Dewch i fwynhau golygfeydd godidog o Fae Ceredigion o’r promenâd pen-i-gamp, yna neidiwch i mewn i hanes a diwylliant hynafol Cymru yng Nghastell Aberystwyth a Llyfrgell Genedlaethol Cymru. Gyda’i Rheilffordd ar y Clogwyn, y Camera Obscura ac amrywiaeth o siopau a chaffis, mae Aberystwyth yn berffaith am ddydd allan neu benwythnos hir.

Gallwch deithio o Aberystwyth i Birmingham o £15.40 â thocyn trên Advance.

Pethau i’w gwneud yn yr Amwythig

Mae’r Amwythig gyda’i strydoedd canoloesol, adeiladau ffrâm bren, a lonydd carregog yn fan delfrydol am benwythnos ymlaciol. Gyda’i farchnadoedd prysur, gwyliau bywiog a sîn bwyd bendigedig, mae’n cynnig cyfuniad unigryw o hanes, siopa, bwyd a diod, i gyd o dan gysgod Castell Normanaidd godidog.

Pethau i’w gwneud yn Harlech

Ar arfordir Gogledd Cymru, mae Harlech yn swyno ymwelwyr â golygfeydd arfordirol syfrdanol. Tra byddwch yno, ewch i gastell Harlech a chael 2 docyn am bris 1 gyda CADW, pan fyddwch yn teithio gyda Trafnidiaeth Cymru. Wedi’i leoli ar graig fawr yn edrych dros y twyni, mae castell Harlech yn safle syfrdanol i ymweld ag ef. Dysgwch fwy am gynigion 2 am bris 1 CADW yma.

*Y ganran gyfartalog a arbedwyd gan gwsmeriaid rhwng 01/01/2023 a 31/12/2023 wrth brynu tocynnau Advance TrC heb ddisgownt o’i gymharu â thocyn sengl rhataf TrC am bris unrhyw amser ar gyfer yr un siwrnai, ar yr un diwrnod â’r daith, oedd 50.2%. Mae prisiau tocynnau Advance yn amodol ar argaeledd. Mae Amodau Teithio National Rail yn berthnasol. Mae’r prisiau a nodir yn ddilys tan 28/02/2025.