Ffynnu
Cyflwyniad
Mae ein Hacademi Brentisiaethau newydd yn cefnogi datblygiad ein prentisiaid ac yn cynnig sgiliau ehangach y gall y prentisiaid eu defnyddio drwy gydol eu gyrfa.
Nod Llesiant
Ffyrdd o weithio
Wythnos Genedlaethol Prentisiaethau
Yn ystod yr Wythnos Genedlaethol Prentisiaethau a gynhaliwyd ym mis Chwefror 2021, lansiodd Trafnidiaeth Cymru Academi Brentisiaethau newydd. Mae’r academi yn rhoi i brentisiaid sgiliau ehangach a all ategu eu dewis ddisgyblaeth er mwyn rhoi hwb i’w gyrfaoedd yn y dyfodol a pheri iddyn nhw ffynnu. Yn briodol ddigon, enw’r rhaglen hon yw ‘Ffynnu’.
Rhaglen 12 mis yw Ffynnu, ac mae’n rhoi dull cyfannol ar waith ar gyfer datblygu prentisiaid mewn ffyrdd nad ydyn nhw’n uniongyrchol gysylltiedig â’u harbenigaeth, gan gynnal dosbarthiadau meistr sy’n cynnig sgiliau bywyd a sgiliau datblygu gyrfa i brentisiaid. Caiff dosbarthiadau meistr eu cynnal ddwywaith y mis ac mae pob sesiwn yn para oddeutu awr. Caiff pob dosbarth ei seilio ar sgiliau personol a phroffesiynol, gan gyd-fynd ag un o blith saith nod y Ddeddf Llesiant Cenedlaethau’r Dyfodol, yn ogystal â diben, gweledigaeth a gwerthoedd Trafnidiaeth Cymru. Nodau’r rhaglen yw galluogi’r prentisiaid i ffynnu a llwyddo.
Er bod y sesiynau wedi’u hanelu at brentisiaid, maen nhw ar agor i gydweithwyr trwy’r sefydliad sy’n awyddus i ymuno â sesiynau a allai fod o ddiddordeb iddyn nhw.
