Teitho'n saffach

Teithio'n fwy diogel - ewch ati i gynllunio ymlaen llaw a bod yn deithiwr cyfrifol

Gyda chyfyngiadau teithio'n cael eu llacio ledled y DU, mae llawer mwy ohonom yn defnyddio trafnidiaeth gyhoeddus.

Mae'n hyfryd croesawu ein cwsmeriaid yn ôl, ond rhaid cofio bod rhai o'n gwasanaethau yn prysuro, yn enwedig i gyrchfannau gwyliau poblogaidd mewn tywydd braf.

Er mwyn helpu i wneud eich taith mor ddiogel a phleserus â phosibl, rydym yn annog pawb i feddwl am eu dewisiadau teithio – ac yn gofyn i chi gynllunio'ch taith ymlaen llaw a gwirio cyn teithio.

Helpwch ni i wneud gwahaniaeth - gwnewch eich rhan

Mae angen eich help chi arnom ni i gadw'r rhwydwaith mor ddiogel â phosibl. Gallwch wneud byd o wahaniaeth drwy ddilyn y rhestr wirio hanfodol hon:

• Peidio â theithio os ydych chi'n teimlo'n sâl neu'n dangos symptomau ysgafn
• Cynllunio'ch taith – defnyddiwch ein Gwiriwr Capasiti defnyddiol i wirio pa amser sydd orau i chi deithio
• Glanhau'ch dwylo – cofiwch ymolchi neu ddiheintio'n rheolaidd, yn enwedig cyn mynd ar y trên ac ar ôl teithio.
• Gorchudd wyneb – gwisgwch gorchudd wyneb bob amser, oni bai eich bod wedi'ch eithrio
• Cadw pellter – gadewch le rhyngoch chi ac unrhyw un nad yw o’r un aelwyd â chi neu’n o’ch swigod cymdeithasol, os oes modd, gan gydnabod nad yw hyn yn bosibl bob amser.
• Parch – dangoswch ddigon o barch i deithwyr eraill a'n cydweithwyr
• Teithio llesol - allech chi gerdded neu feicio i'ch cyrchfan?

Mae gwisgo gorchuddion wyneb ar drafnidiaeth gyhoeddus yn parhau i fod yn gyfraith yng Nghymru. Mae'n rhaid i chi barhau i wisgo gorchudd wyneb ar ein holl wasanaethau drwy gydol eich taith, oni bai eich bod wedi'ch eithrio.

 
Rydym yn parhau i ddilyn canllawiau Llywodraeth Cymru i'r carn. Gallwch weld y canllawiau teithio diweddaraf yma.

Ymweld â chyrchfannau poblogaidd ar ein rhwydwaith

Angen rhywfaint o ysbrydoliaeth neu syniadau ar gyfer yr haf? Does unman yn debyg i gartre, ac mae gan ein partner Croeso Cymru lond gwlad o wybodaeth am wibdeithiau, gwyliau byr a phenwythnosau bendigedig yma.

Bydd rhai cyrchfannau yn fwy poblogaidd nag eraill ar rai adegau, felly os ydych chi'n poeni am gadw pellter cymdeithasol, meddyliwch am leoliadau nad ydyn nhw efallai mor boblogaidd yn ystod y cyfnodau prysuraf. Ar ôl penderfynu ar eich cyrchfan, cofiwch gynllunio eich teithiau ymlaen llaw ac archebu eich tocynnau ymlaen llaw os gallwch chi. 

Tu hwnt i Gymru

Bydd angen i chi ddilyn y canllawiau ar gyfer Lloegr, yr Alban a Gogledd Iwerddon wrth deithio i'r gwledydd hynny.

Mae canllawiau Llywodraeth Cymru yn cynghori pobl i osgoi teithio i ardaloedd sydd â nifer uchel o achosion o’r coronafeirws os gallan nhw.

Hefyd, mae Llywodraeth Cymru yn cynghori yn erbyn teithio dramor, ac eithrio at ddibenion hanfodol. Gallwch weld y rheolau diweddaraf ar deithio tramor i/o Gymru, yma.

Llai o wasanaethau bysiau a threnau  

Cofiwch gynllunio ymlaen llaw a gwneud eich gwaith cartref cyn teithio  

Bydd llai o wasanaethau trên yn rhedeg er mwyn helpu i gadw’r staff a’r rheini sydd angen gwneud teithiau hanfodol mor ddiogel â phosibl.  

Os ydych chi’n teithio ar drên, defnyddiwch ein gwiriwr capasiti  

Mae llai o wasanaethau bws eisoes yn rhedeg.  

Os ydych chi’n teithio ar fws, ewch i wefan eich gweithredwr bws lleol i gael rhagor o wybodaeth. Mae rhestr o weithredwyr lleol ar gael yma. 

Dolenni defnyddiol

• Gallwch chi gael rhagor o wybodaeth am Deithio’n Saffach a’n haddewid ni i chi yma. 
• Byddwch yn deithiwr cyfrifol, cynlluniwch ymlaen llaw a defnyddiwch ein gwiriwr capasiti os ydych chi’n teithio ar drên
• Edrychwch ar wefan eich gweithredwr bysiau lleol i gael rhagor o wybodaeth. Gallwch ddod o hyd i'ch gweithredwr lleol yn https://www.cymraeg.traveline.cymru/ 
• Darllenwch ein Cwestiynau Cyffredin i gael gwybod mwy am yr hyn rydym yn ei wneud i sicrhau bod teithiau hanfodol ar drafnidiaeth gyhoeddus yng Nghymru mor ddiogel â phosibl.
• Gallwch chi gael yr wybodaeth ddiweddaraf am ofal iechyd gan y GIG. 
• Gallwch chi gael yr wybodaeth ddiweddaraf am ofal iechyd gan Iechyd Cyhoeddus Cymru yma. 
•  
• Amseroedd teithio is, mwy o wasanaethau a chysylltiadau gwella - dyna rai o’r manteision a ddaw gyda Metro, sef y system drafnidiaeth newydd a chyffrous a fydd yn trawsnewid y ffordd rydyn ni i gyd yn teithio yng Nghymru a’r Gororau.
• Mae’r gwaith eisoes wedi dechrau ar Fetro De Cymru, ac rydyn ni'n datblygu dewisiadau i wella ac ehangu’r rhwydwaith trafnidiaeth yng Ngogledd Cymru a Bae Abertawe.